ਯੈੱਸ ਪੰਜਾਬ
ਨਵੀਂ ਦਿੱਲੀ, 8 ਫਰਵਰੀ, 2025
BJP ਦੇ ਕੌਮੀ ਸਕੱਤਰ ਤੇ ਰਾਜੌਰੀ ਗਾਰਡਨ ਹਲਕੇ ਤੋਂ ਨਵੇਂ ਚੁਣੇ ਗਏ ਐਮ ਐਲ ਏ Manjinder Singh Sirsa ਨੇ Delhi ਦੇ ਲੋਕਾਂ ਖਾਸ ਤੌਰ ’ਤੇ ਰਾਜੌਰੀ ਗਾਰਡਨ ਦੇ ਲੋਕਾਂ ਦਾ ਧੰਨਵਾਦ ਕੀਤਾ ਹੈ ਜਿਹਨਾਂ ਨੇ ਮੌਜੂਦਾ ਦਿੱਲੀ ਵਿਧਾਨ ਸਭਾ ਚੋਣਾਂ ਵਿਚ BJP ਦਾ ਸਾਥ ਦਿੱਤਾ ਹੈ ਅਤੇ ਉਹਨਾਂ ਪ੍ਰਣ ਲਿਆ ਕਿ ਉਹ ਲੋਕਾਂ ਨਾਲ ਕੀਤੇ ਆਪਣੇ ਵਾਅਦੇ ਪੂਰੇ ਕਰਨਗੇ।
ਰਾਜੌਰੀ ਗਾਰਡਨ ਹਲਕੇ ਤੋਂ 18190 ਵੋਟਾਂ ਨਾਲ ਜਿੱਤ ਦਰਜ ਕਰਨ ਮਗਰੋਂ ਜਾਰੀ ਕੀਤੇ ਆਪਣੇ ਸੰਦੇਸ਼ ਵਿਚ Manjinder Singh Sirsa ਨੇ ਕਿਹਾ ਕਿ ਉਹ ਰਾਜੌਰੀ ਗਾਰਡਨ ਅਤੇ ਦਿੱਲੀ ਦੇ ਲੋਕਾਂ ਦੇ ਕਰਜ਼ਦਾਰ ਹਨ ਜਿਹਨਾਂ ਨੇ ਭਾਜਪਾ ਲਈ ਵੋਟਾਂ ਪਾਈਆਂ ਹਨ ਤਾਂ ਜੋ ਕੌਮੀ ਰਾਜਧਾਨੀ ਸਾਫ ਸੁੱਥਰਾ ਤੇ ਵਿਕਸਤ ਬਣਾਇਆ ਜਾ ਸਕੇ।
ਉਹਨਾਂ ਕਿਹਾ ਕਿ ਉਹ ਲੋਕਾਂ ਨੂੰ ਭਰੋਸਾ ਦੁਆਉਂਦੇ ਹਨ ਕਿ ਉਹ ਲੋਕਾਂ ਦੇ ਜੀਵਨ ਨੂੰ ਸੁਖਾਲਾ ਬਣਾਉਣ ਵਾਸਤੇ ਤੇ ਰਾਜੌਰੀ ਗਾਰਡਨ ਹਲਕੇ ਦੇ ਵਿਕਾਸ ਵਾਸਤੇ ਅਗਲੇ ਪੰਜ ਸਾਲ ਕੰਮ ਕਰਨਗੇ ਅਤੇ ਯਕੀਨੀ ਬਣਾਉਣ ਕਿ ਤੇਜ਼ ਰਫਤਾਰ ਲੋਕਾਂ ਨੂੰ ਸਹੂਲਤਾਂ ਮਿਲ ਸਕਣ।
