ਅੱਜ-ਨਾਮਾ
ਠਿੱਬੀ ਚੋਣਾਂ ਵਿੱਚ ਲਾਉਣ ਦਾ ਕੰਮ ਹੁੰਦੈ,
ਜੋ ਕੋਈ ਮਾਰ ਸਕਦੈ, ਉਹੀ ਮਾਰ ਜਾਂਦੈ।
ਚੱਕਰ ਲੋਕਾਂ ਨੂੰ ਮੂਰਖ ਬਣਾਉਣ ਦਾ ਈ,
ਜੋ ਕੋਈ ਚਾਰ ਸਕਦੈ, ਉਹੀ ਚਾਰ ਜਾਂਦੈ।
ਦੇ ਗਿਆ ਕੋਈ ਗਾਰੰਟੀ ਤੇ ਹੋਏ ਚਰਚਾ,
ਮਾਰਦਾ ਗੱਪ ਕੋਈ ਵੰਡ ਰੁਜ਼ਗਾਰ ਜਾਂਦੈ।
ਬਾਜ਼ੀ ਕੋਈ ਤਾਂ ਗੱਪਾਂ ਨਾਲ ਜਿੱਤ ਜਾਂਦਾ,
ਕਰ ਕੇ ਕੰਮ ਫਿਰ ਵੀ ਕੋਈ ਹਾਰ ਜਾਂਦੈ।
ਚੋਣ ਚੱਕਰ ਵਿੱਚ ਰੂਲ-ਅਸੂਲ ਕੋਈ ਨਾ,
ਸੁਫਨਾ ਦਿਨੇ ਹਰ ਲੀਡਰ ਵਿਖਾਈ ਜਾਂਦੈ।
ਪੁੱਛਦਾ ਅਮਲ ਨਾ ਕੋਈ ਵੀ ਚੋਣ ਮਗਰੋਂ,
ਮੁਲਕ ਤਾਂ ਫੇਰ ਵੀ ਚੱਲੀ-ਚਲਾਈ ਜਾਂਦੈ।
ਤੀਸ ਮਾਰ ਖਾਂ
11 ਨਵੰਬਰ, 2024
ਇਹ ਵੀ ਪੜ੍ਹੋ: ਵਰਤੀ ਬਿੱਟੂ ਨੇ ਬਾਹਲੀ ਹੈ ਗਲਤ ਭਾਸ਼ਾ, ਸੁਣ ਕੇ ਗਏ ਹਨ ਭੜਕ ਕਿਰਸਾਨ ਬੇਲੀ
