ਅੱਜ-ਨਾਮਾ
ਕਿਸੇ ਵੀ ਭਾਰਤ ਦੇ ਰਾਜ ਦੀ ਗੱਲ ਕਰੀਏ,
ਖੁਸ਼ੀ ਨਹੀਂ ਕਿਸੇ ਸਰਕਾਰ ਤੋਂ ਲੋਕ ਬੇਲੀ।
ਨਾਅਰਿਆਂ-ਧਰਨਿਆਂ ਦੀ ਚੱਲੀ ਲੜੀ ਜਾਵੇ,
ਬਣਦੇ ਆ ਤਿੱਖੇ ਸਰਕਾਰ ਲਈ ਜੋਕ ਬੇਲੀ।
ਕਹਿਣ ਸਰਕਾਰਾਂ ਕਿ ਲੋਕਾਂ ਦੇ ਭਲੇ ਪਿੱਛੇ,
ਸਾਰੀ ਤਾਕਤ ਹੀ ਦਿੱਤੀ ਗਈ ਝੋਕ ਬੇਲੀ।
ਕਹਿੰਦੇ ਆ ਲੋਕ ਕਿ ਲੀਡਰ ਹੀ ਛਕੀ ਜਾਂਦੇ,
ਲੋਕਾਂ ਤੀਕਰ ਬੱਸ ਪਹੁੰਚ ਰਿਹਾ ਫੋਕ ਬੇਲੀ।
ਹਰ ਇੱਕ ਪਾਰਟੀ ਜਿੱਥੇ ਪਈ ਰਾਜ ਕਰਦੀ,
ਖਾਂਦੀ ਪਬਲਿਕ ਤੋਂ ਰਹਿੰਦੀ ਆ ਮਾਰ ਬੇਲੀ।
ਬੜ੍ਹਕ ਵਿੱਚ ਬੋਲਦੀ ਓਸੇ ਆ ਰਾਜ ਅੰਦਰ,
ਕੀਤੀ ਹੋਈ ਜਿੱਥੇ ਆ ਸੜਕ ਸਵਾਰ ਬੇਲੀ।
-ਤੀਸ ਮਾਰ ਖਾਂ
ਫਰਵਰੀ 17, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ