ਅੱਜ-ਨਾਮਾ
ਛੱਡਣਾ ਪਾਣੀ ਪਿਆ ਭਾਖੜੇ ਡੈਮ ਤਰਫੋਂ,
ਫਿਰ ਤੋਂ ਲੱਗਾ ਪੰਜਾਬ ਨੂੰ ਆਉਣ ਬੇਲੀ।
ਨੇੜਲੇ ਪਿੰਡਾਂ ਦੇ ਅੰਦਰ ਆ ਝੱਟ ਪਹੁੰਚਾ,
ਲੱਗਾ ਫੇਰ ਆ ਮੁਸ਼ਕਲ ਵਧਾਉਣ ਬੇਲੀ।
ਡੁੱਬੀ ਪਹਿਲਾਂ ਦੀ ਫਸਲ ਸੀ ਖੇਤ ਅੰਦਰ,
ਔਖਾ ਈ ਜਾਨ ਤੇ ਮਾਲ ਬਚਾਉਣ ਬੇਲੀ।
ਛੱਡਿਆ ਪੌਂਗ ਦੇ ਡੈਮ ਤੋਂ ਗਿਆ ਜਿਹੜਾ,
ਲੱਗਾ ਏ ਲੋਕਾਂ ਦੀ ਰੋਟੀ ਛੁਡਾਉਣ ਬੇਲੀ।
ਦੋਵੇਂ ਤਰਫ ਤੋਂ ਉੱਛਲਦਾ ਪਿਆ ਪਾਣੀ,
ਮਾਝੇ-ਮਾਲਵੇ ਦੀ ਔਖੀ ਹੈ ਘੜੀ ਬੇਲੀ।
ਦੋਆਬਾ ਦੋਵਾਂ ਦੇ ਐਨ ਵਿਚਕਾਰ ਬੇਲੀ,
ਮੁਸ਼ਕਲ ਓਸ ਦੀ ਹੋਰ ਆ ਬੜੀ ਬੇਲੀ।
-ਤੀਸ ਮਾਰ ਖਾਂ
ਅਗਸਤ 17, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
