ਯੈੱਸ ਪੰਜਾਬ
ਨਵੀਂ ਦਿੱਲੀ, 29 ਨਵੰਬਰ, 2022:
ਦਿੱਲੀ ਵਿੱਚ ਸ਼ਰੱਧਾ ਕਤਲ ਕੇਸ ਵਿੱਚ ਇਨਸਾਫ਼ ਦੀ ਮੰਗ ਅਤੇ ‘ਬੇਟੀ ਬਚਾਉ’ ਮੁਹਿੰਮ ਤਹਿਤ ਕੀਤੀ ਜਾ ਰਹੀ ਹਿੰਦੂ ਮਹਾਂਪੰਚਾਇਤ ਦੌਰਾਨ ਅੱਜ ਅਜੀਤ ਹੰਗਾਮਾ ਵੇਖ਼ਣ ਨੂੰ ਮਿਲਿਆ।
ਛੱਤਰਪੁਰ ਇਲਾਕੇ ਵਿੱਚ ਹਿੰਦੂ ਏਕਤਾ ਮੰਚ ਵੱਲੋਂ ਕਰਵਾਈ ਗਈ ਇਸ ਮਹਾਂਪੰਚਾਇਤ ਦੇ ਇਕ ਵਾਇਰਲ ਵੀਡੀਓ ਰਾਹੀਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਨੀਲੀ ਚੁੰਨੀ ਨਾਲ ਮੂੰਹ ਬੰਨ੍ਹੀ ਇਕ ਔਰਤ ਮੰਚ ’ਤੋਂ ਭਾਸ਼ਣ ਕਰ ਰਹੀ ਹੈ ਪਰ ਅਚਨਚੇਤ ਹੀ ਉਹ ਭਾਸ਼ਣ ਛੱਡ ਕੇ ਆਪਣੀ ਚੱਪਲ ਲਾਹ ਲੈਂਦੀ ਹੈ ਅਤੇ ਮੰਚ ’ਤੇ ਆਪਣੇ ਬਿਲਕੁਲ ਕੋਲ ਖ਼ਲੋਤੇ ਇਕ ‘ਆਗੂ’ ਦੀ ਚੱਪਲ-ਕੁੱਟ ਸ਼ੁਰੂ ਕਰ ਦਿੰਦੀ ਹੈ। ਇਸ ’ਤੇ ਮੰਚ ’ਤੇ ਹਾਜ਼ਰ ਬਾਕੀ ਲੋਕ ਉਸ ਔਰਤ ਨੂੰ ਰੋਕਦੇ ਹੋਏ ‘ਆਗੂ’ ਨੂੰ ਬਚਾਉਂਦੇ ਹਨ।
ਪਤਾ ਲੱਗਾ ਹੈ ਕਿ ਔਰਤ ਦਾ ਉਸ ਵਿਅਕਤੀ ਨਾਲ ਵਿਅਕਤੀ ਦੇ ਲੜਕੇ ਅਤੇ ਆਪਣੀ ਲੜਕੀ ਨੂੰ ਲੈ ਕੇ ਕੋਈ ਵਿਵਾਦ ਹੈ ਜਿਸ ਦੇ ਚੱਲਦਿਆਂ ਉਸਨੇ ਇਸ ਗੱਲ ਨੂੰ ਅੰਜਾਮ ਦਿੱਤਾ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
