ਅੱਜ-ਨਾਮਾ
ਬੋਲਿਆ ਕੱਲ੍ਹ ਕਪਤਾਨ ਸੀ ਅੱਜ ਰਾਵਤ,
ਕਰ`ਤੀ ਦੋਵਾਂ ਨੇ ਸਿਰੇ ਦੀ ਬਾਤ ਮੀਆਂ।
ਦੋਵਾਂ ਦੂਜੇ ਨੂੰ ਦਿੱਤੇ ਸਨ ਬਹੁਤ ਮਿਹਣੇ,
ਪੀੜ੍ਹੀ ਹੇਠ ਨਹੀਂ ਮਾਰੀ ਹੈ ਝਾਤ ਮੀਆਂ।
ਕੋੜਮਾ ਪਾਟਿਆ ਪੂਰਾ ਈ ਕਾਂਗਰਸ ਦਾ,
ਖਿੱਲਰੀ ਜਾਪ ਰਹੀ ਕੁੱਲ ਜਮਾਤ ਮੀਆਂ।
ਚਸਕੇ ਨਾਲ ਆ ਲੋਕੀਂ ਅਖਬਾਰ ਪੜ੍ਹਦੇ,
ਕੱਢਦੇ ਆਪ ਨੇ ਅਰਥ ਅਰਥਾਤ ਮੀਆਂ।
ਸੋਸ਼ਲ ਮੀਡੀਆ ਲੋਕਾਂ ਦੇ ਸਿਰੀਂ ਵੜਿਆ,
ਚਰਚਾ ਕਰਦੀ ਆ ਪਿੰਡਾਂ ਦੀ ਸੱਥ ਮੀਆਂ।
ਸਮਝ ਸਕਣ ਤਾਂ ਲੈਣ ਖਾਂ ਸਮਝ ਲੀਡਰ,
ਆਪਣੀ ਇੱਜ਼ਤ ਆ ਆਪਣੇ ਹੱਥ ਮੀਆਂ।
-ਤੀਸ ਮਾਰ ਖਾਂ
ਅਕਤੂਬਰ 2, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
