ਯੈੱਸ ਪੰਜਾਬ
ਚੰਡੀਗੜ, ਅਪ੍ਰੈਲ 18, 2021:
ਸ਼੍ਰੋਮਣੀ ਅਕਾਲੀ ਦਲ ( ਟਕਸਾਲੀ ) ਤੇ ਸ਼੍ਰੋਮਣੀ ਅਕਾਲੀ ਦਲ (ਡੈਮੇਕ੍ਰੇਟਿਕ) ਵੱਲੋ 6 ਮੈਬਰੀ ਏਕਤਾ ਕਮੇਟੀ ਦੀ ਕਰੋਨਾ ਵਾਇਰਸ ਕਾਰਨ ਮੁਲਤਵੀ ਕੀਤੀ ਗਈ ਮੀਟਿੰਗ ਹੁਣ 19 ਅਪ੍ਰੈਲ ਦਿਨ ਸੋਮਵਾਰ ਚੰਡੀਗੜ ਵਿਖੇ ਹੋਵੇਗੀ । ਉਕਤ ਗੱਲਾਂ ਦਾ ਪ੍ਰਗਟਾਵਾ ਟਕਸਾਲੀ ਪਾਰਟੀ ਦੇ ਮੁੱਖ ਬੁਲਾਰੇ ਤੇ ਜਨਰਲ ਸਕੱਤਰ ਸ ਕਰਨੈਲ ਸਿੰਘ ਪੀਰਮੁਹੰਮਦ ਨੇ ਪ੍ਰੈਸ ਨੂੰ ਜਾਰੀ ਬਿਆਨ ਕਰਦਿਆਂ ਕੀਤਾ ।
ਪੀਰਮੁਹੰਮਦ ਨੇ ਵਧੇਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਪੰਜਾਬ ਦੇ ਭਲੇ ਲਈ ਉਕਤ ਪਾਰਟੀਆਂ ਨੇ ਪੰਜਾਬ ਦੀ ਸਿਆਸੀ,ਰਾਜਨੀਤਿਕ ਤੇ ਧਾਰਮਿਕ ਹਲਾਤਾਂ ਤੇ ਸਬੰਧਤ ਅਹਿਮ ਐਲਾਨ ਕਰਨਗੇ ਜਿਨਾ ਨਾਲ ਵਿਰੋਧੀਆਂ ਦੀ ਨੀਦਾਂ ਹਰਾਮ ਹੋੋਣਗੀਆਂ । ਉਨਾ ਕਿਹਾ ਕਿ ਦੁਨੀਆ ਭਰ ਚ ਸਿੱਖਾਂ ਦੀ ਤੂਤੀ ਬੋਲਦੀ ਹੈ,ਅਨੇਕਾਂ ਕੁਰਬਾਨੀਆਂ ਨਾਲ ਹੋਦ ਚ ਆਈ ਸਿੱਖ ਕੌਮ ਕੁਝ ਪਰਿਵਾਰਾਂ ਤੱਕ ਸੀਮਤ ਹੋ ਕੇ ਰਹਿ ਗਈ ।
ਛੇ ਮੈਬਰੀ ਕਮੇਟੀ ਦੇ ਮੁੱਖ ਬੁੁਲਾਰੇ ਪੀਰਮੁਹੰਮਦ ਨੇ ਦੱਸਿਆ ਕਿ ਉਕਤ ਪਾਰਟੀਆਂ,ਪੰਜਾਬ ਦਾ ਭਲਾ ਮੰਗਣ ਵਾਲਿਆਂ ਤੇ ਸਮੇ ਦੀ ਮੰਗ ਪਰਖੀਆਂ ਪਾਰਟੀਆਂ ਤੋ ਖਹਿੜਾ ਛੁਡਵਾਉਣ ਦੀ ਹੈ ਜੋ 4 ਸਾਲ ਰੱਜ ਕੇ ਲੁਟ ਕਰਦੇ ਹਨ ਤੇ ਆਖਰੀ ਸਾਲ ਚ ਗਲੀਆਂ,ਨਾਲੀਆਂ ਤੇ ਸੜਕਾਂ ਬਣਵਾ ਕੇ ਆਖਦੇ ਹਨ ਕਿ ਅਸੀ ਪੰਜਾਬ ਦਾ ਵਿਕਾਸ ਕੀਤਾ ਹੈ ।
ਇਸੇ ਦੌਰਾਨ ਸ੍ਰੌਮਣੀ ਅਕਾਲੀ ਦਲ ਟਕਸਾਲੀ ਨੇ ਅਮਰੀਕਾ ਦੇ ਪ੍ਰਮੁੱਖ ਰਾਜ ੳਡਿਆਨਾ ਵਿੱਚ ਕਿਸੇ ਸਿਰਫਿਰੇ ਨੌਜਵਾਨ ਵੱਲੋ ਕੀਤੀ ਅੰਨ੍ਹੇਵਾਹ ਫਾਇਰਿੰਗ ਵਿੱਚ ਮਾਰੇ ਗਏ ਸਿੱਖਾ ਅਤੇ ਹੋਰ ਲੋਕਾ ਦੇ ਪੱਰੀਵਾਰਾ ਨਾਲ ਗਹਿਰੀ ਹਮਦਰਦੀ ਪ੍ਰਗਟਾਈ ਹੈ ।