ਜਲੰਧਰ, 01 ਅਪ੍ਰੈਲ, 2020 –
ਜ਼ਿਲ੍ਹਾ ਪ੍ਰਸ਼ਾਸਨ ਵਲੋਂ ਜ਼ਿਲ੍ਹੇ ਵਿੱਚ ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਲਗਾਏ ਗਏ ਕਰਫ਼ਿਊ ਦੇ ਨਿਯਮਾਂ ਦੀ ਉਲੰਘਣਾ ਕਰਨ ’ਤੇ ਜਲੰਧਰ ਸ਼ਹਿਰ ਪੁਲਿਸ ਵਲੋਂ 23 ਵਿਅਕਤੀਆ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਪੁਲਿਸ ਕਮਿਸ਼ਨਰ ਸ੍ਰੀ ਗੁਰਪ੍ਰੀਤ ਸਿੰਘ ਭੁੱਲਰ ਨੇ ਦੱਸਿਆ ਕਿ ਇੰਡੀਅਨ ਪੀਨਲ ਕੋਡ 188 ਅਤੇ 269 ਤਹਿਤ ਵਾਸੂ ਵਸਿਸ਼ਟ ਕੋਟ ਕਿਸ਼ਨ ਚੰਦ, ਸੋਹਨ ਲਾਲ ਏਕਤਾ ਨਗਰ, ਨਿਤਿਨ ਸ਼ਰਮਾ ਨਿਊ ਲਕਸ਼ਮੀਪੁਰਾ, ਸੰਦੀਪ ਰਣਜੀਤ ਇਨਕਲੇਵ, ਜਤਿੰਦਰ ਸਿੰਘ ਤਲਵੰਡੀ ਸਲਮੇ, ਸੋਨੀ ਕੋਟ ਬਾਦਲ ਖਾਂ, ਪਵਨ ਕੁਮਾਰ ਗੰਡਵਾ, ਕੁਲਵਿੰਦਰ ਅਬਾਦਾਨ, ਤਾਹੀਰ ਉਜਾਲਾ ਨਗਰ, ਵਿਜੈ ਕੁਮਾਰ ਕੋਟ ਸਦੀਕ, ਜਤਿੰਦਰ ਕੁਮਾਰ ਤੇਜ ਮੋਹਨ ਨਗਰ, ਤਰੁਣ ਕੁਮਾਰ ਮਾਡਲ ਹਾਊਸ, ਅਮਨਦੀਪ ਸਿੰਘ ਗੁੜ੍ਹੇ ਪਿੰਡ, ਚਰਨਜੀਤ ਸਹੋਤਾ ਚਾਨੀਆਂ, ਅਸ਼ੀਸ ਭੂਰ ਮੰਡੀ, ਸੁਮਿਤ ਕੁਮਾਰ ਅਵਤਾਰ ਨਗਰ, ਸੰਜੈ ਕੁਮਾਰ ਗਹਾਵਰ, ਬਿਪਨ ਸੁਭਾਨਾ, ਉਮੇਸ਼ ਖੁਰਾਣਾ ਟਾਵਰ ਇਨਕਲੇਵ, ਵਚੇਤਨ ਕੁਮਾਰ ਜਲੰਧਰ ਕੰਟੋਨਮੈਂਟ ,ਪ੍ਰਦੀਪ ਕੁਮਾਰ , ਗਿਰਦਾਰੀ ਲਾਲ ਖੁਰਲਾ ਕਿੰਗਰਾ ਖਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਸਾਰੇ ਵਿਅਕਤੀਆਂ ਨੂੰ ਪੁਲਿਸ ਵਲੋਂ ਗ੍ਰਿਫਤਾਰ ਕੀਤਾ ਜਾ ਚੁੱਕਾ ਹੈ ਅਤੇ ਇਨਾਂ ਖਿਲਾਫ਼ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਸ੍ਰੀ ਭੁੱਲਰ ਨੇ ਦੱਸਿਆ ਕਿ ਪੁਲਿਸ ਵਲੋਂ 232 ਚਲਾਨ ਕਰਨ ਤੋਂ ਇਲਾਵਾ 28 ਵਾਹਨਾਂ ਨੂੰ ਜਬਤ ਕੀਤਾ ਗਿਆ ਹੈ।
ਸ੍ਰੀ ਭੁੱਲਰ ਨੇ ਕਿਹਾ ਕਿ ਅਜਿਹੀ ਕਾਰਵਾਈ ਆਉਣ ਵਾਲੇ ਦਿਨਾਂ ਵਿੱਚ ਵੀ ਜਦੋਂ ਤੱਕ ਕਰਫ਼ਿਊ ਹਟ ਨਹੀਂ ਜਾਂਦਾ ਜਾਰੀ ਰੱਖੀ ਜਾਵੇਗੀ ਅਤੇ ਕਰਫ਼ਿਊ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਖਿਲਾਫ਼ ਸਖ਼ਤ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ। ਸ੍ਰੀ ਭੁੱਲਰ ਨੇ ਦੁਹਰਾਇਆ ਕਿ ਜ਼ਿਲ੍ਹੇ ਵਿੱਚ ਕਰਫ਼ਿਊ ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਲਗਾਇਆ ਗਿਆ ਹੈ ਤਾਂ ਜੋ ਸਭ ਨੂੰ ਬਚਾਇਆ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਇਸ ਲਈ ਪੁਖ਼ਤਾ ਪ੍ਰਬੰਧ ਕੀਤੇ ਗਏ ਹਨ ਅਤੇ ਸੈਕਟੋਰਲ ਅਫ਼ਸਰ ਤਾਇਨਾਤ ਕੀਤੇ ਜਾ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਸ਼ਹਿਰ ਵਿੱਚ ਅਮਨ ਕਾਨੂੰਨ ਦੀ ਬਹਾਲੀ ਲਈ ਹਰ ਯਤਨ ਤਰ੍ਹਾਂ ਦੇ ਉਪਰਾਲੇ ਕੀਤੇ ਜਾ ਰਹੇ ਹਨ। ਸ੍ਰੀ ਭੁੱਲਰ ਨੇ ਫਿਰ ਜ਼ੋਰ ਦੇ ਕੇ ਕਿਹਾ ਕਿ ਕਿਸੇ ਨੂੰ ਵੀ ਨਿਯਮਾਂ ਨਾਲ ਖਿਲਵਾੜ ਕਰਨ ਦੀ ਆਗਿਆ ਨਹੀਂ ਦਿੱਤੀ ਜਾਵੇਗੀ ਅਤੇ ਉਲੰਘਣਾ ਕਰਨ ਵਾਲਿਆ ਨਾਲ ਸਖ਼ਤੀ ਨਾਲ ਨਜਿੱਠਿਆ ਜਾਵੇਗਾ।