ਯੈੱਸ ਪੰਜਾਬ
ਮਾਲੇਰਕੋਟਲਾ, 1 ਅਕਤੂਬਰ, 2022 –
ਪੰਜਾਬ ਸਰਕਾਰ ਵੱਲੋਂ ਨਸ਼ਿਆਂ ਵਿਰੁੱਧ ਚਲਾਈ ਮੁਹਿੰਮ ਤਹਿਤ ਜ਼ਿਲ੍ਹਾ ਪੁਲਿਸ ਮਾਲੇਰਕੋਟਲਾ ਅਤੇ ਕਾਊਂਟਰ ਇੰਟੈਲੀਜੈਂਸ ਮਾਲੇਰਕੋਟਲਾ ਵੱਲੋਂ ਸਾਂਝਾ ਓਪਰੇਸ਼ਨ ਕਰਕੇ 02 ਦੋਸੀਆਨ ਨੂੰ ਗ੍ਰਿਫ਼ਤਾਰ ਕੀਤਾ ਅਤੇ ਉਹਨਾਂ ਪਾਸੋਂ 22 ਕਿੱਲੋ ਅਫ਼ੀਮ ਸਮੇਤ ਕੈਂਟਰ ਬਰਾਮਦ ਕਰਾਉਣ ਵਿੱਚ ਸਫਲਤਾ ਹਾਸਲ ਕੀਤੀ ਗਈ ਹੈ।
ਸੀਨੀਅਰ ਕਪਤਾਨ ਪੁਲਿਸ ਮਲੇਰਕੋਟਲਾ ਸ੍ਰੀਮਤੀ ਅਵਨੀਤ ਕੌਰ ਸਿੱਧੂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਡੀ.ਜੀ.ਪੀ. ਸਾਹਿਬ ਪੰਜਾਬ ਵੱਲੋਂ ਜਾਰੀ ਹਦਾਇਤਾਂ ਅਨੁਸਾਰ ਨਸ਼ਿਆਂ ਵਿਰੁੱਧ ਚਲਾਈ ਮੁਹਿੰਮ ਤਹਿਤ ਕਾਰਵਾਈ ਕਰਦਿਆ. ਏ.ਆਈ.ਜੀ. ਸੀ ਆਈ. ਪਟਿਆਲਾ ਡਾ. ਸਿਮਰਤ ਕੌਰ ਆਈ.ਪੀ.ਐਸ ਅਤੇ ਕਪਤਾਨ ਪੁਲਿਸ ਇੰਨਵੈਸਟੀਗ੍ਰੇਸਨ ਮਲੇਰਕੋਟਲਾ ਸ੍ਰੀ ਜਗਦੀਸ਼ ਬਿਸ਼ਨੋਈ ਦੀ ਨਿਗਰਾਨੀ ਹੇਠ, ਉੱਪ ਕਪਤਾਨ ਪੁਲਿਸ ਅਮਰਗੜ੍ਹ ਸ੍ਰੀ ਗੁਰ ਇਕਬਾਲ ਸਿੰਘ, ਐਸ.ਆਈ. ਇੰਚਾਰਜ ਕਾਊਂਟਰ ਇੰਟੈਲੀਜੈਂਸ ਮਾਲੇਰਕੋਟਲਾ ਹਰਪ੍ਰੀਤ ਸਿੰਘ ਅਤੇ ਐਸ.ਆਈ ਮੁੱਖ ਅਫ਼ਸਰ ਥਾਣਾ ਅਮਰਗੜ੍ਹ ਵਿਨਰਪ੍ਰੀਤ ਸਿੰਘ ਵੱਲੋਂ ਪਿਛਲੇ ਦਿਨੀਂ ਇੱਕ ਸਾਂਝਾ ਓਪਰੇਸ਼ਨ ਕੀਤਾ ਗਿਆ।
ਜਿਸ ਦੇ ਤਹਿਤ ਪਿਛਲੇ ਦਿਨੀਂ ਸ:ਥ: ਅਨੈਤ ਖਾਂ 656/ਸੰਗ: ਸਮੇਤ ਥਾਣਾ ਅਮਰਗੜ੍ਹ ਦੇ ਕਰਮਚਾਰੀਆਂ ਅਤੇ ਕਾਊਂਟਰ ਇੰਟੈਲੀਜੈਂਸ ਮਾਲੇਰਕੋਟਲਾ ਦੇ ਕਰਮਚਾਰੀ ਸੀਨੀਅਰ ਸਿਪਾਹੀ ਜਗਸੀਰ ਸਿੰਘ 2/697 ਅਤੇ ਲੇਡੀ.ਸੀਨੀਅਰ ਸਿਪਾਹੀ ਅੱਛਰਜੀਤ ਕੌਰ 491/ਸੰਗ ਦੇ ਗਸ਼ਤ ਬਾ ਚੈਕਿੰਗ ਸ਼ੱਕੀ ਪੁਰਸ਼ਾ ਤੇ ਸ਼ੱਕੀ ਵਹੀਕਲਾ ਦੇ ਸਬੰਧ ਵਿੱਚ ਪੁਲ ਸੂਆ ਬਾਗੜੀਆ ਛੀਟਾਂਵਾਲਾ ਰੋਡ ਬਾ-ਹੱਦ ਪਿੰਡ ਭੱਟੀਆ ਕਲਾਂ ਪੁੱਜ ਕਰ ਸ਼ੱਕੀ ਵਹੀਕਲਾ ਦੀ ਚੈਕਿੰਗ ਕਰਨੀ ਸ਼ੁਰੂ ਕੀਤੀ, ਜਿੱਥੇ ਛੀਟਾਂਵਾਲੀ ਸਾਈਡ ਤੋ ਇੱਕ ਲਾਲ ਰੰਗ ਦਾ ਕੈਂਟਰ ਮਾਰਕਾ ਅਸ਼ੋਕ ਲੇਲੈਡ ਰੰਗ ਲਾਲ ਜਿਸ ਦਾ ਨੰਬਰ PB-11-CZ-4237 ਨੂੰ ਸ:ਥ: ਅਨੈਤ ਖਾਂ 656/ਸੰਗ: ਰੋਕਿਆ ਗਿਆ, ਜੋ ਕੈਂਟਰ ਵਿੱਚ ਡਰਾਈਵਰ ਅਤੇ ਕੰਡਕਟਰ ਸਾਈਡ ਤੋ ਦੋ ਮੋਨੇ ਨੌਜਵਾਨ ਉਤਰ ਕੇ ਘਬਰਾ ਕੇ ਭੱਜਣ ਲੱਗੇ ਤਾਂ ਸ:ਥ: ਅਨੈਤ ਖਾਂ 656/ਸੰਗ: ਨੇ ਸਮੇਤ ਸਾਥੀ ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕਰਕੇ ਨਾਮ ਪਤਾ ਪੁੱਛਿਆ ਜਿੰਨਾ ਵਿੱਚੋਂ ਡਰਾਈਵਰ ਸਾਈਡ ਤੋ ਉੱਤਰੇ ਵਿਅਕਤੀ ਨੇ ਆਪਣਾ ਨਾਮ ਇੰਦਰਪਾਲ ਸਿੰਘ ਉਰਫ਼ ਬੰਟੀ ਪੁੱਤਰ ਲੇਟ ਜਸਪ੍ਰੀਤ ਸਿੰਘ ਵਾਸੀ ਪਿੰਡ ਸਿੰਕਦਰਪੁਰਾ ਅਤੇ ਕੰਡਕਟਰ ਵਾਲੀ ਸਾਈਡ ਤੋ ਉੱਤਰੇ ਵਿਅਕਤੀ ਨੇ ਆਪਣਾ ਨਾਮ ਸੁਖਵਿੰਦਰ ਸਿੰਘ ਉਰਫ਼ ਸੋਨੀ ਪੁੱਤਰ ਨਿਰਮਲ ਸਿੰਘ ਵਾਸੀ ਪਿੰਡ ਸਿੰਕਦਰਪੁਰਾ ਜ਼ਿਲ੍ਹਾ ਮਾਲੇਰਕੋਟਲਾ ਦੱਸਿਆ।
ਉਨ੍ਹਾਂ ਦੱਸਿਆ ਕਿ ਫਿਰ ਸ:ਥ: ਅਨੈਤ ਖਾਂ 656/ਸੰਗ: ਨੇ ਕੈਂਟਰ ਨੰਬਰੀ ਉਕਤ ਦੀ ਕੈਬਿਨ ਨੂੰ ਚੈਕ ਕੀਤਾ ਤੇ ਡਰਾਈਵਰ ਸੀਟ ਦੀ ਪਿਛਲੀ ਸੀਟ ਚੁੱਕਣ ਪਰ ਥੱਲੋ ਥੈਲਾ ਪਲਾਸਟਿਕ ਵਿੱਚ ਪਾਰਦਰਸ਼ੀ ਪਲਾਸਟਿਕ ਦੇ ਲਿਫ਼ਾਫ਼ੇ ਵਿੱਚੋਂ ਪੈਕ ਅਫ਼ੀਮ ਦਿਖਾਈ ਦਿੱਤੀ। ਜਿਸਤੇ ਸ:ਥ: ਅਨੈਤ ਖਾਂ 656/ਸੰਗ: ਨੇ ਰੁੱਕਾ ਭੇਜਕੇ ਮੁਕੱਦਮਾ ਨੰਬਰ 191 ਮਿਤੀ 30.09.2022 ਅ/ਧ 18/61/85 ਐਨ.ਡੀ.ਐਡ.ਪੀ.ਐਸ ਐਕਟ ਥਾਣਾ ਅਮਰਗੜ੍ਹ ਬਰਖਿਲ਼ਾਫ ਇੰਦਰਪਾਲ ਸਿੰਘ ਉਰਫ਼ ਬੰਟੀ ਪੁੱਤਰ ਲੇਟ ਜਸਪ੍ਰੀਤ ਸਿੰਘ ਵਾਸੀ ਪਿੰਡ ਸਿੰਕਦਰਪੁਰਾ ਅਤੇ ਸੁਖਵਿੰਦਰ ਸਿੰਘ ਉਰਫ਼ ਸੋਨੀ ਪੁੱਤਰ ਨਿਰਮਲ ਸਿੰਘ ਵਾਸੀ ਪਿੰਡ ਸਿੰਕਦਰਪੁਰਾ ਜ਼ਿਲ੍ਹਾ ਮਾਲੇਰਕੋਟਲਾ ਦੇ ਦਰਜ ਰਜਿਸਟਰ ਕਰਵਾਇਆ ਗਿਆ ਹੈ ਅਤੇ ਐਸ.ਆਈ ਨਾਜਰ ਸਿੰਘ 1799/ਪਟਿਆਲਾ ਵੱਲੋਂ ਮੌਕਾ ਪਰ ਪੁੱਜਕੇ ਦੋਸੀਆਨ ਉਕਤਾਨ ਦੇ ਕੈਂਟਰ ਮਾਰਕਾ ਅਸ਼ੋਕ ਲੇਲੈਡ ਰੰਗ ਲਾਲ ਨੰਬਰ PB-11-CZ-4237 ਡਰਾਈਵਰ ਸੀਟ ਦੀ ਪਿਛਲੀ ਸੀਟ ਦੇ ਥੱਲੋ ਥੈਲਾ ਪਲਾਸਟਿਕ ਵਿੱਚ ਪਾਰਦਰਸ਼ੀ ਪਲਾਸਟਿਕ ਦੇ ਲਿਫ਼ਾਫ਼ੇ ਵਿੱਚੋਂ ਅਫ਼ੀਮ ਬਰਾਮਦ ਕਰਵਾਈ ਗਈ ਅਤੇ ਦੋਸੀਆਨ ਉਕਤਾਨ ਨੂੰ ਮੁਕੱਦਮਾ ਹਜਾ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ।
ਜੋ ਵਜ਼ਨ ਕਰਨ ਪਰ ਕੁੱਲ 22 ਕਿੱਲੋਗਰਾਮ ਹੋਈ। ਦੋਸੀਆਨ ਉਕਤਾਨ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਹਾਸਲ ਕੀਤਾ ਜਾਵੇਗਾ। ਮੁਕੱਦਮਾ ਦੀ ਤਫ਼ਤੀਸ਼ ਜਾਰੀ ਹੈ।
ਯੈੱਸ ਪੰਜਾਬ ਦੀਆਂ ਪੰਜਾਬੀ ਖ਼ਬਰਾਂ ਲਈ ਇੱਥੇ ਕਲਿੱਕ ਕਰਕੇ ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰੋ