ਲੁਧਿਆਣਾ, 15 ਜਨਵਰੀ, 2022 (ਰਾਜਕੁਮਾਰ ਸ਼ਰਮਾ)
ਇਤਿਹਾਸਿਕ ਜਾਮਾ ਮਸਜਿਦ ’ਚ ਸ਼ਾਹੀ ਇਮਾਮ ਪੰਜਾਬ ਮੌਲਾਨਾ ਮੁਹੰਮਦ ਉਸਮਾਨ ਲੁਧਿਆਣਵੀਂ ਦੇ ਸੰਦੇਸ਼ ’ਤੇ ਸੂਬੇ ਭਰ ਦੇ ਸਾਰੇ ਸ਼ਹਿਰਾਂ ਅਤੇ ਤਹਿਸੀਲਾਂ ਤੋਂ ਵੱਖ-ਵੱਖ ਰਾਜਨੀਤਕ ਦਲਾਂ ਅਤੇ ਸਮਾਜਿਕ ਸੰਗਠਨਾਂ ਦੇ ਮੁਸਲਮਾਨ ਅਹੁਦੇਦਾਰ ਇੱਕਠੇ ਹੋਏ। ਇਸ ਮੌਕੇ ’ਤੇ ਚਾਰ ਘੰਟੇ ਚੱਲੀ ਚਰਚਾ ’ਚ ਸੂਬੇ ਦੇ ਘੱਟਗਿਣਤੀਆਂ ਨੂੰ ਆਉਣ ਵਾਲੀਆਂ ਪਰੇਸ਼ਾਨੀਆਂ ਅਤੇ ਜਰੂਰਤਾਂ ’ਤੇ ਖੁੱਲ ਕੇ ਵਿਚਾਰ ਰੱਖੇ ਗਏ।
ਇਸ ਮੌਕੇ ’ਤੇ ਸਰਬ ਸੰਮਤੀ ਨਾਲ 20 ਸੂਤਰੀ ਮਤਾ ਪਾਸ ਕੀਤਾ ਗਿਆ, ਜਿਸ ਵਿੱਚ ਪੰਜਾਬ ’ਚ ਅਪਣੀ ਸਰਕਾਰ ਬਣਾਉਣ ਲਈ ਲੋਕ ਲੁਭਾਵਣੇ ਵਾਅਦੇ ਕਰ ਰਹੇ ਰਾਜਨੀਤਕ ਦਲਾਂ ਨੂੰ ਸੰਦੇਸ਼ ਭੇਜਿਆ ਗਿਆ ਕਿ ਸੂਬੇ ਦੇ ਘੱਟਗਿਣਤੀਆਂ ਨੂੰ ਜੇਕਰ ਇਸ ਵਾਰ ਨੰਜਰਅੰਦਾਜ ਕੀਤਾ ਗਿਆ ਤਾਂ ਉਹਨਾਂ ਨੂੰ ਵੀ ਚੌਣਾਂ ’ਚ ਨਜਰ ਅੰਦਾਜ ਕੀਤਾ ਜਾਵੇਗਾ।
ਮੁਸਲਿਮ ਪੰਚਾਇਤ ’ਚ ਇਹ ਮੰਗ ਰੱਖੀ ਗਈ ਕਿ ਪੰਜਾਬ ਵਕਫ ਬੋਰਡ ਦੇ ਮੈਂਬਰਾਂ ਦੀ ਚੋਣ ਪਾਰਦਰਸ਼ੀ ਕੀਤੀ ਜਾਵੇ ਅਤੇ ਪੰਜਾਬ ਦੇ ਇੱਕ ਜਿਲ੍ਹੇ ਤੋਂ ਇੱਕ ਹੀ ਮੈਂਬਰ ਬਣਾਇਆ ਜਾਣਾ ਚਾਹੀਦਾ ਹੈ ਤਾਂਕਿ ਸੂਬੇ ਦੇ ਮੁਸਲਮਾਨਾਂ ਨੂੰ ਨੁਮਾਇੰਦਗੀ ਮਿਲੇ। ਪੰਜਾਬ ’ਚ ਵਕਫ ਜਾਇਦਾਦ ’ਚ ਮੁਸਲਿਮ ਅਬਾਦੀ ਦੇ ਆਧਾਰ ’ਤੇ ਕਬਰੀਸਤਾਨ ਰਿਜਰਵ ਕੀਤਾ ਜਾਵੇ। ਮੁਸਲਮਾਨਾਂ ਦੇ ਜਾਤੀ ਆਧਾਰਿਤ ਪ੍ਰਮਾਣ ਪੱਤਰ ਜਾਰੀ ਕੀਤੇ ਜਾਣ, ਸੂਬੇ ਦੇ ਮੁਸਲਮਾਨਾਂ ਨੂੰ ਸਰਕਾਰੀ ਨੌਕਰੀਆਂ ’ਚ ਹਿੱਸੇਦਾਰੀ ਦਿੱਤੀ ਜਾਵੇ।
ਇਸ ਮੌਕੇ ’ਤੇ ਸ਼ਾਹੀ ਇਮਾਮ ਪੰਜਾਬ ਮੌਲਾਨਾ ਮੁਹੰਮਦ ਉਸਮਾਨ ਲੁਧਿਆਣਵੀਂ ਨੇ ਕਿਹਾ ਕਿ ਰਾਜਨੀਤਕ ਧੋਖੇਬਾਜੀ ਹੁਣ ਚੱਲਣ ਵਾਲੀ ਨਹੀਂ, ਹੁਣ ਸਮਾਂ ਬਦਲ ਚੁੱਕਾ ਹੈ, ਜਨਤਾ ਨੂੰ ਧੋਖਾ ਨਹੀਂ ਦਿੱਤਾ ਜਾ ਸਕਦਾ। ਸ਼ਾਹੀ ਇਮਾਮ ਨੇ ਕਿਹਾ ਕਿ ਸੂਬੇ ਦੇ ਮੁਸਲਮਾਨ ਇੱਕ ਜੁੱਟ ਹਨ ਅਤੇ ਅਪਣੇ ਹਿਤਾਂ ਦੀ ਰੱਖਿਆ ਲਈ ਜਾਗਰੂਕ ਹੋ ਚੁੱਕੇ ਹਨ। ਸ਼ਾਹੀ ਇਮਾਮ ਨੇ ਕਿਹਾ ਕਿ ਅੱਜ ਸਾਰੇ ਰਾਜਨੀਤਕ ਦਲਾਂ ਦੇ ਮੁਸਲਮਾਨ ਲੀਡਰਾਂ ਦੇ ਨਾਲ ਮਿਲ ਕੇ ਚਰਚਾ ਕਰਨਾ ਇਸ ਗੱਲ ਦਾ ਸਬੂਤ ਹੈ ਕਿ ਅਸੀਂ ਸਾਰੇ ਪੰਜਾਬ ਦੇ ਨਾਲ-ਨਾਲ ਅਪਣੀ ਕੌਮ ਦੇ ਹਿਤਾਂ ਲਈ ਵੀ ਜਾਗਰੂਕ ਹਾਂ।
ਇਸ ਮੌਕੇ ’ਤੇ ਵਿਸ਼ੇਸ਼ ਤੌਰ ’ਤੇ ਸਈਅਦ ਸਾਦਿਕ ਰਜਾ ਖਲੀਫਾ ਸਰਹੰਦ ਸ਼ਰੀਫ, ਕਾਂਗਰਸ ਘੱਟ ਗਿਣਤੀ ਵਿਭਾਗ ਦੇ ਚੇਅਰਮੈਨ ਦਿਲਬਰ ਖਾਨ, ਰਾਸ਼ਟਰੀ ਜਨਤਾ ਦਲ ਪੰਜਾਬ ਦੇ ਪ੍ਰਧਾਨ ਮੁਕੀਦ ਆਲਮ, ਹਾਸ਼ਿਮ ਸੂਫੀ ਸਕੱਤਰ ਆਮ ਆਦਮੀ ਪਾਰਟੀ ਪੰਜਾਬ, ਸ਼੍ਰੋਮਣੀ ਅਕਾਲੀ ਦਲ (ਬ) ਐਡਵਾਈਜਰੀ ਬੋਰਡ ਹਾਜੀ ਤਹਸੀਨ, ਮੁਹੰਮਦ ਇਰਸ਼ਾਦ, ਆਬਿਦ ਸਲਮਾਨੀ, ਅਬਦੁਲ ਸਤੱਾਰ ਲਿੱਬੜਾ, ਜੁਨੈਦ ਖਾਨ, ਹਾਫਿਜ ਅਨਵਰ ਉਲ ਹਕ, ਆਬਿਦ ਸਲਮਾਨੀ, ਮੁਹੰਮਦ ਗੁਲਾਬ, ਅਬੱਾਸ ਰਾਜਾ, ਨਾਦਿਰ ਅਲੀ ਭੱਟੀ, ਹੰਸਰਾਜ ਮੋਫਰ, ਸ਼ੇਰ ਖਾਨ, ਸੁਰਮੂਦੀਨ, ਸੱਬਾ ਪਲਾਹੀ, ਐਡਵੋਕੇਟ ਨਈਮ, ਐਡਵੋਕੇਟ ਮੁਹੰਮਦ ਸਲੀਮ, ਮਜਰ ਆਲਮ, ਜੁਲਫਕਾਰ ਅਲੀ, ਨਾਜਿਮ ਅਲੀ, ਕਾਲੇ ਖਾਨ, ਇਰਫਾਨ ਮਲਿਕ, ਯੂਸਫ ਮਲਿਕ, ਮੁਹੰਮਦ ਖਲੀਲ, ਮੁਹੰਮਦ ਨਈਮ, ਅਕਬਰ ਅਲੀ, ਸਿਰਾਜ ਅਲੀ, ਡਾ. ਮੁਸਤਾਖ, ਵਲੀ ਸ਼ੁਮਾਲੀ, ਸੂਬਾ ਖਾਨ, ਡਾ. ਰਊਫ ਤੋਂ ਇਲਾਵਾ ਪੰਜਾਬ ਭਰ ਤੋਂ ਵੱਖ-ਵੱਖ ਸ਼ਹਿਰਾਂ ਅਤੇ ਤਹਿਸੀਲਾਂ ਤੋਂ ਆਏ ਹੋਏ ਮੁਸਲਿਮ ਤੇ ਸਮਾਜਿਕ ਸੰਗਠਨਾਂ ਦੇ ਮੁਸਲਿਮ ਆਗੂਆਂ ਨੇ ਵਿਸ਼ੇਸ਼ ਤੌਰ ’ਤੇ ਹਿੱਸਾ ਲਿਆ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ