ਯੈੱਸ ਪੰਜਾਬ
ਬਠਿੰਡਾ, 17 ਅਪ੍ਰੈਲ, 2025
ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਵਿਭਾਗ, ਗਿਆਨੀ ਜ਼ੈਲ ਸਿੰਘ ਕੈਂਪਸ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ, MRSPTU, Bathinda ਵੱਲੋਂ ਬਾਬਾ ਸਾਹਿਬ Dr BR Ambedkar ਦੀ 135ਵੀਂ ਜਯੰਤੀ ਨੂੰ ਸਮਰਪਿਤ “ਡਾ. ਬੀ. ਆਰ. ਅੰਬੇਡਕਰ ਦਾ ਜੀਵਨ ਅਤੇ ਮਿਸ਼ਨ” ਵਿਸ਼ੇ ‘ਤੇ ਇੱਕ ਅੰਤਰ-ਵਿਭਾਗੀ ਕੁਇਜ਼ ਮੁਕਾਬਲੇ ਦਾ ਆਯੋਜਨ ਕੀਤਾ ਗਿਆ।
ਇਸ ਪ੍ਰੋਗਰਾਮ ਵਿੱਚ ਵੱਖ-ਵੱਖ ਵਿਭਾਗਾਂ ਦੇ ਲਗਭਗ 30 ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ। ਵਿਭਾਗ ਦੇ ਇਲੈਕ ਟੈਕ ਕਲੱਬ ਨੇ ਕੁਇਜ਼ ਦਾ ਆਯੋਜਨ ਕੀਤਾ, ਜਿਸ ਵਿੱਚ ਭਾਰਤ ਦੇ ਸੰਵਿਧਾਨ, ਆਜ਼ਾਦੀ, ਸਮਾਨਤਾ, ਨਿਆਂ ਅਤੇ ਸਮਾਜਿਕ ਸੁਧਾਰਾਂ ਵਰਗੇ ਵਿਸ਼ਿਆਂ ਨੂੰ ਕਵਰ ਕਰਨ ਵਾਲੇ ਮੌਖਿਕ ਪ੍ਰਸ਼ਨ ਸ਼ਾਮਿਲ ਸਨ।
ਇਸ ਦਿਲਚਸਪ ਮੁਕਾਬਲੇ ਵਿੱਚ, ਰਾਹੁਲ ਸਿੰਗਲਾ (ਈ.ਈ.) ਅਤੇ ਵਰਦੀਪ ਸਿੰਘ (ਐਮ.ਈ.) ਦੀ ਟੀਮ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ, ਜਦੋਂ ਕਿ ਦੂਜਾ ਸਥਾਨ ਹਰਮਨਜੀਤ ਕੌਰ (ਈ.ਈ.) ਅਤੇ ਦੀਆ (ਸੀ.ਈ.) ਨੂੰ ਮਿਲਿਆ। ਤੀਜਾ ਸਥਾਨ ਪਰਵਿੰਦਰ ਕੌਰ (ਈ.ਈ.) ਅਤੇ ਆਕਾਸ਼ਦੀਪ ਸਿੰਘ (ਈ.ਈ.) ਨੇ ਪ੍ਰਾਪਤ ਕੀਤਾ।
ਇਸ ਪ੍ਰੋਗਰਾਮ ਵਿੱਚ ਡਾ. ਬੀ. ਆਰ. ਅੰਬੇਡਕਰ ਦੀ ਵਿਰਾਸਤ ਅਤੇ ਦਰਸ਼ਨ ‘ਤੇ ਇੱਕ ਪੇਸ਼ਕਾਰੀ ਵੀ ਪੇਸ਼ ਕੀਤੀ ਗਈ, ਜੋ ਡਾ. ਗਗਨਦੀਪ ਕੌਰ, ਮੁਖੀ, ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਵਿਭਾਗ ਦੁਆਰਾ ਪੇਸ਼ ਕੀਤੀ ਗਈ। ਡਾ. ਗਗਨਦੀਪ ਕੌਰ ਨੇ ਡਾ. ਅਨੁਮੀਤ ਕੌਰ, ਕਲੱਬ ਕੋਆਰਡੀਨੇਟਰ, ਫੈਕਲਟੀ, ਸਟਾਫ ਅਤੇ ਪ੍ਰਬੰਧਕ ਟੀਮ ਦੇ ਸਮਰਪਿਤ ਯਤਨਾਂ ਦੀ ਸ਼ਲਾਘਾ ਕੀਤੀ।
ਪ੍ਰੋ. (ਡਾ.) ਸੰਜੀਵ ਅਗਰਵਾਲ, ਕੈਂਪਸ ਡਾਇਰੈਕਟਰ, ਜੀ.ਜ਼ੈਡ.ਐਸ.ਸੀ.ਸੀ.ਈ.ਟੀ., ਨੇ ਡਾ. ਅੰਬੇਡਕਰ ਦੇ ਸ਼ਾਨਦਾਰ ਵਿਚਾਰਾਂ ਅਤੇ ਯੋਗਦਾਨ ਨੂੰ ਯਾਦ ਕਰਦਿਆ ਭਾਗੀਦਾਰਾਂ ਦੇ ਪ੍ਰਦਰਸ਼ਨ ਦੀ ਸ਼ਲਾਘਾ ਕੀਤੀ ਅਤੇ ਵਿਭਾਗ ਨੂੰ ਪ੍ਰੋਗਰਾਮ ਨੂੰ ਸਫਲਤਾਪੂਰਵਕ ਆਯੋਜਿਤ ਕਰਨ ਲਈ ਵਧਾਈ ਦਿੱਤੀ।
![Pinterest](https://pinterest.com/pin/create/button/?url=https://yespunjab.com/punjabi/mrsptu-dr-ambedkar-%e0%a8%a6%e0%a9%80-135%e0%a8%b5%e0%a9%80%e0%a8%82-%e0%a8%9c%e0%a8%af%e0%a9%b0%e0%a8%a4%e0%a9%80-%e0%a8%a8%e0%a9%82%e0%a9%b0-%e0%a8%b8%e0%a8%ae%e0%a8%b0%e0%a8%aa%e0%a8%bf%e0%a8%a4/&media=https://yespunjab.com/punjabi/wp-content/uploads/2025/04/Inter-Dept-Quiz-Competition-Marks-Celebration.jpg&description=ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਵਿਭਾਗ, ਗਿਆਨੀ ਜ਼ੈਲ ਸਿੰਘ ਕੈਂਪਸ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ, MRSPTU, Bathinda ਵੱਲੋਂ ਬਾਬਾ ਸਾਹਿਬ Dr BR Ambedkar ਦੀ 135ਵੀਂ ਜਯੰਤੀ ਨੂੰ ਸਮਰਪਿਤ "ਡਾ. ਬੀ. ਆਰ. ਅੰਬੇਡਕਰ ਦਾ ਜੀਵਨ ਅਤੇ ਮਿਸ਼ਨ" ਵਿਸ਼ੇ 'ਤੇ ਇੱਕ ਅੰਤਰ-ਵਿਭਾਗੀ ਕੁਇਜ਼ ਮੁਕਾਬਲੇ ਦਾ ਆਯੋਜਨ ਕੀਤਾ ਗਿਆ।){kind=link}