ਯੈੱਸ ਪੰਜਾਬ
ਨਵੀਂ ਦਿੱਲੀ, 13 ਦਸੰਬਰ, 2020:
ਪਿਛਲੇ ਲੰਬੇ ਸਮੇਂ ਤੋਂ ਖ਼ੇਤੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਅਤੇ ਹੁਣ ਪਰਿਵਾਰਾਂ ਸਮੇਤ ਦਿੱਲੀ ਦੇ ਬਾਰਡਰਾਂ ’ਤੇ ਡੇਰਾ ਲਾਈ ਬੈਠੇ ਕਿਸਾਨਾਂ ਨੂੰ ਵੱਖਵਾਦੀ ਕਹਿਣ ਵਾਲਿਆਂ ਦੇੇ ਖਿਲਾਫ਼ ਸਖ਼ਤ ਸਟੈਂਡ ਲੈਂਦਿਆਂ ਪੰਜਾਬ ਵਿੱਚ ਵਿਰੋਧੀ ਧਿਰ ਦੇ ਸਾਬਕਾ ਆਗੂ ਅਤੇ ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਸ: ਹਰਵਿੰਦਰ ਸਿੰਘ ਫ਼ੂਲਕਾ ਨੇ ਕਿਹਾ ਹੈ ਕਿ ਕਿਸਾਨਾਂ ਨੂੰ ਵੱਖਵਾਦੀ ਕਹਿਣ ਵਾਲੇ ਅਸਲ ਵਿੱਚ ਆਪ ਦੇਸ਼ ਵਿਰੋਧੀ ਹਨ।
ਅੱਜ ਆਪਣੇ ਟਵਿੱਟਰ ਹੈਂਡਲ ਤੋਂ ਇਕ ਟਵੀਟ ਕਰਦਿਆਂ ਸ: ਫ਼ੂਲਕਾ ਨੇ ਕਿਹਾ ਕਿ ਅਜ਼ਾਦੀ ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਕਿ ਪੰਜਾਬ ਅਤੇ ਹਰਿਆਣਾ ਦੇ ਲੋਕਾਂ ਨੇ ਆਪਸੀ ਭਾਈਚਾਰੇ ਅਤੇ ਇਕਜੁੱਟਤਾ ਦਾ ਪ੍ਰਗਟਾਵਾ ਕੀਤਾ ਹੈ। ਇਸ ਨਾਲ ਕਈ ਗੁੰਝਲਦਾਰ ਸਮੱਸਿਆਵਾਂ ਹੱਲ ਹੋਣਗੀਆਂ। ਕਿਸਾਨ ਪ੍ਰਦਰਸ਼ਨਾਂ ਨੇ ਦੇਸ਼ ਅੰਦਰ ਦਿਹਾਤੀ ਲੋਕਾਂ ਵਿਚਾਲੇ ਇਕ ਵੱਖਰੇ ਤਰ੍ਹਾਂ ਦੀ ਇਕਜੁੱਟਤਾ ਦੀ ਭਾਵਨਾ ਲਿਆਂਦੀ ਹੈ।
ਉਹਨਾਂ ਆਖ਼ਿਆ ਕਿ ਜਿਹੜੇ ਲੋਕ ਇਨ੍ਹਾਂ ਕਿਸਾਨਾਂ ਨੂੰ ਵੱਖਵਾਦੀ ਦੱਸ ਰਹੇ ਹਨ ਉਹ ਆਪ ਦੇਸ਼ ਵਿਰੋਧੀ ਹਨ।
ਇਸ ਤੋਂ ਇਲਾਵਾ ਸ: ਫ਼ੂਲਕਾ ਨੇ 1907 ਵਿੱਚ ਸ਼ਹੀਦ ਭਗਤ ਸਿੰਘ ਦੇ ਪਿਤਾ ਸ: ਕਿਸ਼ਨ ਸਿੰਘ ਅਤੇ ਸ: ਕਿਸ਼ਨ ਸਿੰਘ ਦੇ ਭਰਾ ਸ: ਅਜੀਤ ਸਿੰਘ ਅਤੇ ਲਾਲਾ ਲਾਜਪਤ ਰਾਏ ਦੀ ਅਗਵਾਈ ਵਿੱਚ ਚਲਾਈ ਗਈ ‘ਪਗੜੀ ਸੰਭਾਲ ਜੱਟਾ’ ਲਹਿਰ ਬਾਰੇ ਇਕ ਦਸਤਾਵੇਜ਼ੀ ਦਾ Çਲੰਕ ਟਵੀਟ ਕਰਦਿਆਂ ਆਖ਼ਿਆ ਕਿ ਇਸ ਲਹਿਰ ਨੇ ਉਸ ਸਮੇਂ ਦੀ ਬਰਤਾਨਵੀ ਸਰਕਾਰ ਨੂੰ ਤਿੰਨ ਕਾਨੂੰਨ ਵਾਪਸ ਲੈਣ ਲਈ ਮਜਬੂਰ ਕਰ ਦਿੱਤਾ ਸੀ।
ਦੋਵੇਂ ਹੀ ਟਵੀਟ ਹੇਠਾਂ ਵੇਖ਼ੇ ਜਾ ਸਕਦੇ ਹਨ।
First time since Independence Punjab &Haryana has shown brotherhood & unity. This will solve many complex problems. #FarmersProstest has brought a rare Unity of rural masses in India.Those calling them separatists are themselves Anti-National.#FarmersProtestNationalUnity https://t.co/nV1hIc3XGc
— H S Phoolka (@hsphoolka) December 13, 2020
Pagdi Sambal Jatta- Farmers agitation in 1907 led by Kishan Singh & Ajit Singh,father &uncle of Shaheed Bhagat Singh, and Lala Lajpat Rai forced British govt to rescind 3 Acts. See a documentary on this. #FarmersProtests @Tractor2twitr #FarmLaws2020
— H S Phoolka (@hsphoolka) December 12, 2020