ਅੱਜ-ਨਾਮਾ
ਪਾਣੀ ਹੜ੍ਹਾਂ ਦੇ ਅੰਦਰ ਹਨ ਘਿਰੇ ਜਿਹੜੇ,
ਕਹਿਣ ਵਾਲੇ ਨਹੀਂ ਉਨ੍ਹਾਂ ਦੇ ਹਾਲ ਬੇਲੀ।
ਪਰਵਾਰ ਦੇ ਜੀਆਂ ਦੇ ਲਈ ਨਾ ਖਾਣ ਜੋਗਾ,
ਸਾਂਭਣਾ ਬੜਾ ਮੁਸ਼ਕਲ ਡੰਗਰ-ਮਾਲ ਬੇਲੀ।
ਕਰਦੀ ਮਦਦ ਆ ਪਈ ਸਰਕਾਰ ਬੇਸ਼ੱਕ,
ਢਿੱਲੀ ਬੜੀ ਇਸ ਮਦਦ ਦੀ ਚਾਲ ਬੇਲੀ।
ਖੜੋਤੀ ਫਸਲ ਹੈ ਮਾਰੀ ਗਈ ਖੇਤ ਅੰਦਰ,
ਮੁਆਵਜ਼ੇ ਨਾਲ ਨਾ ਗੁਜ਼ਰਨਾ ਸਾਲ ਬੇਲੀ।
ਕੁਦਰਤੀ ਕਹਿਰ ਨੇ ਕੀਤਾ ਈ ਬੜਾ ਔਖਾ,
ਕਰਦੀ ਦਿੱਸੇ ਨਾ ਹਾਲੇ ਪਈ ਰਹਿਮ ਬੇਲੀ।
ਪਤਾ ਨਹੀਂ ਕਿੱਦਾਂ ਦੇ ਹੋਣਗੇ ਦਿਨ ਅਗਲੇ,
ਵੱਡਿਆਂ-ਛੋਟਿਆਂ ਨੂੰ ਇਹੀ ਸਹਿਮ ਬੇਲੀ।
-ਤੀਸ ਮਾਰ ਖਾਂ
ਅਗਸਤ 20, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
