ਯੈੱਸ ਪੰਜਾਬ
ਲੁਧਿਆਣਾ, 9 ਅਗਸਤ, 2022 –
ਪੰਜਾਬ ਦੇ ਮੇਹਨਤੀ ਐਨ.ਆਰ.ਆਈ ਭਰਾਵਾਂ ਨੇ ਜਿੱਥੇ ਭਾਰਤ ਦੀ ਆਰਥਿਕਤਾ ਨੂੰ ਮਜ਼ਬੂਤ ਕਰਨ ਵਿੱਚ ਆਪਣਾ ਵੱਡਮੁੱਲਾ ਯੋਗਦਾਨ ਪਾਇਆ ਹੈ, ਉੱਥੇ ਵਿਦੇਸ਼ਾਂ ਵਿੱਚ ਖਾਸ ਕਰਕੇ ਕੈਨੇਡਾ ਦੀ ਧਰਤੀ ਉਪਰ ਆਪਣੀ ਮੇਹਨਤ ਤੇ ਸਿਰੜੀ ਸੋਚ ਦੇ ਰਾਹੀ ਪੰਜਾਬੀਅਤ ਦੇ ਝੰਡੇ ਗੰਢਣ ਵਿੱਚ ਆਪਣੀ ਅਹਿਮ ਭੂਮਿਕਾ ਨਿਭਾਈ ਹੈ।
ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਬੀਤੇ ਦਿਨੀ ਉੱਘੇ ਸਮਾਜ ਸੇਵੀ ਸ.ਗੁਰਚਰਨ ਸਿੰਘ ਖੁਰਾਨਾ ਸਰਪੰਚ ਨੇ ਵੈਨਕੁਵਰ (ਕੈਨੇਡਾ) ਦੇ ਇਲਾਕੇ ਬਰਨ ਬੀ ਵਿਖੇ ਆਪਣੇ ਹੋਣਹਾਰ ਸਪੁੱਤਰ ਹਰਕਮਲ ਸਿੰਘ ਦੇ ਵੱਲੋ ਪੀਜ਼ਾ ਪੀਜ਼ਾ ਕੰਪਨੀ ਦੇ ਨਵੇਂ ਖੋਹਲੇ ਗਏ ਆਉਟਲੈਟ ਦਾ ਰਸਮੀ ਤੌਰ ਤੇ ਉਦਘਾਟਨ ਕਰਨ ਮੌਕੇ ਇੱਕਤਰ ਹੋਈਆਂ ਪ੍ਰਮੁੱਖ ਮਹਿਮਾਨ ਸ਼ਖਸ਼ੀਅਤਾਂ ਦੇ ਨਾਲ ਗੱਲਬਾਤ ਕਰਦਿਆਂ ਹੋਇਆ ਕੀਤਾ।
ਉਨ੍ਹਾਂ ਨੇ ਕਿਹਾ ਕਿ ਬੁਲੰਦ ਹੋਸਲੇ ਦੇ ਮਾਲਕ ਉਨ੍ਹਾਂ ਦੇ ਸਪੁੱਤਰ ਹਰਕਮਲ ਸਿੰਘ ਦੇ ਵੱਲੋ ਪਿਛਲੇ ਪੰਜ ਸਾਲਾਂ ਤੋ ਆਪਣੀ ਮੇਹਨਤੀ ਸੋਚ ਅਤੇ ਆਪਣੀ ਕੰਪਨੀ ਦੀ ਪਾਰਟਨਰ ਰਾਜਬੀਰ ਕੌਰ ਰੰਧਾਵਾ ਦੇ ਨਿੱਘੇ ਸਹਿਯੋਗ ਨਾਲ ਕੈਨੇਡਾ ਦੇ ਵੱਖ ਵੱਖ ਸ਼ਹਿਰਾਂ ਅੰਦਰ ਪੀਜ਼ਾ ਪੀਜ਼ਾ ਕੰਪਨੀ ਦੇ ਆਉਟਲੈਟ ਬੜੀ ਸਫ਼ਲਤਾ ਦੇ ਨਾਲ ਚੱਲ ਰਹੇ ਹਨ ਅਤੇ ਅੱਜ ਪੀਜ਼ਾ ਪੀਜ਼ਾ ਕੰਪਨੀ ਆਪਣਾ ਚੌਥਾ ਆਉਟਲੈਟ ਖੋਹਲਣ ਵਿੱਚ ਫ਼ਖਰ ਮਹਿਸੂਸ ਕਰ ਰਹੀ ਹੈ।
ਇਸ ਮੌਕੇ ਉਨ੍ਹਾਂ ਨੇ ਆਪਣੇ ਸਪੁੱਤਰ ਹਰਕਮਲ ਸਿੰਘ ਕੰਪਨੀ ਦੀ ਪਾਰਟਨਰ ਰਾਜਬੀਰ ਕੌਰ ਸਮੇਤ ਕੰਪਨੀ ਦੇ ਪ੍ਰਮੁੱਖ ਅਧਿਕਾਰੀਆਂ ਐਲਐਕਸ ਕਾਂਗ ਤੇ ਬੈਨਕਮ ਪੋਲੀ ਨੂੰ ਆਪਣੀ ਮੁਬਾਰਕਬਾਦ ਦਿੰਦਿਆਂ ਕਾਮਨਾ ਕੀਤੀ ਕਿ ਆਉਣ ਵਾਲੇ ਸਮੇਂ ਅੰਦਰ ਉਨ੍ਹਾਂ ਦੀ ਪੀਜ਼ਾ ਪੀਜ਼ਾ ਕੰਪਨੀ ਤਰੱਕੀ ਦੀਆਂ ਹੋਰ ਬੁਲੰਦ ਉਚਾਈਆਂ ਨੂੰ ਛੂਹੇ।ਇਸ ਮੌਕੇ ਉਨ੍ਹਾਂ ਦੇ ਨਾਲ ਉਨ੍ਹਾਂ ਦੀ ਸੁਪਤਨੀ ਸ਼੍ਰੀਮਤੀ ਹਰਚਰਨ ਕੌਰ ,ਬੇਟੀ ਅਮਰਦੀਪ ਕੌਰ (ਵੈਨਕੁਵਰ) ਰਾਜਬੀਰ ਕੌਰ ਰੰਧਾਵਾ ਵਿਸ਼ੇਸ਼ ਤੋਰ ਤੇ ਹਾਜ਼ਰ ਸਨ।
ਯੈੱਸ ਪੰਜਾਬ ਦੀਆਂ ਪੰਜਾਬੀ ਖ਼ਬਰਾਂ ਲਈ ਇੱਥੇ ਕਲਿੱਕ ਕਰਕੇ ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰੋ