ਅੱਜ-ਨਾਮਾ
ਮਮਤਾ ਬੈਨਰਜੀ `ਕੱਲੀ ਆ ਲੜੀ ਜਾਂਦੀ,
ਚੜ੍ਹਦਾ ਸਿਰੇ ਨਹੀਂ ਕੋਈ ਜੁਗਾੜ ਮੀਆਂ।
ਕੌਮੀ ਪੱਧਰ ਦਾ ਕੋਈ ਨਹੀਂ ਨਾਲ ਆਗੂ,
ਆ ਗਈ ਭਾਜਪਾ ਦੇ ਵੱਲੋਂ ਧਾੜ ਮੀਆਂ।
ਆਪਣੇ ਅੱਡੇ ਜਮਾਉਣ ਲਈ ਭਾਜਪਾ ਨੇ,
ਕੁੱਲਾ ਕਈਆਂ ਦਾ ਦਿੱਤਾ ਉਜਾੜ ਮੀਆਂ।
ਖੱਬੀ ਧਿਰ ਨਹੀਂ ਟਿਕੀ ਨਾ ਕਾਂਗਰਸੀਏ,
ਜੜ੍ਹੀਂ ਬੈਠ ਗਈ ਹੈ ਪਾਟੋ-ਧਾੜ ਮੀਆਂ।
ਆਵੇ ਜਦੋਂ ਤੇ ਜਿਹੜੀ ਵੀ ਖਬਰ ਮੀਆਂ,
ਹਰ ਥਾਂ ਭਾਜਪਾ ਦੀ ਸੁਣਦੀ ਤਾਨ ਮੀਆਂ।
ਲੱਭਦੀ ਇੱਕੋ ਹੀ ਧਿਰ ਹੈ ਸਿਰੜ ਵਾਲੀ,
ਬੈਠੇ ਈ ਦਿੱਲੀ ਨੂੰ ਘੇਰ ਕਿਸਾਨ ਮੀਆਂ।
-ਤੀਸ ਮਾਰ ਖਾਂ
ਦਸੰਬਰ 21, 2020
