ਅੱਜ-ਨਾਮਾ
ਕੱਲ੍ਹ ਬੋਲਿਆ ਆਗੂ ਇੱਕ ਭਾਜਪਾਈਆ,
ਲੱਗਾ ਅੱਗ ਸੀ ਜਿਵੇਂ ਵਰਸਾਉਣ ਬੇਲੀ।
ਜਿਹੜੀ ਕੇਂਦਰ ਦੀ ਟੀਮ ਪੰਜਾਬ ਵੇਂਹਦੀ,
ਉਸ ਥਾਂ ਲੱਗਾ ਸੀ ਨੰਬਰ ਬਣਉਣ ਬੇਲੀ।
ਕਹਿ ਕੇ ਸਾਫ ਕਿਸਾਨ ਨੇ ਗਲਤ ਕਰਦੇ,
ਲੱਗਾ ਉਨ੍ਹਾਂ ਦੇ ਗੁਨਾਹ ਗਿਣਾਉਣ ਬੇਲੀ।
ਕਰਿਆ ਜਦੋਂ ਬਿਆਨ ਨੇ ਅਸਰ ਉਲਟਾ,
ਓਦੋਂ ਲੱਗ ਪਿਆ ਹੋਊ ਪਛਤਾਉਣ ਬੇਲੀ।
ਪੁਤਲੇ ਉਹਦੇ ਕਿਰਸਾਨਾਂ ਸਨ ਜਦੋਂ ਸਾੜੇ,
ਧਰਨਾ ਘਰ ਮੂਹਰੇ ਲਾਇਆ ਆਣ ਬੇਲੀ।
ਲੱਭ ਕੇ ਲੀਡਰ ਕੁਝ ਜਾਣ-ਪਛਾਣ ਵਾਲੇ,
ਲੱਗਿਆ ਬਹੁੜੀਆਂ ਫੇਰ ਸੀ ਪਾਣ ਬੇਲੀ।
-ਤੀਸ ਮਾਰ ਖਾਂ
ਜਨਵਰੀ 02, 2021