ਅੱਜ-ਨਾਮਾ
ਅਜੀਤ ਪਵਾਰ ਨੇ ਚੋਣਾਂ ਵਿੱਚ ਚੁੱਪ ਤੋੜੀ,
ਕਰ ਗਿਆ ਭਾਜਪਾ`ਤੇ ਗੁੱਝਾ ਵਾਰ ਬੇਲੀ।
ਕਹਿੰਦਾ ਇਹ ਵੀ ਤਾਂ ਫੈਸਲੇ ਸੇਠ ਕਰਦੇ,
ਬਣਨੀ ਕੀਹਦੀ ਹੈ ਕਿੱਥੇ ਸਰਕਾਰ ਬੇਲੀ।
ਅਸੈਂਬਲੀ ਚੋਣ ਜਦ ਪਈ ਹੈ ਸਿਰੇ ਲੱਗੀ,
ਠਿੱਬੀ ਕਈਆਂ ਨੂੰ ਗਿਆ ਈ ਮਾਰ ਬੇਲੀ।
ਗੁੱਝਾ ਇਹ ਵੀ ਸੁਨੇਹਾ ਜਿਹਾ ਭੇਜ ਦਿੱਤਾ,
ਇਕੱਠੇ ਹੋਣ ਲਈ ਤਿਆਰ ਪਵਾਰ ਬੇਲੀ।
ਮੁਸ਼ਕਲ ਹੁੰਦੀ ਸਵਾਰੀ ਦੋ ਕਿਸ਼ਤੀਆਂ ਦੀ,
ਅਜੀਤ ਪਵਾਰ ਉਹ ਕੰਮ ਹੈ ਕਰ ਸਕਦਾ।
ਦੋਵੇਂ ਪਾਸਿਉਂ ਜਿੱਧਰ ਕੁਝ ਲਾਭ ਲੱਗਦਾ,
ਚੋਗਾ ਓਧਰ ਦਾ ਪਾਇਆ ਹੈ ਚਰ ਸਕਦਾ।
ਤੀਸ ਮਾਰ ਖਾਂ
14 ਨਵੰਬਰ, 2024
ਇਹ ਵੀ ਪੜ੍ਹੋ: ਚੜ੍ਹਿਆ ਲੋਕਾਂ ਦੇ ਸਿਰਾਂ ਨੂੰ ਗੰਨ ਕਲਚਰ, ਜਿੱਥੇ ਦਿਲ ਕੀਤਾ, ਕਰਦੇ ਫਾਇਰ ਮੀਆਂ
