ਅੱਜ-ਨਾਮਾ
ਚਰਚਾ ਛਿੜੀ ਪਈ ਆ ਪੂਰੇ ਦੇਸ਼ ਅੰਦਰ,
ਦਿੱਸਦਾ ਨਹੀਂਓਂ ਕਿਸਾਨਾਂ ਨੂੰ ਰਾਹ ਬੇਲੀ।
ਅਫਸਰ ਆਉਂਦਾ ਜਾਂ ਮੰਤਰੀ ਕੋਈ ਆਵੇ,
ਹਰ ਕੋਈ ਦਿੰਦਾ ਈ ਮੁਫਤ ਸਲਾਹ ਬੇਲੀ।
ਅਕਲ ਵੱਲੋਂ ਨਹੀਂ ਘਾਟ ਸਿਆਣਿਆਂ ਦੀ,
ਲਹਿੰਦਾ ਗਲ਼ੋਂ ਨਹੀਂ ਫੇਰ ਆ ਫਾਹ ਬੇਲੀ।
ਮੁਸ਼ਕਲ ਜਿਨ੍ਹਾਂ ਨੂੰ ਬਣੀ ਆ ਰੋਣ-ਪਿੱਟਣ,
ਹੋ ਜਾਏ ਅੰਤ ਵਿੱਚ ਜਾਂਦੀਏ-ਜਾਹ ਬੇਲੀ।
ਜੜ੍ਹੀਂ ਬਹਿ ਗਏ ਨੇ ਝੋਨਾ ਤੇ ਕਣਕ ਦੋਵੇਂ,
ਕਰਜ਼ਾ ਕਿਸ਼ਤ ਜਾਂ ਸੂਦ ਨਹੀਂ ਲਹੇ ਬੇਲੀ।
ਫੜਦਾ ਬਾਂਹ ਕਿਸਾਨ ਦੀ ਕੋਈ ਨਹੀਂ ਤਾਂ,
ਦਰਦ ਅੰਦਰਲਾ ਕੀਹਨੂੰ ਉਹ ਕਹੇ ਬੇਲੀ।
-ਤੀਸ ਮਾਰ ਖਾਂ
ਦਸੰਬਰ 06, 2019
