ਯੈੱਸ ਪੰਜਾਬ
ਬੈੱਡਫੋਰਡ (ਯੂ.ਕੇ.), ਅਗਸਤ 14, 2024:
1946 ਵਿੱਚ ਸਥਾਪਿਤ, ਕ੍ਰੈਨਫੀਲਡ ਯੂਨੀਵਰਸਿਟੀ ਬੈੱਡਫੋਰਡ ਦੇ ਨੇੜੇ ਕ੍ਰੈਨਫੀਲਡ ਪਿੰਡ ਵਿੱਚ ਸਥਿਤ ਵਿਸ਼ੇਸ਼ ਪੋਸਟ ਗ੍ਰੈਜੂਏਟ ਅਧਿਐਨ ਅਤੇ ਖੋਜ ਲਈ ਇੱਕ ਪ੍ਰਮੁੱਖ ਗਲੋਬਲ ਯੂਨੀਵਰਸਿਟੀ ਹੈ।
ਯੂਨੀਵਰਸਿਟੀ ਨੂੰ ਕਿਊ ਐੱਸ (QS) ਵਰਲਡ ਯੂਨੀਵਰਸਿਟੀ ਰੈਂਕਿੰਗਜ਼ ਵਿੱਚ ਵਿਸ਼ਵ ਦੀਆਂ ਸਰਵੋਤਮ ਯੂਨੀਵਰਸਿਟੀਆਂ ਵਿੱਚੋਂ ਇੱਕ ਦਾ ਦਰਜਾ ਦਿੱਤਾ ਗਿਆ ਹੈ, ਨੇ ਆਪਣੇ ਅਲੂਮਨੀ ਅਵਾਰਡਾਂ ਦਾ ਐਲਾਨ ਕੀਤਾ ਹੈ।
ਚਰਨ ਸੇਖੋਂ ਯੂਨੀਵਰਸਿਟੀ ਦੇ 78 ਸਾਲਾਂ ਦੇ ਇਤਿਹਾਸ ਵਿੱਚ ਸਰਵਉੱਚ ਅਲੂਮਨੀ ਅਵਾਰਡ ਪ੍ਰਾਪਤ ਕਰਨ ਵਾਲੇ ਭਾਰਤ ਮੂਲ ਦੇ ਪਹਿਲੇ ਬ੍ਰਿਟਿਸ਼ ਸਿੱਖ ਬਣ ਗਏ ਹਨ।
ਜੇਤੂਆਂ ਦਾ ਐਲਾਨ ਕਰਦੇ ਹੋਏ ਕ੍ਰੈਨਫੀਲਡ ਯੂਨੀਵਰਸਿਟੀ ਨੇ ਕਿਹਾ, ‘‘ਸਾਨੂੰ ਚਰਨ ਕੰਵਲ ਸਿੰਘ ਸੇਖੋਂ ਐਮ.ਬੀ.ਈ., ਡਿਸਟਿੰਗੂਇਸ਼ਡ ਐਲੂਮਨੀ ਅਵਾਰਡ 2024 ਦੇ ਜੇਤੂ ਦਾ ਐਲਾਨ ਕਰਦਿਆਂ ਖੁਸ਼ੀ ਹੋ ਰਹੀ ਹੈ।
ਸੇਖੋਂ ਨੇ 1997 ਵਿੱਚ ਐਨਰਜੀ ਕੰਜ਼ਰਵੇਸ਼ਨ ਅਤੇ ਇਨਵਾਇਰਮੈਂਟ ਵਿੱਚ ਐਮ.ਐਸਸੀ. ਪੂਰੀ ਕੀਤੀ।
ਡਿਸਟਿੰਗੂਇਸ਼ਡ ਅਲੂਮਨੀ ਅਵਾਰਡ ਸ਼੍ਰੇਣੀ ਯੂਨੀਵਰਸਿਟੀ ਦਾ ਸਭ ਤੋਂ ਉੱਚਾ ਸਨਮਾਨ ਹੈ ਜੋ ਉਹਨਾਂ ਵਿਅਕਤੀਆਂ ਦੀਆਂ ਬੇਮਿਸਾਲ ਪ੍ਰਾਪਤੀਆਂ ਨੂੰ ਮਾਨਤਾ ਦਿੰਦਾ ਹੈ ਜਿਨ੍ਹਾਂ ਨੇ ਗਲੋਬਲ ਪ੍ਰਭਾਵ ਨੂੰ ਦਰਸਾਉਂਦੇ ਹੋਏ ਅੰਤਰਰਾਸ਼ਟਰੀ ਪੱਧਰ ਵਿੱਚ ਉੱਚੇ ਮਿਆਰਾਂ ਨੂੰ ਕਾਇਮ ਰੱਖਦੇ ਹੋਏ ਪਾਣੀ, ਊਰਜਾ ਅਤੇ ਵਾਤਾਵਰਣ ਖੇਤਰਾਂ ਵਿੱਚ ਮਹੱਤਵਪੂਰਨ ਸਫਲਤਾ ਪ੍ਰਾਪਤ ਕੀਤੀ ਹੈ ਤੇ ਸਮਾਜਿਕ ਪ੍ਰਭਾਵ ਅਤੇ ਕਮਿਊਨਟ ਸੇਵਾਵਾਂ ਵਿੱਚ ਵਿਸ਼ੇਸ਼ ਯੋਗਦਾਨ ਪ੍ਰਦਾਨ ਕੀਤਾ I
ਸੇਖੋਂ ਯੂਕੇ ਸਰਕਾਰ ਦੇ ਵਾਤਾਵਰਣ ਵਿਭਾਗ ਵਿੱਚ ਸੀਨੀਅਰ ਜ਼ਿਲ੍ਹਾ ਅਫਸਰ ਵਜੋਂ ਸੇਵਾ ਕਰ ਰਹੇ ਹਨ ਅਤੇ ਪੂਰਬੀ ਇੰਗਲੈਂਡ ਵਿੱਚ ਬਹੁਤ ਸਾਰੇ ਵਾਤਾਵਰਣ ਪ੍ਰੋਜੈਕਟਾਂ ਅਤੇ ਸਰਕਾਰੀ ਨੌਕਰੀਆਂ ਵਿੱਚ ਸਮਾਨਤਾ ਨਾਲ ਸਬੰਧਤ ਪ੍ਰੋਜੈਕਟਾਂ ਦੀ ਅਗਵਾਈ ਕਰ ਰਹੇ ਹਨ।“
ਯੂਨੀਵਰਸਿਟੀ ਨੇ ਪ੍ਰੈਸ ਰਿਲੀਜ਼ ਵਿੱਚ ਕਿਹਾ, “ਚਰਨ ਕੰਵਲ ਸਿੰਘ ਸੇਖੋਂ ਨੇ ਵਾਤਾਵਰਨ ਸੁਰੱਖਿਆ ਅਤੇ ਕਮਿਊਨਿਟੀ ਸੇਵਾ ਲਈ ਬੇਮਿਸਾਲ ਸਮਰਪਣ ਦਾ ਪ੍ਰਦਰਸ਼ਨ ਕੀਤਾ ਹੈ।
ਪਿੰਡ ਬੜੂੰਦੀ ਪੰਜਾਬ, ਭਾਰਤ ਵਿੱਚ ਜਨਮੇ, ਸੇਖੋਂ ਦੀ ਸ਼ੁਰੂਆਤੀ ਜ਼ਿੰਦਗੀ ਪਿੰਡ ਨਾਲ ਸਬੰਧਤ ਸੀ, ਜਿੱਥੇ ਪੇਂਡੂ ਵਿਦਿਆਰਥੀ ਸਿੱਖਿਆ ਪ੍ਰਾਪਤ ਕਰਨ ਲਈ ਸੰਘਰਸ਼ ਕਰਦੇ ਹਨ, ਇਸ ਨੇ ਉਸਨੂੰ ਅੰਤਰਰਾਸ਼ਟਰੀ ਚੈਰਿਟੀ, ਸੇਵਾ ਟਰੱਸਟ (ਯੂਕੇ ਅਤੇ ਭਾਰਤ) ਬਣਾਉਣ ਲਈ ਪ੍ਰੇਰਿਤ ਕੀਤਾ I
ਸੇਵਾ ਟਰੱਸਟ ਦੇ ਸੰਸਥਾਪਕ ਅਤੇ ਚੇਅਰਮੈਨ ਹੋਣ ਦੇ ਨਾਤੇ, ਉਹਨਾਂ ਨੇ ਯੂਕੇ ਅਤੇ ਭਾਰਤ ਵਿੱਚ ਸਿੱਖਿਆ, ਸਿਹਤ, ਕਲਿਆਣ ਅਤੇ ਵਾਤਾਵਰਨ ਪਹਿਲਕਦਮੀਆਂ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ।
ਸੇਖੋਂ ਦੀ ਜਨਤਕ ਸੇਵਾ ਪ੍ਰਤੀ ਵਚਨਬੱਧਤਾ ਅਤੇ ਸਥਾਨਕ ਕੌਂਸਲਰ ਵਜੋਂ 22 ਸਾਲਾਂ ਦੀ ਸੇਵਾ ਉਸ ਦੇ ਮਿਸਾਲੀ ਯੋਗਦਾਨ ਨੂੰ ਦਰਸਾਉਂਦੀ ਹੈ। ਉਸਦੀ ਸ਼ਮੂਲੀਅਤ ਵੱਖ ਵੱਖ ਨੌਜਵਾਨਾਂ, ਚੈਰਿਟੀ, ਅਤੇ ਖੇਡ ਪ੍ਰੋਜੈਕਟਾਂ ਤੱਕ ਫੈਲੀ ਹੋਈ ਹੈ, ਜਿਸ ਵਿੱਚ ਫੰਡ ਇਕੱਠਾ ਕਰਨ ਦੀਆਂ ਮੁਹਿੰਮਾਂ ਅਤੇ ਅਪਾਹਜ ਵਿਅਕਤੀਆਂ ਦੀ ਸਹਾਇਤਾ ਲਈ ਲੰਡਨ ਮੈਰਾਥਨ ਵਿੱਚ ਦੌੜਨਾ ਸ਼ਾਮਲ ਹੈ।
ਇਸ ਤੋਂ ਇਲਾਵਾ, ਕੋਵਿਡ-19 ਮਹਾਂਮਾਰੀ ਦੇ ਦੌਰਾਨ, ਸੇਖੋਂ ਨੇ ਸੈਂਕੜੇ ਕਮਜ਼ੋਰ ਪਰਿਵਾਰਾਂ, ਬੇਘਰ ਲੋਕ ਅਤੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਭੋਜਨ ਅਤੇ ਜ਼ਰੂਰੀ ਚੀਜ਼ਾਂ ਨਾਲ ਸਹਾਇਤਾ ਕਰਨ ਲਈ ਬੈੱਡਫੋਰਡਸ਼ਾਇਰ, ਮਿਲਟਨ ਕੀਨਜ਼ ਅਤੇ ਹਰਟਫੋਰਡਸ਼ਾਇਰ ਵਿੱਚ ਵਲੰਟੀਅਰਾਂ ਦੀ ਇੱਕ ਟੀਮ ਦੀ ਅਗਵਾਈ ਕੀਤੀ। ਉਸਦੇ ਯਤਨਾਂ ਨੇ ਖਾਸ ਤੌਰ ‘ਤੇ ਕ੍ਰੈਨਫੀਲਡ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਅਤੇ ਸਥਾਨਕ ਭਾਈਚਾਰੇ ਦਾ ਸਮਰਥਨ ਕੀਤਾ।
ਚੈਰਿਟੀ ਅਤੇ ਵਾਤਾਵਰਣ ਦੇ ਕਾਰਨਾਂ ਲਈ ਨਿਰੰਤਰ ਸਮਰਪਣ, ਅਤੇ ਉਸਦੇ ਸਥਾਨਕ ਭਾਈਚਾਰੇ ਲਈ ਸਮਰਥਨ ਦੇ ਨਤੀਜੇ ਵਜੋਂ ਸੇਖੋਂ ਨੂੰ ਕਿੰਗ ਚਾਰਲਸ ਦੁਆਰਾ ਰਾਸ਼ਟਰੀ ਸਿਵਲੀਅਨ ਐਵਾਰਡ ਐਮ.ਬੀ.ਈ. ਨਾਲ ਸਨਮਾਨਿਤ ਕੀਤਾ ਗਿਆ।
ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਸਰਵੋਤਮ ਭਾਈਚਾਰੇ ਅਤੇ ਚੈਰਿਟੀ ਸੇਵਾਵਾਂ ਲਈ ਕਈ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਗਿਆ ਹੈ, ਜਿਸ ਵਿੱਚ ਹਾਊਸ ਆਫ਼ ਕਾਮਨਜ਼ ਵਿਖੇ ‘ਬ੍ਰਿਟਿਸ਼ ਏਸ਼ੀਅਨ ਪ੍ਰਾਈਡ ਆਫ਼ ਬ੍ਰਿਟੇਨ ਅਵਾਰਡ’, ਪੈਪਵਰਥ ਟਰੱਸਟ ਦੁਆਰਾ ‘ਵਲੰਟੀਅਰ ਫੰਡਰੇਜ਼ਰ ਅਵਾਰਡ’, ਅਤੇ ਕੈਮਬ੍ਰਿਜ ਅਤੇ ਬੈੱਡਫੋਰਡ ਦੇ ਮੇਅਰ ਦੇ ‘ਸਿਟੀਜ਼ਨ ਆਫ਼ ਦ ਸਿਟੀਜ਼ਨ’ ਸ਼ਾਮਲ ਹਨ।
ਯੂਨੀਵਰਸਿਟੀ ਅਵਾਰਡ ਟੀਮ ਨੇ ਕਿਹਾ, ਸੇਖੋਂ ਦਾ ਮਿਸਾਲੀ ਕਰੀਅਰ ਅਤੇ ਨਿੱਜੀ ਜੀਵਨ ਸਮੁੱਚੇ ਭਾਈਚਾਰਿਆਂ ਅਤੇ ਸਮਾਜ ‘ਤੇ ਸਕਾਰਾਤਮਕ ਪ੍ਰਭਾਵ ਪਾਉਣ ਲਈ ਉਸਦੀ ਅਟੱਲ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।
ਸਾਲਾਨਾ ਤੌਰ ‘ਤੇ, ਯੂਨੀਵਰਸਿਟੀ ਕੁੱਲ ਪੰਜ ਪੁਰਸਕਾਰਾਂ ਦੀ ਘੋਸ਼ਣਾ ਕਰਦੀ ਹੈ, ਇੱਕ ਸਰਵਉੱਚ ਪੁਰਸਕਾਰ ਅਤੇ ਚਾਰ ਹੋਰ ਪੁਰਸਕਾਰ ਜੋ ਐਲੋਡੀ ਔਬਨੇਲ, ਡਾ: ਪ੍ਰਫੁੱਲ ਸ਼ਰਮਾ, ਐਨਰੀਕ ਮੋਰਨ ਮੋਂਟੇਰੋ ਅਤੇ ਡਾ: ਸਾਰਾਹ ਫੇਨ ਨੂੰ ਡਿਜ਼ਾਈਨ ਇੰਜੀਨੀਅਰ, ਊਰਜਾ ਅਤੇ ਸਥਿਰਤਾ, ਵਾਤਾਵਰਣ, ਖੇਤੀ ਭੋਜਨ ਅਤੇ ਪਾਣੀ ਪ੍ਰਬੰਧਨ ਵਿੱਚ ਖੋਜ ਦੀਆਂ ਸੇਵਾਵਾਂ ਅਤੇ ਪ੍ਰਾਪਤੀਆਂ ਲਈ ਗਏ ਸਨ।
ਯੂਨੀਵਰਸਿਟੀ ਦੇ ਇਸ ਘੋਸ਼ਣਾ ‘ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਚਰਨਕੰਵਲ ਸਿੰਘ ਸੇਖੋਂ ਨੇ ਕਿਹਾ, ‘ਮੈਂ ਇਸ ਵਿਸ਼ੇਸ਼ ਪੁਰਸਕਾਰ ਲਈ ਬਹੁਤ ਹੈਰਾਨ ਹਾਂ ਅਤੇ ਨਿਮਰ ਮਹਿਸੂਸ ਕਰ ਰਿਹਾ ਹਾਂ ਕਿ ਮੈਂ ਇਸ ਪੁਰਸਕਾਰ ਲਈ ਚੁਣਿਆ ਜਾਣ ਵਾਲਾ ਪਹਿਲਾ ਸਿੱਖ ਹਾਂ I
ਕ੍ਰਨਫੀਲਡ, ਇੱਕ ਵਿਸ਼ਵ ਪੱਧਰੀ ਸਿੱਖਿਆ ਅਤੇ ਖੋਜ ਹੱਬ ਅਤੇ ਅਲੂਮਨੀ ਨੈਟਵਰਕ ਨੇ ਮੇਰੇ ਕਰੀਅਰ ਵਿੱਚ ਮਹੱਤਵਪੂਰਣ ਭੂਮਿਕਾ ਨਿਭਾਈ ਅਤੇ ਮੇਰੇ ਨੈਟਵਰਕ ਨੂੰ ਦੁਨੀਆ ਭਰ ਵਿੱਚ ਵਧਾਉਣ ਵਿੱਚ ਸਹਾਇਤਾ ਕੀਤੀ, ਜਿਸ ਨਾਲ ਦੋ ਐਨ.ਜੀ.ਓ, ਸੇਵਾ ਟਰੱਸਟ ਯੂਕੇ ਅਤੇ ਸੇਵਾ ਟਰੱਸਟ ਇੰਡੀਆ ਦੀ ਸਥਾਪਨਾ ਕੀਤੀ ਗਈ।
ਇਹ ਸਮੂਹਿਕ ਟੀਮ ਦੇ ਯਤਨਾਂ ਅਤੇ ਮੇਰਾ ਵਾਤਾਵਰਣ ਵਿਭਾਗ, ਗੌਰਮਿੰਟ ਅਫ਼ਸਰ ਅਤੇ ਸਟਾਫ਼ ਯੂਨੀਅਨ ਯੂਨੀਸਨ, ਅਤੇ ਸੇਵਾ ਟਰੱਸਟ ਦੇ ਵਲੰਟੀਅਰਾਂ ਦੀ ਸਾਡੀ ਸ਼ਾਨਦਾਰ ਟੀਮ ਦੇ ਮੇਰੇ ਸਹਿਯੋਗੀਆਂ ਤੋਂ ਮੈਨੂੰ ਮਿਲੀ ਭਾਰੀ ਸਹਾਇਤਾ ਅਤੇ ਮਾਰਗਦਰਸ਼ਨ ਦਾ ਪ੍ਰਤੀਬਿੰਬ ਵੀ ਹੈ।
ਮੈਂ ਮਹਿਸੂਸ ਕਰਦਾ ਹਾਂ ਕਿ ਇਸ ਮਾਨਤਾ ਨਾਲ ਮੇਰੀ ਜਿੰਮੇਵਾਰੀ ਹੋਰ ਵਧ ਗਈ ਹੈ I
ਸਭ ਲਈ ਸਿੱਖਿਆ, ਬਿਹਤਰ ਸਿਹਤ, ਵਾਤਾਵਰਣ ਸਥਿਰਤਾ, ਸਮਾਨਤਾ ਅਤੇ ਸਮਾਜਿਕ ਨਿਆਂ ਨੂੰ ਉਤਸ਼ਾਹਿਤ ਕਰਕੇ ਸਾਰਿਆਂ ਲਈ ਬਿਹਤਰ ਅਤੇ
ਸਮਾਜ ਦੇ ਸਾਰੇ ਵਰਗਾਂ ਲਈ ਸੇਵਾ ਕਰਨ ਦੀ ਲੋੜ ਹੈ I
ਸਾਰੇ ਪੁਰਸਕਾਰ ਸਤੰਬਰ ਵਿੱਚ ਯੂਨੀਵਰਸਿਟੀ ਦੇ ਸਾਲਾਨਾ ਅਵਾਰਡ ਸਮਾਗਮ ਵਿੱਚ ਦਿੱਤੇ ਜਾਣਗੇ I
