ਅੱਜ-ਨਾਮਾ
ਚਰਚਾ ਵਿੱਚ ਵਿਧਾਇਕ ਹੈ ਇੱਕ ਆਇਆ,
ਭ੍ਰਿਸ਼ਟਾਚਾਰ ਦੀ ਖਬਰ ਫਿਰ ਆਈ ਮੀਆਂ।
ਮਾਇਆ ਹੱਥੀਂ`ਤੇ ਫੜੀ ਨਹੀਂ ਆਪ ਉਸ ਨੇ,
ਮਿੱਤਰ ਨੂੰ ਕਹਿੰਦੇ ਆ ਗਈ ਫੜਾਈ ਮੀਆਂ।
ਪਾਰਟੀ ਰੱਖੇ ਜਾਂ ਕੱਢ ਦਏ ਬਾਹਰ ਉਸ ਨੂੰ,
ਬਦਨਾਮੀ ਕਾਫੀ ਆ ਓਸ ਕਰਵਾਈ ਮੀਆਂ।
ਰੱਖਿਆ ਉਹਨੂੰ ਤਾਂ ਹੋਰਾਂ ਵੀ ਸੁਧਰਨਾ ਨਹੀਂ,
ਜਾਣੀ ਬੱਸ ਇਹੋ ਜਿਹੀ ਖੇਹ ਉਡਾਈ ਮੀਆਂ।
ਹਰ ਇੱਕ ਨਜ਼ਰ ਹੀ ਲੱਗੀ ਪਈ ਪੈਂਤੜੇ `ਤੇ,
ਕੱਢਣਾ ਏ ਬਾਹਰ ਜਾਂ ਝਿੜਕ ਬਚਾਵਣਾ ਈ।
ਕਰੀ ਗਈ ਢਿੱਲ ਤਾਂ ਜਾਣੇ ਨੇ ਵਿਗੜ ਬਾਕੀ,
ਮੁਸ਼ਕਲ ਹੋਊ ਫਿਰ ਲੋਕਾਂ ਕੋਲ ਜਾਵਣਾ ਈ।
-ਤੀਸ ਮਾਰ ਖਾਂ
