ਅੱਜ-ਨਾਮਾ
ਹਾਂਗ ਕਾਂਗ ਵਿੱਚ ਲੋਕਾਂ ਦੀ ਕਾਂਗ ਆ ਗਈ,
ਸੁਣਿਆ ਫਿਕਰ ਦੇ ਵਿੱਚ ਕੁਝ ਚੀਨ ਬੇਲੀ।
ਲਾਇਆ ਸਖਤੀ ਰਿਵਾਇਤੀ ਦਾ ਜ਼ੋਰ ਸਾਰਾ,
ਸੁਣਦਾ ਓਧਰ ਨਹੀਂ ਕੋਈ ਇਹ ਬੀਨ ਬੇਲੀ।
ਹਵਾਈ ਅੱਡਾ ਤੱਕ ਘੇਰਿਆ ਕੱਲ੍ਹ ਸੁਣਿਆ,
ਪਲ-ਪਲ ਬਦਲਿਆ ਸੁਣੀਂਦਾ ਸੀਨ ਬੇਲੀ।
ਕਹਿ ਰਿਹਾ ਚੀਨ ਕਿ ਦਿੱਸ ਰਿਹਾ ਸਾਫ ਸਾਨੂੰ,
ਅਮਰੀਕੀ ਚਾਲਾਂ ਦਾ ਅੰਦਰ ਕੁਝ ਜੀਨ ਬੇਲੀ।
ਰਿਹਾ ਕੋਈ ਅਮਨ-ਕਾਨੂੰਨ ਨਾ ਨਜ਼ਰ ਆਵੇ,
ਬਾਜ਼ਾਰ-ਵਪਾਰ ਵੀ ਹੋਇਆ ਈ ਠੱਪ ਬੇਲੀ।
ਕਹਿ ਰਹੇ ਮਾਹਰ ਕਿ ਚੀਨ ਨਾ ਜਰਨ ਵਾਲਾ,
ਆ ਗਿਆ ਆਈ`ਤੇ, ਲਊ ਫਿਰ ਨੱਪ ਬੇਲੀ।
-ਤੀਸ ਮਾਰ ਖਾਂ
13 ਅਗਸਤ, 2019 –