ਅੱਜ-ਨਾਮਾ
ਜੁੜਿਆ ਜੋੜ ਨਹੀਂ ਆਪ ਤੇ ਕਾਂਗਰਸ ਦਾ,
ਲੜਨੀ ਹੈ ਦੋਵਾਂ ਹਰਿਆਣੇ ਦੀ ਚੋਣ ਬੇਲੀ।
ਅੱਡੋ-ਅੱਡ ਫਿਰ ਰਾਹ ਲਿਆ ਪਕੜ ਦੋਵਾਂ,
ਮਿਲਿਆ ਨਹੀਂ ਲੱਗਦਾ ਦ੍ਰਿਸ਼ਟੀਕੋਣ ਬੇਲੀ।
ਦੋਵਾਂ `ਚੋਂ ਠੀਕ ਕਿਹੜਾ ਤੇ ਗਲਤ ਕਿਹੜਾ,
ਪਤਾ ਨਹੀਂ ਪਊ ਝੋਲੀ ਕਿਸ ਦੀ ਰੋਣ ਬੇਲੀ।
ਓਧਰ ਕਰਦੇ ਤਿਆਰੀ ਜਿਹੇ ਭਾਜਪਾਈਏ,
ਕਹਿਣ ਉਹ ਧੋ ਦਿਆਂਗੇ ਪੂਰਾ ਧੋਣ ਬੇਲੀ।
ਫੈਸਲਾ ਆਖਰ ਵਿੱਚ ਕਰਨਾ ਈ ਵੋਟਰਾਂ ਨੇ,
ਪਤਾ ਨਹੀਂ ਵੋਟਰ ਕੀ ਫੈਸਲਾ ਕਰਨ ਬੇਲੀ।
ਫਿਕਰਾਂ ਕਰਨ ਉਹ ਜਿਨ੍ਹਾਂ ਦੀ ਜਾਨ ਤੜਫੇ,
ਚੋਣ ਜਿਹੜਿਆਂ ਲਈ ਜੀਵਣ ਮਰਨ ਬੇਲੀ।
ਤੀਸ ਮਾਰ ਖਾਂ
20 ਜੁਲਾਈ, 2024
