ਫ਼ਾਜ਼ਿਲਕਾ, 8 ਜੂਨ, 2020 –
ਫਾਜ਼ਿਲਕਾ ਜ਼ਿਲ੍ਹੇ ਤੋਂ ਭੇਜੇ ਗਏ ਕੋਰੋਨਾ ਟੈਸਟ ਦੇ ਨਮੂਨੇ ਤੋਂ ਅੱਜ ਇਕ ਹੋਰ ਰਿਪੋਰਟ ਪਾਜੀਟਿਵ ਪਾਈ ਗਈ ਹੈ। ਇਕ ਰਿਪੋਰਟ ਪਾਜੀਟਿਵ ਆਉਣ ਕਾਰਨ ਹੁਣ ਜ਼ਿਲ੍ਹੇ ਵਿਚ 6 ਕੋਰੋਨਾ ਮਾਮਲੇ ਐਕਟਿਵ ਹੋ ਗਏ ਹਨ। ਇਹ ਜਾਣਕਾਰੀ ਸਿਵਲ ਸਰਜਨ ਡਾ: ਚੰਦਰ ਮੋਹਨ ਕਟਾਰੀਆ ਨੇ ਦਿੱਤੀ।
ਸਿਵਲ ਸਰਜਨ ਨੇ ਦੱਸਿਆ ਕਿ ਪਾਜੀਟਿਵ ਆਉਣ ਵਾਲੇ ਜਵਾਨ ਦੀ ਉਮਰ ਲਗਭਗ 37 ਸਾਲ ਹੈ। ਉਨ੍ਹਾਂ ਦੱਸਿਆ ਕਿ ਸਿਪਾਹੀ ਗੁਜਰਾਤ ਤੋਂ ਆਇਆ ਸੀ, ਜਿਸ ਦੇ ਨਮੂਨੇ ਪਿਛਲੇ ਦਿਨ ਲਏ ਗਏ ਸਨ, ਜੋ ਅੱਜ ਪਾਜੀਟਿਵ ਪਾਏ ਗਏ ਹਨ। ਇਹ ਜਵਾਨ ਬੀਐਸਐਫ ਜਲਾਲਾਬਾਦ ਬਟਾਲੀਅਨ ਵਿੱਚ ਤਾਇਨਾਤ ਹੈ।
ਇਸ ਜਵਾਨ ਦੇ ਸੰਪਰਕ ਵਿੱਚ ਆਉਣ ਵਾਲੇ ਲੋਕਾਂ ਦੇ ਨਮੂਨੇ ਵੀ ਲਏ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਪਾਜੀਟਿਵ ਮਰੀਜ ਨੂੰ ਜਲਾਲਾਬਾਦ ਆਈਸੋਲੇਸਨ ਸੈਂਟਰ ਭੇਜ ਦਿੱਤਾ ਗਿਆ ਹੈ।
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ