ਯੈੱਸ ਪੰਜਾਬ
ਜਲੰਧਰ, 15 ਅਪ੍ਰੈਲ, 2020:
ਜਲੰਧਰ ਦੇ ਇਕ ਨਿੱਜੀ ਕਾਲਜ ਦੇ ਵਿਦਿਆਰਥੀਆਂ ਵੱਲੋਂ ਬਣਾਈ ਗਈ ‘ਸ਼ਾਰਟ ਫ਼ਿਲਮ’ ‘ਤੇਰਾ ਦਿੱਤਾ ਖ਼ਾਵਣਾ’ ਦਾਦਾ ਸਾਹਿਬ ਫ਼ਾਲਕੇ ਐਵਾਰਡ ਲਈ ਨਾਮਜ਼ਦ ਹੋਈ ਹੈ।
ਇਹ ਫ਼ਿਲਮ ਲਗਪਗ ਇਕ ਦਰਜਨ ਵਿਦਿਆਰਥੀਆਂ ਦੀ ਟੀਮ ਨੇ ਰਲ ਕੇ ਬਣਾਈ।
ਫ਼ਿਲਮ ਦਾ ਨਿਰਦੇਸ਼ਨ ਅੰਮ੍ਰਿਤਪਾਲ ਸਿੰਘ ਐਰੀ ਅਤੇ ਸੁਪਰੀਤ ਕਰ ਨੇ ਕੀਤਾ ਹੈ। ਇਸ ਫ਼ਿਲਮ ਦੇ ਨਿਰਮਾਤਾ ਗ੍ਰੇਸਦੀਪ ਕੌਰ ਅਤੇ ਹਰਸਿਮਰਨ ਕੌਰ ਹਨ।
ਫ਼ਿਲਮ ਵਿਚ ਮੁੱਖ ਭੂÎਮਿਕਾ ਗਗਨਦੀਪ ਨੇ ਅਦਾ ਕੀਤੀ ਹੈ। ਇਸ ਦੀ ਵੀਡੀਓ ਐਡੀਟਿੰਗ ਰਾਜਪ੍ਰੀਤ ਸਿੰਘ ਜੌਹਲ ਨੇ ਕੀਤੀ ਹੈ।
ਇਹ ਫ਼ਿਲਮ ਜਲੰਧਰ ਦੇ ਏ.ਪੀ.ਜੇ. ਕਾਲਜ ਵੱਲੋਂ 20 ਮਾਰਚ ਨੂੰ ਦਾਦਾ ਸਾਹਿਬ ਫ਼ਾਲਕੇ ਐਵਾਰਡ ਲਈ ‘ਸਟੂਡੈਂਟ ਕੈਟਾਗਰੀ’ ਵਿਚ ਭੇਜੀ ਗਈ ਸੀ ਅਤੇ ਐਵਾਰਡ 30 ਅਪ੍ਰੈਲ ਤਕ ਤੈਅ ਹੋਣੇ ਸਨ ਪਰ ਵਿਸ਼ਵ ਭਰ ਵਿਚ ਕੋਰੋਨਾਵਾਇਰਸ ਮਹਾਂਮਾਰੀ ਦੇ ਚੱਲਦਿਆਂ ਇਸ ਦਾ ਅੱਗੇ ਪੈਜਾਣਾ ਤੈਅ ਹੈ।
ਵਿਦਿਆਰਥੀਆਂਦਾ ਕਹਿਣਾ ਹੈ ਕਿ ਭਾਵੇਂ ਅਜੇ ਉਹਨਾਂ ਦੀ ਫ਼ਿਲਮ ‘ਸਟੂਡੈਂਟ ਕੈਟਾਗਰੀ’ ਲਈ ਨਾਮਜ਼ਦ ਹੀ ਹੋਈ ਹੈ ਪਰ ਉਨ੍ਹਾਂ ਲਈ ਇਹ ਫ਼ਿਲਮ ਨਾਮਜ਼ਦ ਹੋਣਾ ਵੀ ਵੱਡੀ ਪ੍ਰਾਪਤੀ ਹੈ।
ਵੀਡੀਓ ਵੇਖੋ
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ