ਨਵੀਂ ਦਿੱਲੀ, 1 ਅਪ੍ਰੈਲ, 2020 –
ਗੁਰਦਵਾਰਾ ਮਜਨੂੰ ਟੀਲਾ ਸਾਹਿਬ ਪਰਿਸਰ ਤੋ ਪੰਜਾਬ ਦੇ ਰਹਿਣ ਵਾਲੇ 200 ਤੋਂ ਜ਼ਿਆਦਾ ਲੋਕਾਂ ਨੂੰ ‘ਕੋਰੋਨਾ’ ਦਾ ਸੰਭਾਵਿਕ ਮਰੀਜ਼ ਸਮਝ ਕੇ ਪ੍ਰਸ਼ਾਸਨ ਵੱਲੋਂ ਕਵਾਿਰੰਟਾਇਨ ਕਰਨ ਲਈ ਲੈ ਜਾਉਣ ਲਈ ਦਿੱਲੀ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਪੂਰਨ ਤੋਰ ‘ਤੇ ਜ਼ਿੰਮੇਵਾਰ ਹੈ । ਉਕਤ ਇਲਜ਼ਾਮ ‘ਜਾਗੋ’ ਪਾਰਟੀ ਦੇ ਜਨਰਲ ਸਕੱਤਰ ਅਤੇ ਮੁੱਖ ਬੁਲਾਰੇ ਪਰਮਿੰਦਰ ਪਾਲ ਸਿੰਘ ਨੇ ਮੀਡੀਆ ਨੂੰ ਜਾਰੀ ਬਿਆਨ ਵਿੱਚ ਵਿਅਕਤ ਕੀਤੇ ਹੈ ।
ਪਰਮਿੰਦਰ ਨੇ ਕਿਹਾ ਕਿ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਲਗਾਤਾਰ ਆਪਣੇ ਅਹੁਦੇ ਦੇ ਮਾਣ ਨੂੰ ਗੰਦਲਾਂ ਕਰ ਰਹੇ ਹਨ ਅਤੇ ਝੂਠ ਬੋਲ ਕੇ ਮੀਡੀਆ ਨੂੰ ਗੁਮਰਾਹ ਕਰ ਰਹੇ ਹਨ। ਪਹਿਲਾਂ ਸੰਗਤ ਨੂੰ ਗੁਰੂ-ਘਰ ਬੁਲਾਉਂਦੇ ਹਨ, ਬਾਅਦ ਵਿੱਚ ਪਛਾਣਨ ਤੋਂ ਹੀ ਇਨਕਾਰ ਕਰ ਦਿੰਦੇ ਹਨ। ਇਹ ਸਿੱਖ ਪਰੰਪਰਾ ਦੇ ਅਨੁਸਾਰ ਬਹੁਤ ਵੱਡਾ ਗੁਨਾਹ ਹੈ, ਸ਼ੁਕਰ ਹੈ ਸਿਰਸਾ ਨੇ ਕਦੇ ਕਿਸੇ ਅਕਾਲੀ ਮੋਰਚੇ ਦੀ ਅਗਵਾਈ ਨਹੀਂ ਕੀਤੀ, ਇਹ ਤਾਂ ਸੰਗਤ ਨੂੰ ਮਰਨ ਲਈ ਅੱਗੇ ਕਰ ਕੇ ਪਿੱਛੇ ਤੋਂ ਖਿਸਕ ਜਾਉਂਦੇ।
ਪਰਮਿੰਦਰ ਨੇ ਦੱਸਿਆ ਕਿ ਸਿਰਸਾ ਨੇ ਪਹਿਲਾਂ 28 ਮਾਰਚ 2020 ਨੂੰ ਦਿੱਲੀ ਵਿੱਚ ਫਸੇ ਹੋਏ ਪੰਜਾਬ ਦੇ ਲੋਕਾਂ ਨੂੰ ਪੰਜਾਬ ਭੇਜਣ ਲਈ ਮੀਡੀਆ ਅਤੇ ਸੋਸ਼ਲ ਮੀਡੀਆ ਦੇ ਜਰੀਏ ਘੋਸ਼ਣਾ ਕੀਤੀ। ਜਿਸ ਵਿੱਚ ਸਿਰਸੇ ਦੇ ਵੱਲੋਂ ਦਾਅਵਾ ਕੀਤਾ ਗਿਆ ਕਿ 29 ਮਾਰਚ ਨੂੰ ਸਵੇਰੇ 6 ਵਜੇ ਗੁਰਦੁਆਰਾ ਮਜਨੂੰ ਟੀਲਾ ਸਾਹਿਬ ਵੱਲੋਂ 2 ਬੱਸਾਂ ਜਾਣਗੀਆਂ ।
ਇਸ ਤੋਂ ਪਹਿਲਾਂ ਸ਼ਰੋਮਣੀ ਕਮੇਟੀ ਨੇ ਵੀ ਦਿੱਲੀ ਦੇ ਮਜਨੂੰ ਟੀਲਾ ਸਾਹਿਬ ਤੋਂ 27 ਮਾਰਚ ਨੂੰ ਸਵੇਰੇ 9.30 ਵਜੇ ਬੱਸਾਂ ਭੇਜਣ ਦਾ ਐਲਾਨ ਕੀਤਾ ਸੀ। ਜਿਸ ਦੇ ਬਾਅਦ 29 ਮਾਰਚ ਨੂੰ ਸਵੇਰੇ 5 ਵਜੇ ਪੰਜਾਬ ਜਾਉਣ ਦੇ ਇੱਛਕ 400 ਲੋਕ ਗੁਰਦੁਆਰਾ ਸਾਹਿਬ ਪਹੁੰਚ ਗਏ। ਜਿਨ੍ਹਾਂ ਦੇ ਨਾਮ ਅਤੇ ਆਧਾਰ ਕਾਰਡ ਦੀ ਬਕਾਇਦਾ ਕਮੇਟੀ ਨੇ ਆਪਣੇ ਰਜਿਸਟਰ ਵਿੱਚ ਇੰਟਰੀ ਕੀਤੀ।
ਉਸ ਸਮੇਂ 2 ਬੱਸਾਂ ਨੂੰ ਰਵਾਨਾ ਕਰਨ ਆਏ ਕਮੇਟੀ ਦੇ ਜੁਆਇੰਟ ਸਕੱਤਰ ਹਰਵਿੰਦਰ ਸਿੰਘ ਕੇਪੀ ਨੇ ਰਹਿ ਗਏ ਬਾਕੀ ਲੋਕਾਂ ਨੂੰ ਕਮੇਟੀ ਵੱਲੋਂ ਜਲਦੀ ਭੇਜਣ ਦਾ ਦਿਲਾਸਾ ਵੀ ਦਿੱਤਾ ਸੀ । ਨਾਲ ਹੀ ਕਮੇਟੀ ਨੇ 2 ਬੱਸਾਂ ਭੇਜਣ ਉੱਤੇ ਮੀਡੀਆ ਨੂੰ ਬਿਆਨ ਜਾਰੀ ਕਰ ਕੇ ਆਪਣੀ ਪਿੱਠ ਵੀ ਥਾਪੜੀ ਸੀ ।
ਪਰਮਿੰਦਰ ਨੇ ਕਿਹਾ ਕਿ ਸਿਰਸਾ ਨੇ ਸੰਗਤ ਦੇ ਨਾਲ ਬਹੁਤ ਧੋਖਾ ਕੀਤਾ ਹੈ, ਜੋ ਲੋਕ ਆਪਣੇ ਪਰਿਵਾਰਿਕ ਮੈਂਬਰਾਂ ਦੇ ਕੋਲ ਲਾਕਡਾਉਨ ਦੌਰਾਨ ਜਲਦੀ ਪਹੁੰਚਣ ਦੀ ਆਸ ਮਨ ਵਿੱਚ ਰੱਖ ਕੇ ਗੁਰੂ-ਘਰ ਆਏ ਸਨ, ਉਨ੍ਹਾਂ ਨੂੰ ਘਰ ਭੇਜਣ ਦੀ ਬਜਾਏ ਸਿਰਸਾ ਨੇ ਆਪਣੀ ਲਾਪਰਵਾਹੀ ਨਾਲ ਕਵਾਜਰੰਟਾਇਨ ਸੈਂਟਰ ਭਿਜਵਾ ਦਿੱਤਾ ਹੈ।
ਨਾਲ ਹੀ ਉਨ੍ਹਾਂ ਵਿੱਚ ਕੋਰੋਨਾ ਸੰਕਰਮਣ ਹੋਣ ਦੀ ਸੰਭਾਵਨਾ ਵੀ ਪੈਦਾ ਕਰ ਦਿੱਤੀ ਹੈ, ਕਿਉਂਕਿ ਜਾਣਕਾਰੀ ਅਨੁਸਾਰ ਗੁਰਦਵਾਰੇ ਤੋਂ ਅੱਜ 4 ਦਿਨ ਬਾਅਦ ਬਾਹਰ ਕੱਢੇ ਗਏ ਲੋਕਾਂ ਵਿੱਚੋਂ ਕੁੱਝ ਲੋਕ ਹਾਲ ਹੀ ਵਿੱਚ ਵਿਦੇਸ਼ ਤੋਂ ਯਾਤਰਾ ਕਰ ਕੇ ਵੀ ਪਰਤੇ ਸਨ। ਪਰਮਿੰਦਰ ਨੇ ਸਿਰਸਾ ਵੱਲੋਂ ਅੱਜ ਦਿੱਤੇ ਗਏ ਬਿਆਨ ਨੂੰ ਝੂਠ ਦਾ ਪੁਲੰਦਾ ਵੀ ਦੱਸਿਆ । ਜਿਸ ਵਿੱਚ ਸਿਰਸਾ ਨੇ ਇਹਨਾਂ ਲੋਕਾਂ ਦੇ ਰਾਹਗੀਰ ਵਜੋਂ ਗੁਰਦਵਾਰਾ ਪਰਿਸਰ ਵਿੱਚ ਦਾਖਿਲ ਹੋਣ ਦਾ ਹਵਾਲਾ ਦਿੱਤਾ ਸੀ। ਪਰਮਿੰਦਰ ਨੇ ਸਵਾਲ ਪੁੱਛਿਆ ਕੀ ਸਿਰਸਾ ਆਪਣੀ ਨਾਕਾਮੀ ਛੁਪਾਉਣ ਲਈ ਇੰਨਾ ਵੱਡਾ ਝੂਠ ਬੋਲ ਰਹੇ ਹਨ ?
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ