ਅੱਜ-ਨਾਮਾ
ਆਦਿੱਤਿਆਨਾਥ ਨਾ ਅੜੀ ਤੋਂ ਹਟੇ ਪਿੱਛੇ,
ਹੁਕਮ ਸਖਤ ਜਿਹੇ ਕਰੀ-ਕਰਾਈ ਜਾਂਦਾ।
ਨੌਕਰ-ਮਾਲਕ ਦੇ ਲਿਖੋ ਨਾਂਅ ਬੋਰਡਾਂ `ਤੇ,
ਏਦਾਂ ਦੇ ਹੁਕਮ ਛੱਡ ਸਾਹ ਸੁਕਾਈ ਜਾਂਦਾ।
ਦਿੱਸਣਾ ਧਰਮ ਦਾ ਫਰਕ ਆ ਬੋਰਡਾਂ`ਤੇ,
ਮੁੱਦਾ ਲੋਕਾਂ ਦੀ ਸਮਝ ਸਭ ਆਈ ਜਾਂਦਾ।
ਸੁੱਖਾਂ ਨਾਲ ਵੱਸਦੇ ਲੋਕ ਨਾ ਰਹਿਣ ਦਿੰਦਾ,
ਫਾਸਲਾ ਧਰਮ ਦੇ ਫਰਕ ਦਾ ਪਾਈ ਜਾਂਦਾ।
ਅਦਾਲਤੀ ਹੁਕਮ ਦੀ ਬਾਤ ਵੀ ਸੋਚਦਾ ਨਾ,
ਨਿਯਮ-ਕਾਨੂੰਨਾਂ ਤੋਂ ਪਾਸੇ ਵੀ ਜਾਏ ਯੋਗੀ।
ਜਿਹੜੀ ਸੋਚ ਜਿਹੀ ਚਿਰਾਂ ਦੀ ਸਿਰ ਅੰਦਰ,
ਅਮਲ ਤਾਂ ਉਹਦੇ ਹੀ ਕਰੇ-ਕਰਾਏ ਯੋਗੀ।
ਤੀਸ ਮਾਰ ਖਾਂ
25 ਸਤੰਬਰ, 2024
