ਯੈੱਸ ਪੰਜਾਬ
ਜਲੰਧਰ, ਜੂਨ 2, 2020:
ਜਲੰਧਰ ਵਿਚ ਮੰਗਲਵਾਰ ਸਵੇਰ ਸਾਰ ਹੀ 10 ਨਵੇਂ ਕੋਰੋਨਾ ਪਾਜ਼ਿਟਿਵ ਕੇਸ ਆਉਣ ਨਾਲ ਸ਼ਹਿਰ ਵਿਚ ਕੁਲ ਕੇਸਾਂ ਦੀ ਗਿਣਤੀ 256 ਜਾ ਪੁੱਜੀ ਹੈ।
ਸ਼ਹਿਰ ਵਿਚ ਅੱਜ ਆਏ 10 ਕੇਸਾਂ ਵਿੱਚੋਂ 7 ਡਿਫ਼ੈਂਸ ਕਾਲੋਨੀ ਜਿਹੇ ਪਾਸ਼ ਖ਼ੇਤਰ ਵਿਚੋਂ ਹਨ। ਡਿਫ਼ੈਂਸ ਕਾਲੋਨੀ ਵਿਚ ਇਕ ਕੇਸ ਪਹਿਲਾਂ ਸਾਹਮਣੇ ਆਇਆ ਸੀ ਅਤੇ ਹੁਣ ਇੱਥੇ ਕੇਸਾਂ ਦੀ ਕੁਲ ਗਿਣਤੀ 8 ਹੋ ਗਈ ਹੈ।
ਇਸ ਦੇ ਨਾਲ ਹੀ ਜਲੰਧਰ ਵਿਚ ਐਕਟਿਵ ਕੇਸਾਂ ਦੀ ਗਿਣਤੀ 40 ਹੋ ਗਈ ਹੈ ਜਦਕਿ ਹੁਣ ਤਕ 209 ਲੋਕ ਸਿਹਤਯਾਬ ਹੋ ਚੁੱਕੇ ਹਨ।
ਇਨ੍ਹਾਂ ਵਿਚੋਂ 3 ਲੋਕ ਲਾਜਪਤ ਨਗਰ ਦੇ ਰਹਿਣ ਵਾਲੇ ਇਕ ਵੱਡੇ ਸੈਨੇਟਰੀ ਸ਼ੋਅਰੂਮ ਮਾਲਕ ਦੇ ਪਰਿਵਾਰਕ ਮੈਂਬਰ ਅਤੇ 3 ਸਟਾਫ਼ ਨਾਲ ਸੰਬੰਧਤ ਹਨ। ਸ਼ੋਅਰੂਮ ਮਾਲਕ ਦੇ ਪਾਜ਼ਿਟਿਵ ਆਉਣ ਮਗਰੋਂ ਸੰਪਰਕਾਂ ਦੇ ਟੈਸਟਾਂ ਤੋਂ ਇਹ ਮਾਮਲੇ ਅੱਗੇ ਚੱਲੇ ਹਨ।
ਜ਼ਿਕਰਯੋਗ ਹੈ ਕਿ ਸ਼ਹਿਰ ਵਿਚ ਕੋਰੋਨਾ ਵਾਇਰਸ ਦੇ ਚੱਲਦਿਆਂ 7 ਮੌਤਾਂ ਹੋ ਚੁੱਕੀਆਂ ਹਨ।
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ