ਅੱਜ-ਨਾਮਾ
ਉੱਠ ਪਿਆ ਮੁੱਦਾ ਈ ਫੇਰ ਮਜੀਠੀਏ ਦਾ,
ਲੱਗੇ ਕਈਆਂ ਦੇ ਆਉਣ ਬਿਆਨ ਮੀਆਂ।
ਉਹ ਵੀ ਮੀਡੀਏ ਅੰਦਰ ਪਏ ਜਾਣ ਬੋਲੀ,
ਜਿਨ੍ਹਾਂ ਦਾ ਕੌਡੀ ਦਾ ਨਹੀਂ ਗਿਆਨ ਮੀਆਂ।
ਸਿਆਸੀ ਲੀਡਰ ਗੰਭੀਰਤਾ ਜਾਣਦੇ ਨਹੀਂ,
ਐਵੇਂ ਲੱਗੇ ਪਏ ਕਰਨ ਵਖਿਆਨ ਮੀਆਂ।
ਜਿਨ੍ਹਾਂ ਨੂੰ ਚਾਹੀਦਾ, ਉਹ ਤਾਂ ਬੋਲਦੇ ਨਹੀਂ,
ਕਈਆਂ ਦੀ ਕਾਬੂ ਨਾ ਹੋਏ ਜ਼ਬਾਨ ਮੀਆਂ।
ਏਜੰਸੀ ਕੇਂਦਰ ਦੀ ਚੋਖੀ ਸਰਗਰਮ ਦਿੱਸਦੀ,
ਅਚਾਨਕ ਲਏ ਉਸ ਕਾਗਜ਼ ਨੇ ਮੰਗ ਮੀਆਂ।
ਆਉਂਦੇ ਜਿਹੜੇ ਸੰਕੇਤ, ਉਹ ਕਹਿਣ ਏਹੀ,
ਨੀਂਦ ਤਾਂ ਕਈਆਂ ਦੀ ਕਰਨਗੇ ਭੰਗ ਮੀਆਂ।
ਤੀਸ ਮਾਰ ਖਾਂ
13 ਸਤੰਬਰ, 2024
