ਅੱਜ-ਨਾਮਾ
ਕਾਂਗਰਸ ਅੰਦਰ ਭੜਾਸ ਆ ਵਧੀ ਜਾਂਦੀ,
ਵਾਰੋ-ਵਾਰੀ ਕਈ ਰਹੇ ਹਨ ਬੋਲ ਮੀਆਂ।
ਕੁਸਕਦੇ ਨਹੀਂ ਕਪਤਾਨ ਦੇ ਕਦੇ ਮੂਹਰੇ,
ਦਰਦ ਬਾਹਰ ਹੀ ਰਹੇ ਹਨ ਫੋਲ ਮੀਆਂ।
ਦਿੱਲੀ ਵੱਲ ਦੀ ਕੋਈ ਆ ਦੌੜ ਲਾਉਂਦਾ,
ਮੁੜੀ ਆਂਵਦਾ ਵਿੱਸ ਜਿਹੀ ਘੋਲ ਮੀਆਂ।
ਪੱਤਰਕਾਰ ਵੀ ਕੋਈ-ਕੋਈ ਸੱਦ ਲੈਂਦਾ,
ਫਾਈਲਾਂ ਖੋਲ੍ਹ ਲੈਂਦਾ ਉਨ੍ਹਾਂ ਕੋਲ ਮੀਆਂ।
ਧੁਖਦੀ ਧੂਣੀ ਕੁਝ ਜਾਪਦੀ ਪਾਰਟੀ `ਚ,
ਧੂੰਆਂ ਨਿਕਲਦਾ ਰਿਹਾ ਹੈ ਦਿੱਸ ਮੀਆਂ।
ਜੀਹਨੂੰ ਪੁੱਛਿਆ ਹਾਲ ਕੀ ਦੱਸ ਸੱਜਣ,
ਫੋੜੇ ਵਾਂਗ ਉਹ ਪੈਂਦਾ ਹੈ ਫਿੱਸ ਮੀਆਂ।
-ਤੀਸ ਮਾਰ ਖਾਂ
ਜਨਵਰੀ 26, 2020
