- Advertisement -
ਅੱਜ-ਨਾਮਾ
ਧੜਾਧੜ ਚੋਣਾਂ ਦੀ ਆਈ ਹੈ ਖਬਰ ਜਾਂਦੀ,
ਹੋਈ ਜਾਣ ਸੀਟਾਂ ਦੇ ਲਈ ਐਲਾਨ ਮੀਆਂ।
ਟਿਕਟ ਲੈਣ ਲਈ ਕਿਸੇ ਨੇ ਤਾਣ ਲਾਇਆ,
ਤੇ ਡਰਦਾ ਰਿਹਾ ਕੋਈ ਛੱਡ ਮੈਦਾਨ ਮੀਆਂ।
ਕਿਸੇ ਦੀ ਛੁੱਟ ਰਹੀ ਸੀਟ ਦੀ ਹੋਏ ਚਰਚਾ,
ਨਿਕਲੀ ਜਾਂਦੀ ਹੈ ਲੀਡਰ ਦੀ ਜਾਨ ਮੀਆਂ।
ਬਾਗੀ ਹੋਣ ਦੀਆਂ ਕੋਈ ਪਿਆ ਸੁਰਾਂ ਕੱਢੇ,
ਆਖੇ ਸਹਿਣ ਨਹੀਂ ਹੁੰਦਾ ਅਪਮਾਨ ਮੀਆਂ।
ਮਹੀਨੇ ਦੋ ਨਹੀਂ ਹੋਰ ਬੱਸ ਨੀਂਦ ਆਉਣੀ,
ਇਹੀਉ ਹੁੰਦੀ ਬੱਸ ਰਹੂ ਖੜਤਾਲ ਮੀਆਂ।
ਜਨਤਾ ਆਮ ਲਈ ਰੋਟੀ ਦਾ ਫਿਕਰ ਵੱਡਾ,
ਉਸ ਨੂੰ ਮਤਲਬ ਨਾ ਚੋਣ ਦੇ ਨਾਲ ਮੀਆਂ।
-ਤੀਸ ਮਾਰ ਖਾਂ
ਮਾਰਚ 15, 2024
- Advertisement -
