ਅੱਜ-ਨਾਮਾ
ਦਿਨ ਆਜ਼ਾਦੀ ਦਾ ਆਇਆ ਤਾਂ ਮਨ ਚਾਹੇ,
ਧੰਨ-ਧੰਨ ਆਜ਼ਾਦੀ ਨੇ ਹੋਵੇ ਕਰਾਈ ਬੇਲੀ।
ਰੁਜ਼ਗਾਰ ਮਿਲ ਸਕਦਾ ਹੋਵੇ ਸਾਰਿਆਂ ਲਈ,
ਆ ਗਈ ਕਾਬੂ ਕੁਝ ਹੋਵੇ ਮਹਿੰਗਾਈ ਬੇਲੀ।
ਵੱਸਦੇ ਸੁਖੀ ਹੋਵਣ ਮਿਲ ਕੇ ਮੁਲਕ ਵਾਸੀ,
ਗੱਲ ਗੱਲ ਉੱਤੇ ਨਹੀਂ ਹੋਵੇ ਲੜਾਈ ਬੇਲੀ।
ਦੁਸ਼ਮਣ ਵਾਂਗ ਨਹੀਂ ਝਾਕੇ ਕੋਈ ਹੋਰਨਾਂ ਨੂੰ,
ਰਲ-ਮਿਲ ਰਹਿਣ ਸਾਰੇ ਭਾਈ ਭਾਈ ਬੇਲੀ।
ਸੁਫਨਾ ਹਾਲੇ ਨਹੀਂ ਇੱਦਾਂ ਦਾ ਸਿਰੇ ਚੜ੍ਹਿਆ,
ਮੁੜ-ਮੁੜ ਕਰਦੀ ਆ ਹਾਲਤ ਉਦਾਸ ਬੇਲੀ।
ਆਸਾਂ ਦੇ ਨਾਲ ਆ ਕਾਇਮ ਜਹਾਨ ਸੁਣਿਆ,
ਤਾਹੀਂਉਂ ਛੱਡ ਰਹੇ ਅਸੀਂ ਨਹੀਂ ਆਸ ਬੇਲੀ।
-ਤੀਸ ਮਾਰ ਖਾਂ
ਅਗਸਤ 15, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
