ਅੱਜ-ਨਾਮਾ
ਛੱਬੀ ਜਨਵਰੀ ਆਈ ਜਾਂ ਪਈ ਸਿਰ `ਤੇ,
ਲੱਗੀ ਚਿੰਤਾ ਜਿਹੀ ਕਰਨ ਸਰਕਾਰ ਬੇਲੀ।
ਸੁਣਿਆ ਦਿੱਲੀ ਕਿਸਾਨਾਂ ਨੇ ਆਣ ਵੜਨਾ,
ਟਰੈਕਟਰ ਆਉਣਗੇ ਬੰਨ੍ਹ ਕੇ ਡਾਰ ਬੇਲੀ।
ਏਨੀ ਪਬਲਿਕ ਨੂੰ ਸਾਂਭਣਾ ਹੋਊ ਮੁਸ਼ਕਲ,
ਲੰਮੀ ਹੋ ਜਾਊ ਇਹ ਬਹੁਤ ਕਤਾਰ ਬੇਲੀ।
ਵਾਸਤਾ ਪਾਇਆ ਕਿਸਾਨਾਂ ਦੇ ਲੀਡਰਾਂ ਦਾ,
ਜਿਹੜੇ ਰੁਕਣ ਲਈ ਨਹੀਂ ਤਿਆਰ ਬੇਲੀ।
ਸਖਤੀ ਕੀਤਿਆਂ ਵਿਗੜਦੀ ਬਾਤ ਲੱਗਦੀ,
ਕਾਫਲਾ ਤਾਂ ਵੀ ਨਾ ਹੋਣਾ ਇਹ ਡੱਕ ਬੇਲੀ।
ਦਿੱਤਿਆਂ ਢਿੱਲ ਵੀ ਕਈ ਹਨ ਸ਼ੱਕ ਬੇਲੀ,
ਹੋ ਗਿਆ ਔਖਾ ਬਚਾਉਣਾ ਹੈ ਨੱਕ ਬੇਲੀ।
-ਤੀਸ ਮਾਰ ਖਾਂ
ਜਨਵਰੀ 20, 2021