ਯੈੱਸ ਪੰਜਾਬ
ਡੱਬਵਾਲੀ (ਹਰਿਆਣਾ) 13 ਜੂਨ, 2021:
ਹਰਿਆਣਾ ਦੇ ਚੌਟਾਲਾ ਵਿੱਚ ਇਕ ਵਿਅਕਤੀ ਨੂੂੰ ਡੰਡਿਆਂ ਨਾਲ ਕੁੱਟ ਕੁੱਟ ਕੇ ਮਾਰ ਦਿੱਤਾ ਗਿਆ। ਘਟਨਾ ਨੂੰ ਮ੍ਰਿਤਕ ਦੇ ਭਾਈਵਾਲ, ਉਸਦੇ ਪਰਿਵਾਰਕ ਮੈਂਬਰਾਂ ਅਤੇ ਹੋਰ ਲੋਕਾਂ ਨੇ ਅੰਜਾਮ ਦਿੱਤਾ। ਪਰਿਵਾਰ ਨੂੰ ਸ਼ੱਕ ਸੀ ਕਿ ਮ੍ਰਿਤਕ ਦੇ ਪਰਿਵਾਰ ਦੀ ਔਰਤ ਨਾਲ ਗ਼ਲਤ ਸੰਬੰਧ ਸਨ।
ਮ੍ਰਿਤਕ ਨਰੇਸ਼ ਉਰਫ਼ ਢੋਲੂ ਚੌਟਾਲਾ ਬੱਸ ਸਟੈਂਡ ਰੋਡ ’ਤੇ ਸ਼ਨੀ ਮੰਦਿਰ ਕੋਲ ਰਹਿਣ ਵਾਲਾ ਸੀ ਅਤੇ ਕੁਝ ਚਿਰ ਪਹਿਲਾਂ ਤਕ ਟੈਕਸੀ ਡਰਾਈਵਰ ਵਜੋਂ ਕੰਮ ਕਰਦਾ ਸੀ। ਪਿਛਲੇ ਕੁਝ ਸਮੇਂ ਤੋਂਉਸਨੇ ਪਿੰਡ ਦੇ ਹੀ ਧਰਮਬੀਰ ਦੇ ਨਾਲ ਭਾਈਵਾਲੀ ਵਿੱਚ ਇਕ ਪਿਕਅਪ ਵਿੱਚ ਸਬਜ਼ੀ ਲਿਆ ਕੇ ਵੇਚਣ ਦਾ ਕੰਮ ਸ਼ੁਰੂ ਕੀਤਾ ਸੀ। ਸ਼ੱਕ ਕੀਤਾ ਜਾਂਦਾ ਹੈ ਕਿ ਇਸੇ ਦੌਰਾਨ ਉਸਦੇ ਧਰਮਬੀਰ ਦੀ ਪਤਨੀ ਤਨੂੰ ਨਾਲ ਸੰਪਰਕ ਬਣ ਗਿਆ।
ਇਹ ਗੱਲ ਪਰਿਵਾਰ ਨੂੰ ਪਤਾ ਲੱਗੀ ਤਾਂ ਧਰਮਬੀਰ ਨੂੰ ਘਰ ਬੁਲਾ ਕੇ ਉਸਦੀ ਬੁਰੀ ਤਰ੍ਹਾਂ ਕਈ ਲੋਕਾਂ ਵੱਲੋਂ ਕੁੱਟਮਾਰ ਕੀਤੀ ਗਈ ਜਿਸ ਮਗਰੋਂ ਪੁਲਿਸ ਨੂੰ ਇਹ ਜਾਣਕਾਰੀ ਦਿੱਤੀ ਗਈ ਕਿ ਘਰ ਵਿੱਚ ਵੜਿਆ ਕੋਈ ਚੋਰ ਫ਼ੜਿਆ ਹੈ।
ਮ੍ਰਿਤਕ ਦੇ ਪਰਿਵਾਰ ਦਾ ਦੋਸ਼ ਹੈ ਕਿ ਦੋਸ਼ੀਆਂ ਨੇ ਤਨੂੰੰ ਤੋਂ ਫ਼ੋਨ ਕਰਵਾ ਕੇ ਧਰਮਬੀਰ ਨੂੰ ਘਰ ਬੁਲਾਇਆ ਅਤੇ ਡੰਡਿਆਂ ਨਾਲ ਉਸਦੀ ਬੇਤਹਾਸ਼ਾ ਕੁੱਟਮਾਰ ਕੀਤੀ। ਜ਼ਖ਼ਮਾਂ ਦੀ ਤਾਬ ਨਾ ਝੱਲਦਾ ਹੋਇਆ ਉਹ ਦਮ ਤੋੜ ਗਿਆ। ਪਰਿਵਾਰ ਦਾ ਇਹ ਵੀ ਦੋਸ਼ ਹੈ ਕਿ ਨਰੇਸ਼ ਨੇ ਧਰਮਬੀਰ ਤੋਂ 70 ਹਜ਼ਾਰ ਰੁਪਏ ਲੈਣੇ ਸਨ। ਉਨ੍ਹਾਂ ਵੱਲੋਂ ਕਿਸੇ ਤਰ੍ਹਾਂ ਦੇ ਸੰਬੰਧਾਂ ਦੀ ਗੱਲ ਤੋਂ ਇਨਕਾਰ ਕੀਤਾ ਜਾ ਰਿਹਾ ਹੈ।
28 ਸਾਲਾਂ ਦੇ ਨਰੇਸ਼ ਢੋਲੂ ਦੀ ਮੌਤ ਤੋਂ ਬਾਅਦ ਪੁਲਿਸ ਨੇ ਤਨੂੰ, ਉਸਦੇ ਪਤੀ ਧਰਮਬੀਰ ਅਤੇ ਉਸਦੇ ਭਰਾਵਾਂ ਸਣੇ 11 ਵਿਅਕਤੀਆਂ ਵਿਰੁੱਧਕਤਲ ਦਾ ਮਾਮਲਾ ਦਰਜ ਕੀਤਾ ਹੈ। ਦੋਸ਼ੀਆਂ ਵਿੱਚ ਰਮੇਸ਼, ਸ਼ਾਮ ਸੁੰਦਰ, ਧਨਰਾਜ, ਹੰਸਰਾਜ, ਛਿੰਦਰ, ਸੁਰਿੰਦਰ, ਸਰਵਣ, ਹਰਦਿਆਲ ਕਾਲੀਆ ਆਦਿ ਸ਼ਾਮਲ ਹਨ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
