ਅੱਜ-ਨਾਮਾ
ਤੁਰ ਗਿਆ ਆਖਰ ਹੈ ਅੱਜ ਟਰੰਪ ਘਰ ਨੂੰ,
ਪੈਂਦੀਆਂ ਗੂੰਜਾਂ ਨੂੰ ਗਿਆ ਉਹ ਛੱਡ ਮੀਆਂ।
ਬਹੁਤਿਆਂ ਲੋਕਾਂ ਦੀ ਓਸ ਲਈ ਰਾਏ ਮਾੜੀ,
ਆਖਿਆ ਕਈਆਂ ਕਿ ਬਹੁਤ ਉਜੱਡ ਮੀਆਂ।
ਸਾਂਭਣਾ ਜੀਹਨੇ ਆ ਮੁਲਕ ਨੂੰ ਓਸ ਮਗਰੋਂ,
ਖੋਦ ਗਿਆ ਡੂੰਘੀ ਹੈ ਰਾਹ ਦੀ ਖੱਡ ਮੀਆਂ।
ਜੋ ਕੁਝ ਕਹਿ ਗਿਆ ਅੰਤ ਵਿੱਚ ਜਾਣ ਵੇਲੇ,
ਮੋਹੜੀ ਕੰਡਿਆਂ ਦੀ ਗਿਆ ਹੈ ਗੱਡ ਮੀਆਂ।
ਟਿਕਦਾ ਆਪ ਨਹੀਂ ਕਿਸੇ ਨੂੰ ਟਿਕਣ ਦੇਂਦਾ,
ਆਗੂਆਂ ਵਿੱਚੋਂ ਇਹ ਵੱਖਰੀ ਨਸਲ ਮੀਆਂ।
ਜਿਹੜੀ ਨਫਰਤ ਦੀ ਲਾ ਗਿਆ ਜੜ੍ਹ ਜਾਂਦਾ,
ਉੱਗਣੀ ਅਜੇ ਆ ਰਹਿੰਦੜੀ ਫਸਲ ਮੀਆਂ।
-ਤੀਸ ਮਾਰ ਖਾਂ
ਜਨਵਰੀ 21, 2021