ਅੱਜ-ਨਾਮਾ
ਉਤਲੀ ਅਦਾਲਤੋਂ ਆ ਗਿਆ ਹੁਕਮ ਵੱਡਾ,
ਗਈ ਗਵਰਨਰ ਦੀ ਕੱਟੀ ਆ ਗੱਲ ਮੀਆਂ।
ਪੁਚਾਵੇ ਸਰਕਾਰ ਸਭ ਚਾਹੀਦੀ ਜਾਣਕਾਰੀ,
ਘੱਲਣੀ ਚਿੱਠੀ ਤਾਂ ਦੋਵੇਂ ਲੈਣ ਘੱਲ ਮੀਆਂ।
ਬੱਜਟ ਸੈਸ਼ਨ ਦੇ ਮੂਹਰੇ ਨਾ ਰੋਕ ਲਾਉਣੀ,
ਬੱਜਟ ਬਾਝ ਨਹੀਂ ਹੋਰ ਕੋਈ ਹੱਲ ਮੀਆਂ।
ਕਰਦੀ ਅੜੀਆਂ ਸਰਕਾਰ ਨਹੀਂ ਰਹੇ ਵਾਧੂ,
ਕੋਈ ਨਹੀਂ ਲਾਹੇਗਾ ਵਾਲ਼ ਦੀ ਖੱਲ ਮੀਆਂ।
ਝਟਕਾ ਤਕੜਾ ਗਵਰਨਰ ਨੂੰ ਬਹੁਤ ਲੱਗਾ,
ਖਿੱਚੀ ਸਰਕਾਰ ਦੀ ਗਈ ਆ ਵਾਗ ਮੀਆਂ।
ਚਾਹੁੰਦੇ ਈ ਲੋਕੀਂ ਪੰਜਾਬ ਦੇ ਹੱਲ ਮਸਲਾ,
ਭਾਂਡੇ ਖੜਕਣ ਦੇ ਚਾਹੁਣ ਨਾ ਰਾਗ ਮੀਆਂ।
-ਤੀਸ ਮਾਰ ਖਾਂ
ਮਾਰਚ 1, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
