ਯੈੱਸ ਪੰਜਾਬ
ਲੁਧਿਆਣਾ, 27 ਨਵੰਬਰ, 2024
PAU ਵਿੱਚ ਬੀ ਟੈਕ ਖੇਤੀ ਇੰਜਨੀਅਰਿੰਗ ਪਾਸ ਕਰਨ ਵਾਲੇ ਵਿਦਿਆਰਥੀ Armaanjot Singh ਨੂੰ ਬੀਤੇ ਦਿਨੀ ਉਤਰਾਂਚਲ ਯੂਨੀਵਰਸਿਟੀ ਦੇਹਰਾਦੂਨ ਉੱਤਰਾਖੰਡ, ਵਿਖੇ ਖੇਤੀ ਵਾਤਾਵਰਣ ਵਿਕਾਸ ਸੁਸਾਇਟੀ ਦੇ ਸਹਿਯੋਗ ਨਾਲ ਕਰਵਾਈ ਦਸਵੀਂ ਕੌਮਾਂਤਰੀ ਕਾਨਫਰਸ ਵਿੱਚ ਨੌਜਵਾਨ ਇੰਜੀਨੀਅਰ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ।
ਪੀਏਯੂ ਦੇ ਵਾਈਸ ਚਾਂਸਲਰ ਡਾ ਸਤਿਬੀਰ ਸਿੰਘ ਗੋਸਲ, ਡੀਨ ਪੋਸਟ ਗ੍ਰੈਜੂਏਟ ਸਟਡੀਜ ਡਾ ਮਾਨਵ ਇੰਦਰਾ ਸਿੰਘ ਗਿੱਲ, ਖੇਤੀ ਇੰਜਨੀਅਰਿੰਗ ਕਾਲਜ ਦੇ ਡੀਨ ਡਾ ਮਨਜੀਤ ਸਿੰਘ ਅਤੇ ਖੇਤੀਬਾੜੀ ਕਾਲਜ ਦੇ ਡੀਨ ਡਾ ਚਰਨਜੀਤ ਸਿੰਘ ਔਲਖ ਨੇ ਇਸ ਮੌਕੇ ਅਰਮਾਨਜੋਤ ਸਿੰਘ ਅਤੇ ਉਨਾਂ ਦੇ ਨਿਗਰਾਨ ਡਾਕਟਰ ਗੁਰਦਿੱਤ ਸਿੰਘ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ।
