ਅੱਜ-ਨਾਮਾ
ਬੰਨ੍ਹ`ਤੀ ਲੜੀ ਅਕਾਲੀਆਂ ਜਲਸਿਆਂ ਦੀ,
ਜਲਸੇ ਲੱਗ ਪਿਆ ਕਰਨ ਕਪਤਾਨ ਬੇਲੀ।
ਬੋਲਦਾ ਚੰਨੀ ਉਦਘਾਟਨ ਦੇ ਮੌਕਿਆਂ `ਤੇ,
ਸਰਕਾਰੀ ਨੀਤੀ ਦੇ ਕਰੇ ਵਖਿਆਨ ਬੇਲੀ।
ਨਾਗੇ ਪਾਉਂਦਾ ਨਹੀਂ ਕਦੇ ਨਵਜੋਤ ਸਿੱਧੂ,
ਭਾਜਪਾ ਨਿਕਲ ਪਈ ਵੱਲ ਮੈਦਾਨ ਬੇਲੀ।
ਕੇਜਰੀਵਾਲ ਵੀ ਆਵੇ ਜੀ ਲਾਉਣ ਚੱਕਰ,
ਕਰ-ਕਰ ਜਾਵੇ ਉਹ ਨਵੇਂ ਐਲਾਨ ਬੇਲੀ।
ਵੱਤਰ ਪੈਲੀ ਦਾ ਵੇਖ ਜਿਉਂ ਠੀਕ ਲੱਗਦਾ,
ਪੈਂਦਾ ਨਿਕਲ ਕਿਸਾਨ ਫਿਰ ਵਾਹੁਣ ਬੇਲੀ।
ਤਪਦਾ ਚੋਣਾਂ ਲਈ ਪਿਆ ਤੰਦੂਰ ਭਖਿਆ,
ਨਿਕਲੇ ਲੀਡਰ ਨੇ ਰੋਟੀਆਂ ਲਾਹੁਣ ਬੇਲੀ।
-ਤੀਸ ਮਾਰ ਖਾਂ
ਦਸੰਬਰ 16, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ