ਅੱਜ-ਨਾਮਾ
ਕਸੂਤਾ ਚੱਕਰ ਕੋਰੋਨਾ ਦਾ ਨਹੀਉਂ ਮੁੱਕਾ,
ਗਿਆ ਫਿਰ ਆ ਮਲੇਰੀਆ ਮਰਜ਼ ਬੇਲੀ।
ਉਹਦੇ ਨਾਲ ਹੈ ਡੇਂਗੂ ਵੀ ਚੱਲ ਆਇਆ,
ਦੂਣੀ ਆਮਦ ਦੀ ਗੱਲ ਅਸਚਰਜ ਬੇਲੀ।
ਮਿਲ ਗਏ ਤਿੰਨ ਆ ਕੇਸ ਪੰਜਾਬ ਅੰਦਰ,
ਹੋ ਗਈ ਪਹਿਲੜੀ ਹਾਜ਼ਰੀ ਦਰਜ ਬੇਲੀ।
ਹਮਲੇ ਕੁਦਰਤੀ ਆਉਂਦੇ ਜੀ ਪਾਲ ਬੰਨ੍ਹੀ,
ਆਉਂਦੇ ਜਿਵੇਂ ਵਸੂਲਣ ਨੇ ਕਰਜ਼ ਬੇਲੀ।
ਡਾਕਟਰ ਥੋੜ੍ਹੇ ਤੇ ਬੋਝ ਹੈ ਪਿਆ ਬਾਹਲਾ,
ਚੜ੍ਹਦਾ ਆਉਂਦਾ ਹੈ ਰੋਗ `ਤੇ ਰੋਗ ਬੇਲੀ।
ਬਚਣਾ ਆਪ, ਬਚਾਉਣਾ ਜੇ ਬਾਕੀਆਂ ਨੂੰ,
ਕਰਨਾ ਪੈਣਾ ਫਿਰ ਫੁੱਲ ਸਹਿਯੋਗ ਬੇਲੀ।
-ਤੀਸ ਮਾਰ ਖਾਂ
ਜੂਨ 13, 2020
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ