Friday, May 7, 2021
104 4 to 9 May

Ashirwad 51000

Kisani Karza 4624 Cr

Shaheed 50 lakh

Mahila Sarpanch

Vidhwa Pension 1500

NNP Soorbir

Markfed 3 3

PSSSB 120

Verka Ice Cream

Innocent Hunar Se Rozgar 25 4 21

ਖ਼ੇਤੀ ਆਰਡੀਨੈਂਸਾਂ ’ਤੇ ਅਕਾਲੀ ਦਲ ਦਾ ਮੋੜਾ: ਬਹੁਤ ਦੇਰ ਕੀ ਮੇਹਰਬਾਂ ਆਤੇ ਆਤੇ – ਐੱਚ.ਐੱਸ.ਬਾਵਾ

ਸ਼੍ਰੋਮਣੀ ਅਕਾਲੀ ਦਲ ਜਾਗਿਆ ਹੈ। ਖ਼ੈਰ, ਕੋਈ ਮਾੜੀ ਗੱਲ ਨਹੀਂ, ਜਦੋਂ ਜਾਗੋ ਉਦੋਂ ਹੀ ਸਵੇਰ ਸਮਝ ਲਈਦੀ ਹੈ।

ਕੇਂਦਰ ਦੀ ਸ੍ਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਸਰਕਾਰ ਵੱਲੋਂ ਲਿਆਂਦੇ ਗਏ ਤਿੰਨ ਖ਼ੇਤੀ ਆਰਡੀਨੈਂਸਾਂ ਦੇ ਤਿੱਖੜ ਵਿਰੋਧ ਦੀ ਹਵਾ ਅਕਾਲੀ ਦਲ ਦਾ ਤੰਬੂ ਉਡਾਉਣ ਤਕ ਆ ਗਈ ਸੀ, ਕੇਵਲ ਅਕਾਲੀ ਦਲ ਦਾ ਤੰਬੂ। ਅਕਾਲੀ ਦਲ ਇਕੱਲਾ ਪੈ ਚੁੱਕਾ ਸੀ। ਕਈ ਵਾਰ ਲੱਗਦਾ ਹੈ ਇਹ ਵੀ ਇਕ ਅਖ਼ਬਾਰੀ ਮੁੱਦਾ ਹੈ, ਥੋੜ੍ਹੇ ਦਿਨ ਚੱਲੇਗਾ, ਖ਼ਤਮ ਹੋ ਜਾਵੇਗਾ। ਇਸ ਗੱਲ ਵਿੱਚ ਕੋਈ ਸ਼ੱਕ ਵੀ ਨਹੀਂ, ਵੱਡੇ ਵੱਡੇ ਮੁੱਦੇ ਇੰਜ ਹੀ ਰੁਲਦੇ ਵੇਖ਼ੇ ਹਨ। ਗੱਲ ਤਾਂ ਕੋਈ ਹੋਰ ਵੱਡੀ ਖ਼ਬਰ ਆਉਣ ਤਕ ਦੀ ਹੁੰਦੀ ਹੈ। ਚੰਗੀਆਂ ਚੰਗੀਆਂ ਖ਼ਬਰਾਂ ਪਹਿਲੇ ਸਫ਼ੇ ਤੋਂ ਤੀਜੇ, ਤੀਜੇ ਤੋਂ ਪੰਜਵੇਂ, ਪੰਜਵੇਂ ਤੋਂ ਗਿਆਰਵੇਂ ਤਕ ਸਫ਼ਰ ਕਰਕੇ ਦਿਨਾਂ ਵਿੱਚ ਅਲੋਪ ਹੁੰਦੀਆਂ ਵੇਖ਼ੀਆਂ ਨੇ। ਅਕਾਲੀ ਦਲ ਨੇ ਬੜਾ ਉਡੀਕਿਆ, ਮੁੱਦੇ ਵੀ ਬੜੇ ਆਏ, ਪਰ ਇਹ ਮੁੱਦਾ ਠੰਢਾ ਨਹੀਂ ਪਿਆ, ਮੁੱਦਾ ਮਰਿਆ ਨਹੀਂ, ਸਗੋਂ ਹੋਰ ਭਖ਼ਦਾ ਗਿਆ।

ਅਕਾਲੀ ਦਲ ਨੂੰ ਸ਼ਾਇਦ ਇਹ ਭੁੱਲ ਰਿਹਾ ਹੈ ਕਿ ਭਾਜਪਾ ਉਸ ਨਾਲ ਇਸ ਲਈ ਸੀ ਕਿ ਉਸ ਕੋਲ ਪੰਥਕ ਅਤੇ ਕਿਸਾਨੀ ਵੋਟ ਬੈਂਕ ਸਨ। ਪਤਾ ਨਹੀਂ ਕੌਣ ਕੰਨ ’ਚ ਫ਼ੂਕ ਮਾਰ ਗਿਆ ਕਿ ਜੇ ਤੁਹਾਡੇ ਨਾਲ ਭਾਜਪਾ ਹੈ ਤਾਂ ਪੰਜਾਬ ਤੁਹਾਡਾ ਹੈ। ਚੰਗਾ ਹੁੰਦਾ ਜੇ ਇਸ ਗੱਲ ਨੂੰ ਇੰਜ ਦੱਸ ਜਾਂਦਾ ਬਈ ਜੇ ਤੁਹਾਡੇ ਨਾਲ ਪੰਥ ਹੈ, ਕਿਸਾਨੀ ਹੈ, ਤਾਂ ਭਾਜਪਾ ਤੁਹਾਡੇ ਨਾਲ ਹੈ। ਭਾਜਪਾ ਤੇ ਅਕਾਲੀ ਦਲ ਦਾ ਰਿਸ਼ਤਾ ‘ਨਹੁੰ ਮਾਸ’ ਵਾਲਾ ਮੰਨਣ ਤੋਂ ਕਈ ਲੋਕ ਇਨਕਾਰੀ ਹੋ ਸਕਦੇ ਹਨ, ਮੈਂ ਨਹੀਂ। ਮੈਂ ਇਹ ਵੀ ਸਮਝਦਾ ਹਾਂ ਕਿ ਇਸਦਾ ਮਤਲਬ ਇਹ ਵੀ ਨਹੀਂ ਕਿ ਇਸ ਰਿਸ਼ਤੇ ਵਿੱਚ ਵੋਟਾਂ ਦੀ ਕੋਈ ਅਹਿਮੀਅਤ ਨਹੀਂ, ਅੰਤ ਸੌਦਾ ਵੋਟਾਂ ਦਾ ਹੈ। ਤੂੰ ਇਧਰੋਂ ਲਿਆ, ਮੈਂ ਊਧਰੋਂ ਲਿਆਂਵਾਂ। ਆਹ ਤੇਰਾ ਕਾਰਜਖ਼ੇਤਰ, ਉਹ ਮੇਰੀ ਕਰਮਭੂਮੀ। ਆਹ ਤੇਰੀਆਂ ਵੋਟਾਂ, ਉਹ ਮੇਰੀਆਂ ਵੋਟਾਂ, ਲਿਆਉ ਰਲਾ ਕੇ ਪੰਜੀਰੀ ਬਣਾਈਏ, ਸਰਕਾਰ ਚਲਾਈਏ। ਨਹੁੰ ਤੇ ਮਾਸ ਵੀ ਮਜਬੂਰੀ ਕਰਕੇ ਹੀ ਇਕ ਦੂਜੇ ਨਾਲ ਜੁੜੇ ਹੁੰਦੇ ਹਨ। ਨਹੁੰ ਤੋਂ ਬਿਨਾਂ ਮਾਸ ਔਖ਼ਾ ਹੁੰਦਾ ਰਹਿੰਦੈ ਤੇ ਮਾਸ ਹੀ ਨਾ ਹੋਵੇ ਤਾਂ ਨਹੁੰ ਕਿੱਥੇ ਟਿਕੇਗਾ।

ਚਲੋ ਹੋ ਜਾਂਦੈ ਕਈ ਵਾਰ, ਇੰਜ ਵੀ ਹੋ ਹੀ ਜਾਂਦੈ ਪਰ ਇਹ ਗੱਲ ਚੰਗੀ ਹੈ ਕਿ ਅੰਤ ਸ਼੍ਰੋਮਣੀ ਅਕਾਲੀ ਦਲ ਨੂੰ ਸਮਝ ਆ ਗਿਐ ਕਿ ਜਿਵੇਂ ਪੰਜਾਬ ਦੀ ਕਿਸਾਨੀ, ਪੰਜਾਬ ਦੇ ਚਿੰਤਕ, ਪੰਜਾਬ ਪੱਖੀ ਧਿਰਾਂ ਤੇ ਪੰਜਾਬ ਦੀਆਂ ਹੋਰ ਰਾਜਸੀ ਪਾਰਟੀਆਂ ਇਸ ਮੁੱਦੇ ’ਤੇ ਚੱਲ ਰਹੇ ਸੰਘਰਸ਼ ਦੇ ‘ਐਕਸੀਲੇਟਰ’ ਤੋਂ ਪੈਰ ਚੁੱਕਣ ਨੂੰ ਤਿਆਰ ਨਹੀਂ, ਇਹ ਸੌਦਾ ਨੁਕਸਾਨ ਵਾਲਾ ਹੋ ਨਿੱਬੜਣਾ ਹੈ।

Amarinder Singh CMਅਕਾਲੀ ਦਲ ਦੀ ਵੱਡੀ ਪ੍ਰੇਸ਼ਾਨੀ ਇਹ ਹੈ ਕਿ ਪੰਜਾਬ ਦੇ ਪਾਣੀਆਂ ਦੇ ਰਾਖ਼ੇ ਵਜੋਂਆਪਣੀ ਭੱਲ ਬਣਾ ਚੁੱਕੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਸੇ ਮੁੱਦੇ ਨੂੰ ਲੈ ਕੇ ਇਕ ਹੋਰ ਛਿੱਕਾ ਲਾ ਦਿੱਤਾ ਹੈ। ਵਿਧਾਨ ਸਭਾ ਇਜਲਾਸ ਭਾਵੇਂ ਇਕ ਦਿਹਾੜੀ ਦਾ ਵੀ ਨਹੀਂ ਸੀ ਪਰ ਤਿੰਨਾਂ ਆਰਡੀਨੈਂਸਾਂ ਨੂੰ ਰੱਦ ਕਰਨ ਦਾ ਮਤਾ ਲਿਆ ਕੇ, ਪਾਸ ਕਰਵਾ ਕੇ ਕੈਪਟਨ ਅਮਰਿੰਦਰ ਸਿੰਘ ਨੇ ਫ਼ਿਰ ਇਹ ਸਾਬਿਤ ਕਰਨ ਵਿੱਚ ਕੋਈ ਕਸਰ ਨਹੀਂ ਛੱਡੀ ਕਿ ਉਹ ਪੰਜਾਬ ਦੇ ਕਿਸਾਨਾਂ ਦੇ ਨਾਲ ਖੜ੍ਹੇ ਹਨ, ਕਿ ਇਸ ਵੇਲੇ ਕਿਸਾਨੀ ਦੇ ਹਿਤਾਂ ਦੀ ਤਰਜਮਾਨੀ ਅਕਾਲੀ ਦਲ ਨਹੀਂ ਉਹ ਕਰ ਰਹੇ ਹਨ। ਹੁਣ ਅਕਾਲੀ ਦਲ ਇਸ ਸੈਸ਼ਨ ’ਚ ਹਿੱਸਾ ਲੈਣ ਨਹੀਂ ਗਿਆ ਤਾਂ ਕਿਉਂ ਨਹੀਂ ਗਿਆ, ਇਸ ਬਾਰੇ ਦਾਅਵੇ ਜੋ ਮਰਜ਼ੀ ਕਰ ਲਏ ਜਾਣ, ਅੰਤਲਾ ਸੱਚ ਇਹ ਹੈ ਕਿ ‘ਯੇ ਜੋ ਪਬਲਿਕ ਹੈ, ਯੇ ਸਬ ਜਾਨਤੀ ਹੈ।’

ਹੁੰਦੀਆਂ ਨੇ ਕਈ ਵਾਰ ਮਜਬੂਰੀਆਂ, ਪਰ ਇਸ ਵਾਰ ਪਤਾ ਨਹੀਂ ਕਿਉਂ ਪੰਜਾਬ ਦੇ ਲੋਕਾਂ ਨੂੰ ਇੰਜ ਜਾਪਿਐ ਬਈ ਅਕਾਲੀ ਦਲ ਕਿਹੜੇ ਭਾਅ ਦੇ ਸੌਦੇ ਪੁਗਾਉਣ ਤੁਰ ਪਿਐ। ਜੇ ਮਗਰ ਵੋਟਾਂ ਨੇ ਤਾਂ ਭਾਜਪਾ ਨਾ ਸਹੀ, ਕੋਈ ਹੋਰ ਨਾਲ ਆ ਰਲੇਗਾ, ਜੇ ਮਗਰ ਵੋਟਾਂ ਨਾ ਰਹੀਆਂ ਤਾਂ ਭਾਜਪਾ ਨੇ ਵੀ ਨਹੀਂ ਪੁੱਛਣਾ। ਕਈ ਵਾਰ ਜਦੋਂ ਕੋਈ ਤਕੜਾ ਮਿੱਤਰ ਕਿਸੇ ਹੋਰ ਨੂੰ ਕੁੱਟਦਾ ਵੇਖੀਦੈ ਤਾਂ ਲੱਗਦੈ ਬਈ ਵਾਹ, ਕਮਾਲ ਕਰ ਦਿੱਤੀ, ਪਰ ਸਿਆਣਾ ਬੰਦਾ ਇਹ ਵੀ ਸਮਝਦੈ ਕਿ ਜੇ ਕਿਸੇ ਦਿਨ ਮੇਰੇ ਵੱਲ ਨੂੰ ਮੂੰਹ ਕਰ ਲਿਆ, ਫ਼ਿਰ ਕੀ ਬਣੇਗਾ।

Bhagwant Mannਜਦ ਅਕਾਲੀ ਦਲ ਦੇ ਇਕੱਲੇ ਪੈਣ ਦੀ ਗੱਲ ਆਉਂਦੀ ਹੈ ਤਾਂ ਅਕਾਲੀ ਦਲ ਇਸ ਮੁੱਦੇ ’ਤੇ ਸੱਚਮੁੱਚ ਹੀ ਇਕੱਲਾ ਪਿਆ ਰਿਹੈ। ਕਾਂਗਰਸ, ਆਮ ਆਦਮੀ ਪਾਰਟੀ, ਬੈਂਸ ਭਰਾਵਾਂ ਦੀ ਲੋਕ ਇਨਸਾਫ਼ ਪਾਰਟੀ, ਅਕਾਲੀ ਦਲ ਡੈਮੋਕਰੇਟਿਕ, ਖੱਬੀਆਂ ਧਿਰਾਂ, ਬਸਪਾ, ਸੁਖ਼ਪਾਲ ਸਿੰਘ ਖ਼ਹਿਰਾ ਦੀ ਪੰਜਾਬੀ ਏਕਤਾ ਪਾਰਟੀ, Simarjit Bains Balwinder Bainsਡਾ: ਧਰਮਵੀਰ ਗਾਂਧੀ ਤੇ ਸੂਬੇ ਦੇ ਹੋਰ ਆਗੂ ਜਦ ਹਿੱਕ ਡਾਹ ਕੇ ਖ਼ੇਤੀ ਆਰਡੀਨੈਂਸਾਂ ਦੇ ਵਿਰੋਧ ਵਿੱਚ ਖੜ੍ਹੇ ਸਨ, ਅਕਾਲੀ ਦਲ ਉਨ੍ਹਾਂ ਤੋਂ ਵੀ ਵਧੇਰੇ ਸ਼ਿੱਦਤ ਨਾਲ ਇਨ੍ਹਾਂ ਆਰਡੀਨੈਂਸਾਂ ਦੀ ਵਕਾਲਤ ਕਰਦਾ ਨਜ਼ਰ ਹੀ ਨਹੀਂ ਆਇਆ, ਉਸਨੇ ਵੀ ਹਿੱਕ ਡਾਹ ਕੇ ਵਕਾਲਤ ਕੀਤੀ।

ਅੰਗਰੇਜ਼ੀ ਵਿੱਚ ਕਹਿੰਦੇ ਨੇ ‘ਐਜ਼ ਏ ਲਾਸਟ ਡਿੱਚ ਐਫ਼ਰਟ’ ਜਿਹਦਾ ਮਤਲਬ ਹੁੰਦਾ ਹੈ ਕਿ ਅਖ਼ੀਰਲਾ ਹੱਲਾ ਮਾਰਣਾ, ਅਖ਼ੀਰਲੀ ਕੋਸ਼ਿਸ਼, ਅਖ਼ੀਰਲੀ ਚਾਰਾਜੋਈ, ਅਖ਼ੀਰਲਾ ਯਤਨ। ਕਿਸੇ ਨੂੰ ਜੇ ਅਫ਼ਸੋਸ ਨਹੀਂ ਹੁੰਦਾ ਤਾਂ ਮੇਰੀ ਸਿਹਤ ’ਤੇ ਕੋਈ ਅਸਰ ਨਹੀਂ, ਮੈਨੂੰ ਉਸ ਵੇੇਲੇ ਬੜਾ ਅਫ਼ਸੋਸ ਹੋਇਆ ਜਦ ਪੰਜ ਵੇਰਾਂ ਦੇ ਮੁੱਖ ਮੰਤਰੀ ਅਤੇ ਕਿਸਾਨਾਂ ਦੇ ਨੇਤਾ ਕਹਿ ਕੇ ਸਿਆਸਤ ਅਤੇ ਸਟੇਜਾਂ ਤੋਂ ਸਨਮਾਨੇ ਜਾਣ ਵਾਲੇ ਸ: ਪ੍ਰਕਾਸ਼ ਸਿੰਘ ਬਾਦਲ ਨੂੰ ਵੀ ਸ਼੍ਰੋਮਣੀ ਅਕਾਲੀ ਦਲ ਨੇ ਲਿਆ ਕੇ ਇਨ੍ਹਾਂ ਆਰਡੀਨੈਂਸਾਂ ਦੇ ਹੱਕ ਵਿੱਚ ਖੜ੍ਹੇ ਕਰ ਦਿੱਤਾ। ਸ: ਬਾਦਲ ਹੀ ਚੁੱਪ ਰਹਿ ਜਾਂਦੇ ਤਾਂ ਅੱਜ ਅਕਾਲੀ ਦਲ ਕੋਲ ਕੁਝ ਕਹਿਣ ਨੂੰ ਹੁੰਦਾ, ਅਕਾਲੀ ਦਲ ਕਿੱਥੋਂ ਹੋ ਕੇ ਮੁੜਿਆ ਹੈ, ਇਹਦਾ ਹਿਸਾਬ ਕਿਤਾਬ ਲਾਉਣ ਲਈ ਅਕਾਲੀ ਦਲ ਕੋਲ ਕੋਈ ਕੈਲਕੂਲੇਟਰ ਤਾਂ ਜ਼ਰੁੂਰ ਹੋਵੇਗਾ।

ਇਸ ਸੰਘਰਸ਼ ’ਚ ਕਿਸਾਨੀ ਦੀ ਜਿੱਤ ਹੋਣੀ ਹੈ ਜਾਂ ਫ਼ਿਰ ਮੋਦੀ ਸਰਕਾਰ ਦੇ ਆਰਡੀਨੈਂਸਾਂ ਦੀ, ਇਹ ਤਾਂ ਅਜੇ ਭਵਿੱਖ ਦੀ ਕੁੱਖ ਵਿੱਚ ਹੈ ਪਰ ਇਹ ਪੰਜਾਬ ਦੀ ਕਿਸਾਨੀ, ਪੰਜਾਬ ਦੇ ਚਿੰਤਕਾਂ, ਪੰਜਾਬ ਪੱਖੀ ਲੋਕਾਂ ਅਤੇ ਉਕਤ ਸਾਰੀਆਂ ਰਾਜਸੀ ਧਿਰਾਂ ਦੀ ਪਹਿਲੀ ਜਿੱਤ ਹੈ ਕਿ ਅਕਾਲੀ ਦਲ ਨੂੰ ਇਸ ਮੁੱਦੇ ’ਤੇ ਮੋੜਾ ਕੱਟਣਾ ਪਿਆ ਹੈ। ਮੀਡੀਆ ਵਿੱਚ ਹੁਣ ਇਸ ਨੂੰ ‘ਯੂ ਟਰਨ’ ਦਾ ਨਾਂਅ ਦਿੱਤਾ ਜਾ ਰਿਹਾ ਹੈ ਪਰ ਇਹ ਅਜੇ ਸਮਾਂ ਹੀ ਦੱਸੇਗਾ ਕਿ ਅਕਾਲੀ ਦਲ ਨੇ ‘ਯੂ ਟਰਨ’ ਲੈ ਲਿਆ ਹੈ ਜਾਂ ਫ਼ਿਰ ਅਜੇ ਵੀ ਕਿਸੇ ਵਿਚਲੇ ਰਸਤੇ ਦੀ ਤਲਾਸ਼ ਹੈ।

ਸ਼੍ਰੋਮਣੀ ਅਕਾਲੀ ਦਲ ਦੀ ‘ਕੋਰ ਕਮੇਟੀ’ ਨੇ ਹੁਣ ਫ਼ੈਸਲਾ ਲਿਆ ਹੈ ਕਿ ਪ੍ਰਧਾਨ ਸ: ਸੁਖ਼ਬੀਰ ਸਿੰਘ ਬਾਦਲ ਦੀ ਅਗਵਾਈ ਵਿੱਚ ਪਾਰਟੀ ਦਾ ਇਕ ਵਫ਼ਦ ਕੇਂਦਰ ਸਰਕਾਰ ਤਕ ਪਹੁੰਚ ਕਰਕੇ ਇਹ ਮੰਗ ਰੱਖੇਗਾ ਕਿ ਜਿੰਨੀ ਦੇਰ ਤਕ ਇਨ੍ਹਾਂ ਆਰਡੀਨੈਂਸਾਂ ਪ੍ਰਤੀ ਕਿਸਾਨੀ ਦੇ ਖ਼ਦਸ਼ਿਆਂ ਦਾ ਨਿਵਾਰਣ ਨਹੀਂ ਹੋ ਜਾਂਦਾ ਤਦ ਤਾਈਂ ਇਨ੍ਹਾਂ ਆਰਡੀਨੈਂਸਾਂ ਨੂੰ ਸੰਸਦ ਵਿੱਚ ਪ੍ਰਵਾਨਗੀ ਲਈ ਨਾ ਲਿਆਂਦਾ ਜਾਵੇ।

ਪਾਰਟੀ ਵੱਲੋਂ ਜਾਰੀ ਇਸ ਬਿਆਨ ਵਿੱਚ ਇਹ ਸਪਸ਼ਟ ਨਹੀਂ ਹੋ ਸਕਿਆ ਕਿ ਸੋਮਵਾਰ ਨੂੰ ਜਦ ਸ਼੍ਰੋਮਣੀ ਅਕਾਲੀ ਦਲ ਦਾ ਵਫ਼ਦ ਕੇਂਦਰ ਨਾਲ ਮੁਲਾਕਾਤ ਕਰੇਗਾ ਤਾਂ ਕੀ ਇਸ ਵਫ਼ਦ ਵਿੱਚ ਪੰਜਾਬ ਅਤੇ ਅਕਾਲੀ ਦਲ ਦੀ ਪ੍ਰਤੀਨਿਧ ਮੰਤਰੀ ਸ੍ਰੀਮਤੀ ਹਰਸਿਮਰਤ ਕੌਰ ਬਾਦਲ ਵੀ ਸ਼ਾਮਿਲ ਹੋਣਗੇ ਕਿ ਨਹੀਂ। ਉਂਜ ਉਹ ਉਸ ਕੈਬਨਿਟ ਦਾ ਹਿੱਸਾ ਹਨ ਜਿਸਨੇ ਇਨ੍ਹਾਂ ਆਰਡੀਨੈਂਸਾਂ ਨੂੰ ਪਾਸ ਕੀਤਾ ਸੀ।

ਇਸ ਤੋ ਵੀ ਵੱਡੇ ਸਵਾਲ ਤਾਂ ਇਹ ਹਨ ਕਿ ਕੇਂਦਰ ਸਰਕਾਰ ਜੋ ਇਨ੍ਹਾਂ ਆਰਡੀਨੈਂਸਾਂ ਨੂੰ ਬਿੱਲਾਂ ਦੇ ਰੂਪ ਵਿੱਚ ਪਾਸ ਕਰਨ ਦਾ ਤਹੱਈਆ ਕੀਤੀ ਬੈਠੀ ਹੈ, ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਕਾਹਲ ਨਾ ਕਰਨ ਦੀ ਮੰਗ ’ਤੇ ਕੀ ਰੁਖ਼ ਅਪਨਾਏਗੀ ਅਤੇ ਜੇ ਅਕਾਲੀ ਦਲ ਦੀ ਤਾਜ਼ਾ ਮੰਗ ਦੇ ਉਲਟ ਕੋਈ ਫ਼ੈਸਲਾ ਲੈਂਦਿਆਂ ਸੰਸਦ ਵਿੱਚ ਇਨ੍ਹਾਂ ਆਰਡੀਨੈਂਸਾਂ ਨੂੰ ਪ੍ਰਵਾਨਗੀ ਦੇ ਦਿੱਤੀ ਜਾਂਦੀ ਹੈ ਤਾਂ ਅਕਾਲੀ ਦਲ ਦਾ ਕੀ ਰੁਖ਼ ਰਹੇਗਾ।

ਮੰਨਿਆਂ ਜਾਂਦੈ ਕਿ ਡੁਲਿ੍ਹਆਂ ਬੇਰਾਂ ਦਾ ਕੁਝ ਨਹੀਂ ਵਿਗੜਿਆ ਪਰ ਇਸ ਵੇਰਾਂ ਬੇਰ ਕੁਝ ਜ਼ਿਆਦਾ ਦੇਰ ਡੁਲ੍ਹੇ ਰਹੇ ਅਤੇ ਜਿਨ੍ਹਾਂ ਨੇ ਡੁੱਲੇ੍ਹ ਬੇਰ ਚੁਗਣੇ ਸਨ ਉਹ ਬੜੀ ਦੇਰ ਇਹ ਵੇਖ਼ਦੇ ਰਹੇ ਕਿ ਸ਼ਾਇਦ ਨਾ ਹੀ ਚੁਗਣੇ ਪੈਣ।

ਪੰਜਾਬ ਦੀ ਇਹ ਤ੍ਰਾਸਦੀ ਰਹੀ ਹੈ ਕਿ ਪੰਜਾਬ ਤੋਂ ਤਾਕਤ ਹਾਸਲ ਕਰ ਚੁੱਕੀਆਂ ਪਾਰਟੀਆਂ ਅਤੇ ਆਗੂ ਪੰਜਾਬ ਦੇ ਮਸਲਿਆਂ ਪ੍ਰਤੀ ਸੰਜੀਦਾ ਹੋਣ ਦੀ ਬਜਾਏ ਪੰਜਾਬ ਦੇ ਮੁੱਦਿਆਂ ਨੂੰ ਪਿੱਠ ਵਿਖ਼ਾ ਜਾਂਦੇ ਹਨ। ਸਵਾਲ ਇਹ ਹੈ ਕਿ ਜੇ ਚੋਣਾਂ ਮੌਕੇ ਦੋ ਮਹੀਨੇ ‘ਜੰਗ ਮਘਾ ਕੇ’ ਪੰਜਾਬ ਜਿੱਤ ਲਿਆ ਜਾਂਦੈ ਤਾਂ ਫ਼ਿਰ 58 ਮਹੀਨਿਆਂ ਵਿੱਚ ਪੰਜਾਬ ਦੇ ਦਹਾਕਿਆਂ ਤੋਂ ਲਟਕਦੇ ਆਉਂਦੇ ਹੱਕੀ ਮੁੱਦਿਆਂ, ਮਸਲਿਆਂ ਅਤੇ ਮੰਗਾਂ ਲਈ ਕੋਈ ਜੰਗ ਕਿਉਂ ਨਹੀਂ ਮਘਾਈ ਜਾਂਦੀ। ਇਕ ਵਾਰ ਫ਼ਿਰ ਚੋਣਾਂ ਤੋਂ ਪਹਿਲੇ 2 ਮਹੀਨਿਆਂ ਲਈ ਹੀ ‘ਪੈਂਡਿੰਗ’ ਕਿਉਂ ਕਰ ਦਿੱਤੇ ਜਾਂਦੇ ਹਨ, ਪੰਜਾਬ ਦੇ ਮਸਲੇ, ਪੰਜਾਬ ਦੇ ਮੁੱਦੇ, ਪੰਜਾਬ ਦੇ ਹਿਤ।

ਖ਼ੈਰ, ਅਕਾਲੀ ਦਲ ਕਿਸਾਨੀ ਹਿਤਾਂ ਦਾ ਚੈਂਪੀਅਨ ਹੋਣ ਦਾ ਖ਼ਿਤਾਬ ਮੁੜ ਹਾਸਿਲ ਕਰਨ ਲਈ ਸੋਮਵਾਰ ਨੂੰ ਦਿੱਲੀ ਜਾ ਰਿਹਾ ਹੈ, ਇਹ ਮੁਬਾਰਕ ਗੱਲ ਹੈ ਪਰ ਇਹ ਸੱਚ ਵੀ ਹੈ ਅਤੇ ਤੱਥ ਵੀ ਕਿ ਜੇ ਅਕਾਲੀ ਦਲ ਨੇ ਇਹ ਮੁੱਦਾ ਪਹਿਲਾਂ ਚੁੱਕਿਆ ਹੁੰਦਾ ਤਾਂ ਇਹ ਪੰਜਾਬ, ਪੰਜਾਬੀਆਂ ਅਤੇ ਕਿਸਾਨੀ ਹਿਤਾਂ ਲਈ ਅਕਾਲੀ ਦਲ ਦਾ ‘ਸਟੈਂਡ’ ਹੋਣਾ ਸੀ ਜਦਕਿ ਹੁਣ ਇਸ ਮੁੱਦੇ ’ਤੇ ਕੇਂਦਰ ਦੀ ਵਕਾਲਤ ਲਈ ਭਰਪੂਰ ਵਾਹ ਲਾ ਲੈਣ ਮਗਰੋਂ ਇਹ ਹੁਣ ਅਕਾਲੀ ਦਲ ਦੇ ਕਿਸਾਨੀ ਨਾਲ ਮੋਹ ਦਾ ਪ੍ਰਭਾਵ ਦੇਣ ਦੀ ਬਜਾਇ ‘ਮਜਬੂਰੀ ਦੇ ਸੌਦੇ’ ਦਾ ਪ੍ਰਭਾਵ ਜ਼ਿਆਦਾ ਦੇਵੇਗਾ।

ਐੱਚ.ਐੱਸ.ਬਾਵਾ
ਸੰਪਾਦਕ, ਯੈੱਸ ਪੰਜਾਬ
13 ਸਤੰਬਰ, 2020Yes Punjab Gall Punjab Di 1


ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ


yes punjab english redirection

ਅਹਿਮ ਖ਼ਬਰਾਂ

ਖ਼ਬਰ ਸਾਰ

ਸਿੱਖ ਜਗ਼ਤ

png;base64,iVBORw0KGgoAAAANSUhEUgAAANoAAACWAQMAAACCSQSPAAAAA1BMVEWurq51dlI4AAAAAXRSTlMmkutdmwAAABpJREFUWMPtwQENAAAAwiD7p7bHBwwAAAAg7RD+AAGXD7BoAAAAAElFTkSuQmCC

DSGMC ਵੱਲੋਂ ਰਕਾਬਗੰਜ ਸਾਹਿਬ ਵਿਖ਼ੇ Corona Care Centre ਬਨਾਉਣ ਦੀ Satyendra Jain ਵੱਲੋਂ ਸ਼ਲਾਘਾ,...

ਯੈੱਸ ਪੰਜਾਬ ਨਵੀਂ ਦਿੱਲੀ, 5 ਮਈ, 2021 - ਦਿੱਲੀ ਦੇ ਸਿਹਤ ਮੰਤਰੀ ਸ੍ਰੀ ਸਤੇਂਦਰ ਜੈਨ ਨੇ ਅੱਜ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਗੁਰਦੁਆਰਾ ਰਕਾਬਗੰਜ ਸਾਹਿਬ...
png;base64,iVBORw0KGgoAAAANSUhEUgAAANoAAACWAQMAAACCSQSPAAAAA1BMVEWurq51dlI4AAAAAXRSTlMmkutdmwAAABpJREFUWMPtwQENAAAAwiD7p7bHBwwAAAAg7RD+AAGXD7BoAAAAAElFTkSuQmCC

ਅਜਨਾਲਾ ਨੇੜਲੇ ਪਿੰਡ ਵਿੱਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਾਵਨ ਸਰੂਪ ਅਗਨ: ਬੀਬੀ ਜਗੀਰ...

ਯੈੱਸ ਪੰਜਾਬ ਅੰਮ੍ਰਿਤਸਰ, 5 ਮਈ, 2021 - ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਬੀਬੀ ਜਗੀਰ ਕੌਰ ਨੇ ਅਜਨਾਲਾ ਨੇੜਲੇ ਪਿੰਡ ਚੱਕ ਕਮਾਲ ਖਾਂ ਵਿਖੇ ਬਿਜਲੀ ਦੇ...
png;base64,iVBORw0KGgoAAAANSUhEUgAAANoAAACWAQMAAACCSQSPAAAAA1BMVEWurq51dlI4AAAAAXRSTlMmkutdmwAAABpJREFUWMPtwQENAAAAwiD7p7bHBwwAAAAg7RD+AAGXD7BoAAAAAElFTkSuQmCC

ਸ਼੍ਰੋਮਣੀ ਕਮੇਟੀ ਵੱਲੋਂ ਕੋਰੋਨਾ ਮਰੀਜ਼ਾਂ ਦੇ ਇਲਾਜ ਲਈ ਗੁਰੂ ਘਰਾਂ ਵਿੱਚ ਆਰਜ਼ੀ ਵਾਰਡ ਸਥਾਪਿਤ,...

ਯੈੱਸ ਪੰਜਾਬ ਅੰਮ੍ਰਿਤਸਰ, 4 ਮਈ, 2021 - ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਕੋਰੋਨਾਂ ਮਰੀਜ਼ਾਂ ਦੇ ਇਲਾਜ਼ ਲਈ ਆਕਸੀਜਨ ਪਲਾਂਟ ਸਥਾਪਿਤ ਕਰਨ ਦੇ ਨਾਲ ਨਾਲ ਕਾਨਸੰਟ੍ਰੇਟਰ ਰਾਹੀਂ...
png;base64,iVBORw0KGgoAAAANSUhEUgAAANoAAACWAQMAAACCSQSPAAAAA1BMVEWurq51dlI4AAAAAXRSTlMmkutdmwAAABpJREFUWMPtwQENAAAAwiD7p7bHBwwAAAAg7RD+AAGXD7BoAAAAAElFTkSuQmCC

ਦਿੱਲੀ ਕਮੇਟੀ ਵੱਲੋਂ ਗੁਰਦੁਆਰਾ ਰਕਾਬਗੰਜ ਵਿਖ਼ੇ 6 ਮਈ ਤੋਂ ਸ਼ੁਰੂ ਕੀਤਾ ਜਾਵੇਗਾ ਕੋਰੋਨਾ ਕੇਅਰ...

ਯੈੱਸ ਪੰਜਾਬ ਨਵੀਂ ਦਿੱਲੀ, 3 ਮਈ, 2021- ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸਰਦਾਰ ਮਨਜਿੰਦਰ ਸਿੰਘ ਸਿਰਸਾ ਤੇ ਜਨਰਲ ਸਕੱਤਰ ਸਰਦਾਰ ਹਰਮੀਤ ਸਿੰਘ ਕਾਲਕਾ...
png;base64,iVBORw0KGgoAAAANSUhEUgAAANoAAACWAQMAAACCSQSPAAAAA1BMVEWurq51dlI4AAAAAXRSTlMmkutdmwAAABpJREFUWMPtwQENAAAAwiD7p7bHBwwAAAAg7RD+AAGXD7BoAAAAAElFTkSuQmCC

ਆਕਸੀਜਨ ਦੀ ਘਾਟ ਦਾ ਸੰਕਟ ਵੱਡਾ, ਐਨ.ਆਰ.ਆਈਜ਼ ਦਿੱਲੀ ਵਾਸਤੇ ਆਕਸੀਜਨ ਕੰਸੈਟ੍ਰੇਟਰ ਭੇਜਣ: ਸਿਰਸਾ ਦੀ...

ਯੈੱਸ ਪੰਜਾਬ ਨਵੀਂ ਦਿੱਲੀ, 2 ਮਈ, 2021: ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸਰਦਾਰ ਮਨਜਿੰਦਰ ਸਿੰਘ ਸਿਰਸਾ ਨੇ ਅਮਰੀਕਾ, ਆਸਟਰੇਲੀਆ, ਕੈਨੇਡਾ, ਯੂ ਕੇ ਤੇ ਹੋਰ...
png;base64,iVBORw0KGgoAAAANSUhEUgAAANoAAACWAQMAAACCSQSPAAAAA1BMVEWurq51dlI4AAAAAXRSTlMmkutdmwAAABpJREFUWMPtwQENAAAAwiD7p7bHBwwAAAAg7RD+AAGXD7BoAAAAAElFTkSuQmCC

ਪੰਜਾਬ ਕੇਂਦਰੀ ਯੂਨੀਵਰਸਿਟੀ ਨੇ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਦਾ 400ਵਾਂ ਪ੍ਰਕਾਸ਼ ਪੁਰਬ ਮਨਾਇਆ

ਯੈੱਸ ਪੰਜਾਬ ਬਠਿੰਡਾ, 1 ਮਈ, 2021: ਸਿੱਖ ਧਰਮ ਦੇ ਨੌਵੇਂ ਗੁਰੂ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 400ਵੇਂ ਪ੍ਰਕਾਸ਼ ਪੁਰਬ ਨੂੰ ਮਨਾਉਣ ਲਈ ਪੰਜਾਬ ਕੇਂਦਰੀ ਯੂਨੀਵਰਸਿਟੀ,...

ਮਨੋਰੰਜਨ

png;base64,iVBORw0KGgoAAAANSUhEUgAAAUQAAADrAQMAAAArGX0KAAAAA1BMVEWurq51dlI4AAAAAXRSTlMmkutdmwAAACBJREFUaN7twTEBAAAAwiD7pzbEXmAAAAAAAAAAAACQHSaOAAGSp1GBAAAAAElFTkSuQmCC

Gippy Grewal ਵਿਰੁੱਧ FIR, ‘ਵੀਕੈਂਡ ਲਾਕਡਾਊਨ’ ਦੌਰਾਨ ਕਰ ਰਹੇ ਸੀ Girdhari Lal ਦੀ ਸ਼ੂਟਿੰਗ

ਯੈੱਸ ਪੰਜਾਬ ਮੋਹਾਲੀ, 1 ਮਈ, 2021: ਪੰਜਾਬੀ ਗਾਇਕ ਅਤੇ ਫ਼ਿਲਮ ਅਦਾਕਾਰ ਗਿੱਪੀ ਗਰੇਵਾਲ ਅਤੇ ਲਗਪਗ 100 ਹੋਰ ਲੋਕਾਂ ਦੇ ਖਿਲਾਫ਼ ਕੋਰੋਨਾ ਨਿਯਮਾਂ ਦੀ ਉਲੰਘਣਾ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਨੂੰ ਇਹ ਸੂਚਨਾ ਮਿਲੀ ਸੀ ਕਿ...
png;base64,iVBORw0KGgoAAAANSUhEUgAAAUQAAADrAQMAAAArGX0KAAAAA1BMVEWurq51dlI4AAAAAXRSTlMmkutdmwAAACBJREFUaN7twTEBAAAAwiD7pzbEXmAAAAAAAAAAAACQHSaOAAGSp1GBAAAAAElFTkSuQmCC

ਜਿੰਮੀ ਸ਼ੇਰਗਿੱਲ ਦੇ ਖ਼ਿਲਾਫ਼ ਲੁਧਿਆਣਾ ’ਚ ਐਫ.ਆਈ.ਆਰ. , ਫ਼ਿਲਮ ਅਦਾਕਾਰ ਸਣੇ 3 ਗ੍ਰਿਫ਼ਤਾਰ

ਯੈੱਸ ਪੰਜਾਬ ਲੁਧਿਆਣਾ, 28 ਅਪ੍ਰੈਲ, 2021: ਲੁਧਿਆਣਾ ਪੁਲਿਸ ਨੇ ਬਾਲੀਵੁੱਡ ਅਦਾਕਾਰ ਜ਼ਿੰਮੀ ਸ਼ੇੋਰਗਿੱਲ ਦੇ ਖਿਲਾਫ਼ ਕੋਵਿਡ ਨਿਯਮਾਂ ਦੀ ਉਲੰਘਣਾ ਦਾ ਮਾਮਲਾ ਦਰਜ ਕਰਕੇ ਜਿੰਮੀ ਸਣੇ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਅਪਰਾਧ ਜ਼ਮਾਨਤਯੋਗ ਹੋਣ ਕਰਕੇ ਉਨ੍ਹਾਂ...
png;base64,iVBORw0KGgoAAAANSUhEUgAAAUQAAADrAQMAAAArGX0KAAAAA1BMVEWurq51dlI4AAAAAXRSTlMmkutdmwAAACBJREFUaN7twTEBAAAAwiD7pzbEXmAAAAAAAAAAAACQHSaOAAGSp1GBAAAAAElFTkSuQmCC

ਸਟੇਟ ਇਲੈਕਸ਼ਨ ਆਈਕਨ ਸੋਨੂੰ ਸੂਦ ਨੇ ਫੇਸਬੁੱਕ ਲਾਈਵ ਪ੍ਰੋਗਰਾਮ ਰਾਹੀਂ ‘ਇਲੈਕਸ਼ਨ ਸਟਾਰ’ ਮੁਹਿੰਮ ਦੇ ਜੇਤੂਆਂ ਨਾਲ ਕੀਤੀ ਗੱਲਬਾਤ

ਯੈੱਸ ਪੰਜਾਬ ਚੰਡੀਗੜ, 17 ਅਪ੍ਰੈਲ, 2021 - ਬਾਲੀਵੁੱਡ ਅਦਾਕਾਰ ਅਤੇ ਪੰਜਾਬ ਰਾਜ ਚੋਣ ਆਈਕਨ ਸੋਨੂੰ ਸੂਦ ਨੇ ਬੀਤੇ ਕੱਲ ਹੋਏ ਫੇਸਬੁੱਕ ਲਾਈਵ ਪ੍ਰੋਗਰਾਮ ਰਾਹੀਂ ਮੁੱਖ ਚੋਣ ਅਧਿਕਾਰੀ (ਸੀ.ਈ.ਓ.), ਪੰਜਾਬ ਦੇ ਦਫਤਰ ਵੱਲੋਂ ਆਰੰਭੀ ਗਈ ‘ਚੋਣ ਸਟਾਰ’...
png;base64,iVBORw0KGgoAAAANSUhEUgAAAUQAAADrAQMAAAArGX0KAAAAA1BMVEWurq51dlI4AAAAAXRSTlMmkutdmwAAACBJREFUaN7twTEBAAAAwiD7pzbEXmAAAAAAAAAAAACQHSaOAAGSp1GBAAAAAElFTkSuQmCC

ਲੈਫਟੀਨੈਂਟ ਜਨਰਲ ਸ਼ੇਰਗਿੱਲ ਨੇ ਵਿਸ਼ਵ ਵਿਰਾਸਤ ਦਿਵਸ ਦੀ ਪੂਰਵ ਸੰਧਿਆ ਮੌਕੇ ਦਸਤਾਵੇਜ਼ੀ ਫਿਲਮ ‘ਦੀ ਬਠਿੰਡਾ ਫੋਰਟ’ ਕੀਤੀ ਰਿਲੀਜ਼

ਯੈੱਸ ਪੰਜਾਬ ਚੰਡੀਗੜ, 17 ਅਪ੍ਰੈਲ, 2021 - ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਦੂਰਅੰਦੇਸ਼ ਸੋਚ ਤੋਂ ਅਗਵਾਈ ਲੈਂਦੇ ਹੋਏ ਪੰਜਾਬ ਦੀ ਸ਼ਾਨਦਾਰ ਇਤਿਹਾਸਕ ਅਤੇ ਸਭਿਆਚਾਰਕ ਵਿਰਾਸਤ ਬਾਰੇ ਪੰਜਾਬ ਦੀ ਨਵੀਂ ਪੀੜ੍ਹੀ ਨੂੰ ਪ੍ਰੇਰਿਤ ਕਰਨ ਦੇ ਉਦੇਸ਼...
png;base64,iVBORw0KGgoAAAANSUhEUgAAAUQAAADrAQMAAAArGX0KAAAAA1BMVEWurq51dlI4AAAAAXRSTlMmkutdmwAAACBJREFUaN7twTEBAAAAwiD7pzbEXmAAAAAAAAAAAACQHSaOAAGSp1GBAAAAAElFTkSuQmCC

Sonu Sood ਨੂੰ ਵੀ Corona ਨੇ ਘੇਰਿਆ, ਕਿਹਾ ‘ਚਿੰਤਾ ਦੀ ਗੱਲ ਨਹੀਂ, ਅਜੇ ਵੀ ਰਹਾਂਗਾ ਲੋਕਾਂ ਦੀ ਸੇਵਾ ’ਚ’

ਯੈੱਸ ਪੰਜਾਬ ਮੁੰਬਈ, 17 ਅਪ੍ਰੈਲ, 2021: ਬਾਲੀਵੁੱਡ ਐਕਟਰ ਸੋਨੂੰ ਸੂਦ ਵੀ ਕੋਵਿਡ-19 ਪਾਜ਼ਿਟਿਵ ਪਾਏ ਗਏ ਹਨ। ਇਸ ਗੱਲ ਦੀ ਜਾਣਕਾਰੀ ਖ਼ੁਦ ਸੋਨੂੰ ਸੂਦ ਨੇ ਸੋਸ਼ਲ ਮੀਡੀਆ ਰਾਹੀਂ ਦਿੱਤੀ ਹੈ। ਆਪਣੇ ਟਵਿੱਟਰ ਹੈਂਡਲ ’ਤੇ ਇਹ ਜਾਣਕਾਰੀ ਸਾਂਝੀ ਕਰਦਿਆਂ ਸੋਨੂੰ...
- Advertisement -spot_img

ਸੋਸ਼ਲ ਮੀਡੀਆ

20,388FansLike
50,844FollowersFollow

ਅੱਜ ਨਾਮਾ – ਤੀਸ ਮਾਰ ਖ਼ਾਂ

ਗੁਸਤਾਖ਼ੀ ਮੁਆਫ਼

ਮਹਿਮਾਨ ਲੇਖ਼

error: Content is protected !!