ਅੱਜ-ਨਾਮਾ
ਇੰਜੀਨੀਅਰ ਹੁੰਦੇ ਬਣਾਉਣ ਨੂੰ ਘਰ ਮੀਆਂ,
ਪੁਲ ਬਣਾਉਣ ਦਾ ਕਾਰਜ ਵੀ ਕਰਨ ਮੀਆਂ।
ਸੋਹਣਿਆਂ ਘਰਾਂ ਦਾ ਉਹੀ ਬਣਾਉਣ ਨਕਸ਼ਾ,
ਸੋਹਣੀ ਥਾਂ ਉੱਪਰ ਨੀਂਹ ਉਹ ਧਰਨ ਮੀਆਂ।
ਗਲਤੀ-ਕਮੀ ਨਹੀਂ ਕਿਤੇ ਕੋਈ ਰਹਿ ਜਾਵੇ,
ਮੁੜ-ਮੁੜ ਚੈੱਕ ਕਰਦੇ ਨਾਲੇ ਡਰਨ ਮੀਆਂ।
ਪਰ ਜੇ ਨੀਤ ਦੇ ਅੰਦਰ ਕੁਝ ਖੋਟ ਆ ਜਾਏ,
ਭੁਲਾ ਕੇ ਫਰਜ਼ ਫਿਰ ਗੋਲਕਾਂ ਭਰਨ ਮੀਆਂ।
ਫੜਿਆ ਜਾਂਦਾ ਫਿਰ ਕੋਈ ਪੰਜਾਬ ਦੇ ਵਿੱਚ,
ਪਕੜਿਆ ਵਿੱਚ ਬਿਹਾਰ ਕੋਈ ਜਾਏ ਮੀਆਂ।
ਨਿਕਲਦੇ ਦੌਲਤ ਦੇ ਢੇਰ ਆ ਸਾਫ ਦਿੱਸਦੇ,
ਵਿੰਹਦੀਆਂ ਅੱਖਾਂ, ਯਕੀਨ ਨਾ ਆਏ ਮੀਆਂ।
-ਤੀਸ ਮਾਰ ਖਾਂ
ਅਗਸਤ 29, 2022
