ਅੱਜ-ਨਾਮਾ
ਵਧਿਆ ਏਧਰ ਹੈ ਗਰਮੀ ਦਾ ਰੰਗ ਚੋਖਾ,
ਸੜਦਾ ਓਧਰ ਹੈ ਕਣਕ ਦਾ ਨਾੜ ਮੀਆਂ।
ਉੱਤੋਂ ਸੂਰਜ ਹੈ ਕਹਿਰ ਵਰਸਾਈ ਜਾਂਦਾ,
ਛੱਡਦਾ ਬੰਦਾ ਵੀ ਪਿਆ ਈ ਸਾੜ ਮੀਆਂ।
ਜਿਹੜਾ ਨਾੜ ਕੋਈ ਸਾੜਦਾ ਆਏ ਕਾਬੂ,
ਦੇਂਦੀ ਪੁਲਸ ਹੈ ਜੇਲ੍ਹ ਵਿੱਚ ਤਾੜ ਮੀਆਂ।
ਪਰਤ ਧਰਤ ਦੀ ਲੋਕੀਂ ਜੋ ਸਾੜ ਰਹੇ ਈ,
ਕਦੀ ਨਹੀਂ ਸੋਚਦੇ ਚੰਗ ਜਾਂ ਮਾੜ ਮੀਆਂ।
ਦਾਦੇ-ਪੜਦਾਦੇ ਸੀ ਰੱਖੀ ਸੰਭਾਲ ਜਿਹੜੀ,
ਸਾਡੀ ਪੀੜ੍ਹੀ ਉਹ ਕਰੇ ਪਈ ਨਾਸ ਮੀਆਂ।
ਉੱਤੇ ਹੁੰਦੀ ਸਰਕਾਰ ਅਣ-ਹੋਈ ਹੋ ਗਈ,
ਉਹਦੇ ਕੋਲੋਂ ਵੀ ਰਹੀ ਨਹੀਂ ਆਸ ਮੀਆਂ।
-ਤੀਸ ਮਾਰ ਖਾਂ
ਮਈ 26, 2020
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ
