ਅੱਜ-ਨਾਮਾ
ਮੌਸਮ ਬਦਲਿਆ, ਲੱਗੀ ਆ ਵਧਣ ਗਰਮੀ,
ਵੇਲਿਉਂ ਪਹਿਲਾਂ ਪੰਜਾਬ ਵੱਲ ਆਈ ਬੇਲੀ।
ਸਰਦੀ ਚਾਹੀਦੀ ਕਣਕ ਲਈ ਅਜੇ ਤੀਕਰ,
ਆਈ ਹੈ ਗਰਮੀ ਤਾਂ ਨੀਂਦ ਉਡਾਈ ਬੇਲੀ।
ਓਧਰ ਉਲਟਾ ਬਾਜ਼ਾਰ ਵਿੱਚ ਅਸਰ ਡਿੱਠਾ,
ਕਈਆਂ ਦੀ ਗਰਮੀ ਨੇ ਸੇਲ ਵਧਾਈ ਬੇਲੀ।
ਪੱਖਾ, ਕੂਲਰ ਜਾਂ ਏ ਸੀ ਹਨ ਵਿਕਣ ਲੱਗੇ,
ਜਾਂਦੀ ਮਰਜ਼ੀ ਦੀ ਕੀਮਤ ਆ ਲਾਈ ਬੇਲੀ।
ਇੱਕ ਨੂੰ ਮੌਸਮ ਦੀ ਮਾਰ ਦਾ ਫਿਕਰ ਡਾਢਾ,
ਇੱਕ ਨੂੰ ਮੌਸਮ ਦੀ ਮਿਹਰ ਦਾ ਚਾਅ ਬੇਲੀ।
ਚੜ੍ਹਦੀ ਕੀਮਤ ਦੀ ਇੱਕ ਲਈ ਖੁਸ਼ੀ ਬੇਲੀ,
ਇੱਕ ਨੂੰ ਡਿੱਗਦਾ ਦਿੱਸੇ ਪਿਆ ਭਾਅ ਬੇਲੀ।
-ਤੀਸ ਮਾਰ ਖਾਂ
ਮਾਰਚ 10, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
