ਅੱਜ-ਨਾਮਾ
ਛਾਪੇ-ਮਾਰੀ ਦੀ ਤੇਜ਼ ਰਫਤਾਰ ਹੋ ਗਈ,
ਜਾਂਦੀ ਖਬਰ `ਤੇ ਖਬਰ ਹੈ ਆਈ ਬੇਲੀ।
ਜਾਇਦਾਦ ਆ ਕਿਤੇ ਨਾਜਾਇਜ਼ ਸੁਣਦੀ,
ਕਿਧਰੇ ਲੱਭ ਰਹੀ ਰਕਮ ਲੁਕਾਈ ਬੇਲੀ।
ਕਿਤੇ ਜਾਂਚ ਹੋਵੇ ਕਹਿੰਦੇ ਘਪਲਿਆਂ ਦੀ,
ਹੁੰਦੀ ਫਾਈਲਾਂ ਦੀ ਫੜੋ-ਫੜਾਈ ਬੇਲੀ।
ਕਿਧਰੇ ਲੀਡਰਾਂ ਲਈ ਸੰਮਣ ਹੋਏ ਜਾਰੀ,
ਸੁਣਦੀ ਕਈਆਂ ਦੀ ਦੌੜ ਲਵਾਈ ਬੇਲੀ।
ਮਹਿਕਮੇ ਸਾਰੇ ਆ ਪਏ ਸਰਗਰਮ ਕੀਤੇ,
ਜੰਗਾਂ ਵਾਂਗ ਇਹ ਚੱਲ ਪਿਆ ਕੰਮ ਬੇਲੀ।
ਹਾਕਮ ਧਿਰਾਂ ਦੇ ਲੀਡਰ ਬੇਫਿਕਰ ਸਾਰੇ,
ਬਾਕੀ ਫਿਰਦੇ ਲੁਕਾਉਂਦੇ ਆ ਚੰਮ ਬੇਲੀ।
-ਤੀਸ ਮਾਰ ਖਾਂ
31 ਅਗਸਤ, 2019 –
