ਮੋਹਾਲੀ, 21 ਫਰਵਰੀ, 2020:
ਬਰਤਾਨੀਆਂ ਨੇ ਦੁਨੀਆਂ ਭਰ ਤੋਂ ਚੰਗੇ ਹੁਨਰਮੰਦ ਅਤੇ ਪ੍ਰਤਿਭਾਸ਼ੀਲ ਲੋਕਾਂ ਨੂੰ ਬੁਲਾਉਣ ਲਈ ਨਵਾਂ ਪੁਆਇੰਟ ਆਧਾਰਤ ਇੰਮੀਗਰੇਸ਼ਨ ਸਿਲਸਿਲਾ ਸ਼ੁਰੂ ਕੀਤਾ ਹੈ। ਇਸਨੇ ਅਜਿਹਾ ਕਰ ਕੇ ਘੱਟ ਹੁਨਰਮੰਦ ਅਤੇ ਨਵਸਿਖੀਆਂ ਲਈ ਆਪਣੇ ਦਰਵਾਜੇ ਬੰਦ ਕਰ ਦਿੱਤੇ ਹਨ।
ਇੰਗਲੈਂਡ ਦੀ ਗ੍ਰਹਿ ਸਕੱਤਰ ਪ੍ਰੀਤੀ ਪਟੇਲ ਨੇ ਇਸ ਨਵੇਂ ਇੰਮੀਗਰੇਸ਼ਨ ਸਿਲਸਿਲੇ ਦਾ ਐਲਾਨ ਕੀਤਾ ਹੈ, ਜੋ ਪਹਿਲੀ ਜਨਵਰੀ 2021 ਤੋਂ ਲਾਗੂ ਹੋਵੇਗਾ।
ਇੰਗਲੈਂਡ ਯੂਰਪੀਨ ਯੂਨੀਅਨ ਤੋਂ ਬਾਹਰ ਹੋ ਜਾਵੇਗਾ। ਗ੍ਰਹਿ ਸਕੱਤਰ ਦੇ ਦਫ਼ਤਰ ਵੱਲੋਂ ਜਾਰੀ ਇਕ ਬਿਆਨ ’ਚ ਕਿਹਾ ਗਿਆ ਕਿ ਇਸ ਨਵੇਂ ਇੰਮੀਗਰੇਸ਼ਨ ਸਿਲਸਿਲੇ ਨਾਲ ਬਾਹਰੋਂ ਅਜਾਦਾਨਾ ਆਵਜਾਈ ਬੰਦ ਹੋ ਜਾਵੇਗੀ ਅਤੇ ਸਰਹੱਦਾ ਉਪਰ ਮੁੱੜ ਕੰਟਰੋਲ ਹੋਵੇਗਾ ਤੇ ਲੋਕਾਂ ਦਾ ਵਿਸ਼ਵਾਸ ਬਹਾਲ ਹੋਵੇਗਾ।
ਨਵਾਂ ਸਿਲਸਿਲਾ ਹੁਨਰਮੰਦ ਵਰਕਰਾਂ ਲਈ ਇੰਗਲੈਂਡ ਆਉਣ ਵਾਸਤੇ ਸਰਲ, ਅਸਰਦਾਰ ਅਤੇ ਲਚਕੀਲੇ ਇੰਤਜਾਮ ਕਰੇਗਾ। ਇਹ ਯੂਰਪੀਨ ਯੂਨੀਅਨ ਅਤੇ ਭਾਰਤ ਵਰਗੇ ਗੈਰ ਯੂਰਪੀਨ ਮੁਲਕਾਂ ਉਪਰ ਇਕੋਂ ਤਰੀਕੇ ਨਾਲ ਲਾਗੂ ਹੋਵੇਗਾ।
ਇਹ ਸਿਲਸਿਲਾ ਉਮੀਦਵਾਰ ਦੀ ਯੋਗਤਾ, ਹੁਨਰ ਅਤੇ ਪ੍ਰਤਿਭਾ ਦੇ ਆਧਾਰ ’ਤੇ ਤਨਖਾਹਾਂ ਵਗੈਰਾ ਤੈਅ ਕਰੇਗਾ ਜੇ ਅੰਕਾਂ ਤੇ ਆਧਾਰਿਤ ਹੋਵੇਗਾ। ਉਨ੍ਹਾਂ ਦੀ ਇੰਗਲਿਸ਼ ਭਾਸ਼ਾ ਵਿਚ ਵੀ ਕੁਸ਼ਲਤਾ ਜਰੂਰੀ ਹੋਵੇਗੀ।
ਉਮੀਦਵਾਰਾਂ ਨੂੰ ਚੰਗੀ ਤਨਖਾਹ ਅਤੇ ਆਵਾਸ ਲਈ ਘੱਟੋ ਘੱਟ 70 ਫੀਸਦੀ ਅੰਕ ਲੈਣੇ ਲਾਜ਼ਮੀ ਹੋਣਗੇ। ਇਸ ਨਾਲ ਹੁਨਰਮੰਦ ਲੋਕਾਂ ਨੂੰ ਰੁਜ਼ਗਾਰ ਦਾ ਚੰਗਾ ਮੌਕਾ ਮਿਲੇਗਾ। ਡਾਕਟਰਾਂ ਅਤੇ ਨਰਸਾਂ ਵਰਗੇ ਹੁਨਰ ਵਿਚ ਖਾਸ ਛੋਟ ਦਿੱਤੀ ਜਾਵੇਗੀ, ਕਿਉਂਕਿ ਇਨ੍ਹਾਂ ਖੇਤਰਾਂ ਵਿਚ ਵਰਕਰਾਂ ਦੀ ਕਮੀ ਹੈ।
