ਅੱਜ-ਨਾਮਾ
ਮਮਤਾ ਮਾਰ ਗਈ ਮੋਰਚਾ ਚੋਣ ਵਾਲਾ,
ਹੋ ਗਈ ਭਾਜਪਾ ਦੀ ਓਥੇ ਹਾਰ ਮੀਆਂ।
‘ਖੇਲਾ ਹੋਬੈ’ ਦੀ ਹੋਈ ਹੈ ਜਿੱਤ ਭਾਰੀ,
ਇੱਕੋ ਪਾਸੇ ਨੂੰ ਬੱਝੀ ਆ ਡਾਰ ਮੀਆਂ।
ਜਿਸ ਨੂੰ ਚੋਣ ਲੜਵਾਈ ਹੈ ਭਾਜਪਾ ਨੇ,
ਤੀਜਾ ਹਿੱਸਾ ਵੀ ਟੱਪੀ ਨਾ ਪਾਰ ਮੀਆਂ।
ਛੱਡੀ ਜਾਂਦੇ ਵਿਧਾਇਕ ਆ ਭਾਜਪਾ ਦੇ,
ਪੈ ਗਈ ਤਾਜ਼ਾ ਕਸੂਤੜੀ ਮਾਰ ਮੀਆਂ।
ਜਾਂਦੇ ਜਿੱਤ ਤਾਂ ਦਿੱਲੀ ਤੋਂ ਬੜ੍ਹਕਣੇ ਸੀ,
ਹੋਈ ਹਾਰ ਤਾਂ ਚੁੱਪ ਲਈ ਧਾਰ ਮੀਆਂ।
ਚਿਰਾਂ ਤੀਕ ਆ ਨੀਂਦ ਉਡਾਉਣ ਜੋਗੀ,
ਪਈ ਭਾਜਪਾ ਨੂੰ ਇਹ ਜੋ ਮਾਰ ਮੀਆਂ।
-ਤੀਸ ਮਾਰ ਖਾਂ
ਅਕਤੂਬਰ 04, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
