ਯੈੱਸ ਪੰਜਾਬ
ਲੁਧਿਆਣਾ, 6 ਜੁਲਾਈ, 2019:
ਲੁਧਿਆਣਾ ਦੀ ਕੇਂਦਰੀ ਜੇਲ੍ਹ ਵਿਚ ਫ਼ਿਰ ਹੰਗਾਮਾ ਹੋਇਆ ਹੈ। ਇਯ ਦੌਰਾਨ ਹੋਈ ਹਿੰਸਾ ਵਿਚ ਤਿੰਨ ਕੈਦੀਆਂ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਹੈ ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ।
ਪਤਾ ਲੱਗਾ ਹੈ ਕਿ ਹੰਗਾਮਾ ਅਤੇ ਹਿੰਸਾ ਉਸ ਵੇਲੇ ਹੋਇਆ ਜਦ ਕੈਦੀਆਂ ਦੇ ਦੋ ਧੜੇ ਖ਼ਾਣੇ ਕਰਕੇ ਆਪਸ ਵਿਚ ਤਕਰਾਰ ਤੋਂ ਬਾਅਦ ਹਿੰਸਕ ਹੋ ਗਏ।
ਇਸ ਮੌਕੇ ਘੱਟੋ ਘੱਟ ਤਿੰਨ ਕੈਦੀ ਜ਼ਖ਼ਮੀ ਹੋ ਗਏ।
ਯਾਦ ਰਹੇ ਕਿ ਅਜੇ ਚੰਦ ਹੀ ਦਿਨ ਪਹਿਲਾਂ ਇਕ ਕੈਦੀ ਮੋਨੂੰ ਸੂਦ ਦੀ ਮੌਤ ਮਗਰੋਂ ਕੈਦੀ ਭੜਕ ਗਏ ਸਨ ਜਿਸ ਮਗਰੋਂ ਹੋਈ ਹਿੰਸਾ ਵਿਚ ਜੇਲ੍ਹ ਪ੍ਰਸ਼ਾਸ਼ਨ ਨੂੰ ਗੋਲੀ ਚਲਾਉਣੀ ਪਈ ਸੀ ਜਿਸ ਵਿਚ ਅਮਨ ਬਾਬਾ ਨਾਂਅ ਦੇ ਇਕ ਹੋਰ ਕੈਦੀ ਦੀ ਗੋਲੀ ਲੱਗਣ ਨਾਲ ਮੌਤ ਹੋ ਗਈ ਸੀ।
ਜੇਲ੍ਹਾਂ ਦੇ ਅੰਦਰ ਲਗਾਤਾਰ ਵਾਪਰ ਰਹੀਆਂ ਘਟਨਾਵਾਂ ਕਾਰਨ ਜੇਲ੍ਹ ਪ੍ਰਸ਼ਾਸ਼ਨ ਸਵਾਲਾਂ ਦੇ ਘੇਰੇ ਵਿਚ ਹੈ। ਲੁਧਿਆਣਾ ਕੇਂਦਰੀ ਜੇਲ੍ਹ ਵਿਚ ਚੰਦ ਦਿਨਾਂ ਦੇ ਅੰਦਰ ਹੀ ਇਹ ਦੂਜੀ ਘਟਨਾ ਵਾਪਰੀ ਹੈ।
ਇਨ੍ਹਾਂ ਘਟਨਾਵਾਂ ਕਾਰਨ ਜੇਲ੍ਹ ਅੰਦਰਲੇ ਕੈਦੀਆਂ ਦੀ ਸੁਰੱਖ਼ਿਆ ’ਤੇ ਵੀ ਪ੍ਰਸ਼ਨ ਚਿੰਨ੍ਹ ਲੱਗ ਗਿਆ ਹੈ।
