ਯੈੱਸ ਪੰਜਾਬ
ਬਠਿੰਡਾ, 12 ਜੁਲਾਈ, 2024
ਮਹਾਰਾਜਾ ਰਣਜੀਤ ਸਿੰਘ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ (ਐੱਮ.ਆਰ.ਐੱਸ.ਪੀ.ਟੀ.ਯੂ.), ਬਠਿੰਡਾ ਦੇ ਗਿਆਨੀ ਜ਼ੈਲ ਸਿੰਘ ਕੈਂਪਸ ਕਾਲਜ ਆਫ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ ਦੇ ਵੱਖ-ਵੱਖ ਇੰਜੀਨੀਅਰਿੰਗ ਅਤੇ ਨਾਨ-ਇੰਜੀਨੀਅਰਿੰਗ ਸ਼ਾਖਾਵਾਂ ਦੇ 22 ਵਿਦਿਆਰਥੀਆਂ ਵੱਲੋਂ ਇੱਕ ਸ਼ਾਨਦਾਰ ਪ੍ਰਾਪਤੀ ਕਰਦਿਆਂ ਕੈਂਪਸ ਪਲੇਸਮੈਂਟ ਡਰਾਈਵ ਦੌਰਾਨ ਵੱਡੀਆਂ ਕੰਪਨੀਆਂ ਵਿੱਚ ਪਲੇਸਮੈਂਟ ਹਾਸਲ ਕੀਤੀ ਗਈ ਹੈ। ਇਨ੍ਹਾਂ ਕੰਪਨੀਆਂ ਨੇ ਸਫਲ ਉਮੀਦਵਾਰਾਂ ਨੂੰ ਆਕਰਸ਼ਕ ਪੈਕੇਜਾਂ ਦੀ ਪੇਸ਼ਕਸ਼ ਕੀਤੀ।
ਇਨ੍ਹਾਂ ਨੌਕਰੀਆਂ ਲਈ ਚੁਣੇ ਗਏ ਵਿਦਿਆਰਥੀਆਂ ਵਿਚ ਬੀ.ਟੈਕ ਸਿਵਲ ਇੰਜੀਨੀਅਰਿੰਗ ਦੇ 3 ਵਿਦਿਆਰਥੀ, 1 ਐਮ.ਬੀ.ਏ ਵਿਦਿਆਰਥੀ, 8 ਬੀ.ਟੈਕ ਟੈਕਸਟਾਈਲ ਇੰਜੀਨੀਅਰਿੰਗ ਦੇ ਵਿਦਿਆਰਥੀ, 7 ਬੀ.ਟੈਕ ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਦੇ ਵਿਦਿਆਰਥੀ ਅਤੇ 3 ਬੀ.ਟੈਕ ਮਕੈਨੀਕਲ ਇੰਜੀਨੀਅਰਿੰਗ ਦੇ ਵਿਦਿਆਰਥੀ ਸ਼ਾਮਿਲ ਹਨ ।
ਡਰਾਈਵ ਵਿੱਚ ਹਿੱਸਾ ਲੈਣ ਵਾਲੀਆਂ ਪ੍ਰਸਿੱਧ ਕੰਪਨੀਆਂ ਵਿੱਚ ਗੁਜਰਾਤ ਗੈਸ ਲਿਮਟਿਡ, ਕੰਸੋਰਟ ਬਿਲਡਰਜ਼ ਪ੍ਰਾਈਵੇਟ ਲਿਮਟਿਡ, ਪਯੋਗਿਨਮ ਪ੍ਰਾਈਵੇਟ ਲਿਮਟਿਡ, ਗ੍ਰੈਜ਼ੀਟੀ ਅਤੇ ਅਗਰਵਾਲ ਟੱਫਨਡ ਗਲਾਸ ਸ਼ਾਮਲ ਸਨ।
ਕੰਸੋਰਟ ਬਿਲਡਰਜ਼ ਪ੍ਰਾਈਵੇਟ ਲਿਮਟਿਡ ਦੇ ਸਫਲ ਉਮੀਦਵਾਰ ਅਭੈ ਚਾਵਲਾ, ਜਤਿੰਦਰ ਕੁਮਾਰ, ਅਤੇ ਰਵਿੰਦਰ ਸ਼ਰਮਾ (ਬੀ.ਟੈਕ ਸਿਵਲ ਇੰਜੀਨੀਅਰਿੰਗ) ਹਨ।
ਇਲੈਕਟ੍ਰੀਕਲ ਇੰਜਨੀਅਰਿੰਗ ਸਟਰੀਮ ਵਿੱਚ ਅਮਨ ਗੌੜ, ਰਮਨਦੀਪ ਸਿੰਘ, ਵਿਕਾਸ ਪ੍ਰਕਾਸ਼, ਅਮਿਤ ਰਾਣਾ ਨੇ ਪੁਜ਼ੀਸ਼ਨਾਂ ਹਾਸਲ ਕੀਤੀਆਂ। ਮਕੈਨੀਕਲ ਇੰਜਨੀਅਰਿੰਗ ਦੇ ਵਿਦਿਆਰਥੀ ਪ੍ਰਸ਼ਾਂਤ ਮਾਲਵੀਆ ਅਤੇ ਮਨਪ੍ਰੀਤ ਸਿੰਘ ਨੂੰ ਵੀ ਸਫਲਤਾਪੂਰਵਕ ਸਥਾਨ ਦਿੱਤਾ ਗਿਆ।
ਬੀ.ਟੈਕ ਟੈਕਸਟਾਈਲ ਇੰਜਨੀਅਰਿੰਗ ਤੋਂ ਪਯੋਗਿਨਮ ਪ੍ਰਾਈਵੇਟ ਲਿਮਟਿਡ ਨੇ ਦਲਬੀਰ ਚੰਦ, ਪੂਜਾ ਕੁਮਾਰੀ, ਫੁਲਬੀਤਾ ਥੋਸਣ, ਕਮਲਪ੍ਰੀਤ ਕੌਰ, ਆਕਾਸ਼ ਸਰੋਜ, ਮਨੀਸ਼ਾ, ਜਸਪ੍ਰੀਤ ਕੌਰ ਅਤੇ ਸੁਰਜੀਤ ਕੌਰ ਨੂੰ ਨੌਕਰੀ ‘ਤੇ ਰੱਖਿਆ।
ਮਯੰਕ ਬਾਂਸਲ (ਬੀ.ਟੈਕ-ਸੀ.ਐੱਸ.ਈ.) ਅਤੇ ਲਖਵਿੰਦਰ ਸਿੰਘ (ਮਕੈਨੀਕਲ ਇੰਜੀਨੀਅਰਿੰਗ) ਨੂੰ ਕ੍ਰਮਵਾਰ ਗ੍ਰੈਜ਼ੀਟੀ ਇੰਟਰਐਕਟਿਵ ਅਤੇ ਅਗਰਵਾਲ ਟੱਫਨਡ ਗਲਾਸ ਦੁਆਰਾ ਚੁਣਿਆ ਗਿਆ। ਇਸ ਤੋਂ ਇਲਾਵਾ ਗੁਜਰਾਤ ਗੈਸ ਲਿਮਿਟੇਡ ਨੇ ਸੰਜੀਵ ਕੁਮਾਰ (ਮਕੈਨੀਕਲ ਇੰਜੀਨੀਅਰਿੰਗ), ਵਿਕਾਸ ਪ੍ਰਕਾਸ਼ (ਇਲੈਕਟ੍ਰਿਕਲ ਇੰਜੀਨੀਅਰਿੰਗ), ਅਤੇ ਐਮ.ਬੀ.ਏ. ਦੀ ਵਿਦਿਆਰਥਣ ਅੰਕਿਤਾ ਬਾਂਸਲ ਨੂੰ ਨੌਕਰੀ ਦਿੱਤੀ।
ਰਜਿਸਟਰਾਰ ਡਾ: ਗੁਰਿੰਦਰਪਾਲ ਸਿੰਘ ਬਰਾੜ, ਕੈਂਪਸ ਡਾਇਰੈਕਟਰ ਡਾ: ਸੰਜੀਵ ਅਗਰਵਾਲ, ਟਰੇਨਿੰਗ ਅਤੇ ਪਲੇਸਮੈਂਟ ਡਾਇਰੈਕਟਰ ਹਰਜੋਤ ਸਿੰਘ ਸਿੱਧੂ ਨੇ ਵਿਦਿਆਰਥੀਆਂ ਦੀਆਂ ਪ੍ਰਾਪਤੀਆਂ ‘ਤੇ ਤਸੱਲੀ ਪ੍ਰਗਟ ਕੀਤੀ ਅਤੇ ਉਨ੍ਹਾਂ ਦੇ ਭਵਿੱਖੀ ਕਰੀਅਰ ਲਈ ਸ਼ੁੱਭ ਕਾਮਨਾਵਾਂ ਦਿੱਤੀਆਂ ੍ਟ ਸਿਖਲਾਈ ਅਤੇ ਪਲੇਸਮੈਂਟ ਵਿਭਾਗ ਨੇ ਇਸ ਸਫਲਤਾ ਵਿੱਚ ਪ੍ਰਮੁੱਖ ਭੂਮਿਕਾ ਨਿਭਾਈ ਹੈ। ਮੌਜੂਦਾ ਸੈਸ਼ਨ ਲਈ ਸਭ ਤੋਂ ਵੱਧ ਪਲੇਸਮੈਂਟ ਸਾਲਾਨਾ ਪੈਕੇਜ 12 ਲੱਖ ‘ਤੇ ਰਿਪੋਰਟ ਕੀਤਾ ਗਿਆ ਹੈ।
ਡਾ. ਬਰਾੜ ਅਤੇ ਡਾ. ਅਗਰਵਾਲ ਨੇ ਸਾਰੇ ਚੁਣੇ ਗਏ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦਿਆਂ ਸਿਖਲਾਈ ਅਤੇ ਪਲੇਸਮੈਂਟ ਵਿਭਾਗ ਦੇ ਸੁਚੱਜੇ ਯਤਨਾਂ ਦੀ ਸ਼ਲਾਘਾ ਕੀਤੀ ।
ਪਲੇਸਮੈਂਟ ਸਲਾਹਕਾਰ ਡਾ: ਹਰਅੰਮ੍ਰਿਤਪਾਲ ਸਿੰਘ ਸਿੱਧੂ ਅਤੇ ਇੰਜ. ਗਗਨਦੀਪ ਸਿੰਘ ਸੋਢੀ ਨੇ ਕੈਂਪਸ ਪਲੇਸਮੈਂਟ ਡਰਾਈਵ ਦਾ ਤਾਲਮੇਲ ਪ੍ਰਭਾਵਸ਼ਾਲੀ ਢੰਗ ਨਾਲ ਕੀਤਾ।