Haryana and Punjab govts must get parole of Ram Rahim rejected: Manjit Singh Bhoma
ਯੈੱਸ ਪੰਜਾਬ
ਅੰਮ੍ਰਿਤਸਰ, 31 ਜਨਵਰੀ, 2023:
ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਧਰਮ ਪ੍ਰਚਾਰ ਕਮੇਟੀ ਪੰਜਾਬ ਦੇ ਚੇਅਰਮੈਨ ਮਨਜੀਤ ਸਿੰਘ ਭੋਮਾ ਨੇ ਪ੍ਰੈਸ ਬਿਆਨ ਜਾਰੀ ਕਰਦਿਆਂ ਸੌਦਾ ਸਾਧ ਡੇਰਾ ਮੁਖੀ ਰਾਮ ਰਹੀਮ ਤੇ ਬੀਤੇ ਦਿਨੀ ਸਲਾਬਤਪੁਰੇ ਵਿਖੇ ਹੋਏ ਸਮਾਗਮ ਦੀ ਨਿੰਦਿਆ ਕਰਦਿਆਂ ਕਿਹਾ ਸਰਕਾਰਾਂ ਤੇ ਇਹ ਲੋਕ ਕਿਉਂ ਪੰਜਾਬ ਦੇ ਸ਼ਾਤਮਈ ਹਾਲਾਤਾਂ ਨੂੰ ਅੱਗ ਦੇ ਭਾਂਬੜਾਂ ਵਿੱਚ ਬਦਲਣਾ ਚਾਹੁੰਦੇ ਹਨ ।
ਸ ਭੋਮਾ ਨੇ ਹੈਰਾਨੀ ਪ੍ਰਗਟਾਈ ਕਿ ਜਿਹੜੇ ਤਰੀਕਿਆਂ ਨਾਲ ਬਲਾਤਕਾਰੀ ਤੇ ਕਤਲ ਵਰਗੇ ਸੰਗੀਨ ਜੁਰਮਾਂ ਦੇ ਦੋਸ਼ੀ ਨੂੰ ਪੈਰੋਲਾਂ ਦਿੱਤੀਆਂ ਜਾ ਰਹੀਆਂ ਹਨ ਲੋਕਾਂ ਦਾ ਨਿਆਂ ਤੋਂ ਵਿਸ਼ਵਾਸ਼ ਉੱਠ ਰਿਹਾ ਹੈ ।ਮਨਜੀਤ ਸਿੰਘ ਭੋਮਾ ਨੇ ਬਾਦਲਾਂ ਤੇ ਨਿਸ਼ਾਨੇ ਸਾਧਦਿਆਂ ਦੋਸ਼ ਲਾਇਆ ਕਿ ਇਨ੍ਹਾਂ ਦੀਆਂ ਗਲਤੀਆਂ ਦੀ ਸਜ਼ਾ ਅੱਜ ਪੰਥ ਤੇ ਸਾਰਾ ਪੰਜਾਬ ਭੁਗਤ ਰਿਹਾ ਹੈ।
ਭੋਮਾ ਅਨੁਸਾਰ ਇਹ ਉਹੀ ਸਾਧ ਹੈ,ਜਿਸ ਨੇ ਦਸ਼ਮ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਦਾ ਸਵਾਂਗ ਰਚਾ ਕੇ ਲੋਕਾਂ ਨੂੰ ਜਾਮੇਂ ਇੰਨਸਾ ਪਿਲਾਇਆ ਸੀ ਤੇ ਬਾਦਲਾਂ ਦਾ ਟੋਲਾਂ ਇਹਨ੍ਹਾਂ ਤੇ ਇਨ੍ਹਾਂ ਮੇਹਰਬਾਨ ਸੀ ਕਿ ਇਹਨਾਂ ਨੇ ਗੁਰਮੀਤ ਰਾਮ ਰਹੀਮ ਨੂੰ ਸਜ਼ਾ ਦਿਵਾਉਣ ਦੀ ਥਾਂ ਉਸ ਵਿਰੁੱਧ ਐਫ ਆਈ ਆਰ ਹੀ ਰੱਦ ਕਰਵਾ ਦਿੱਤੀ ਸੀ ।
ਭੋਮਾ ਮੁਤਾਬਕ 2015 ਚ ਬਾਦਲਾਂ ਨੇ ਤਖਤਾਂ ਦੇ ਜਥੇਦਾਰਾਂ ਨੂੰ ਮੁੱਖ ਮੰਤਰੀ ਦੀ ਸਰਕਾਰੀ ਕੋਠੀ ਚੰਡੀਗੜ੍ਹ ਸੱਦ ਕੇ ਸੌਦਾ ਸਾਧ ਨੂੰ ਬਿਨਾ ਮੰਗਿਆ ਧੱਕੇ ਨਾਲ ਮੁਆਫੀ ਦਵਾਈ ਸੀ ਕਿਉਕਿ ਬਾਦਲ ਇਸ ਸਾਧ ਦੇ ਚੇਲੇ ਸੀ .ਰਾਮ ਰਹੀਮ ਦੇ ਡੇਰੇ ਜਾ ਕੇ ਮੱਥੇ ਟੇਕਦੇ ਰਹੇ,ਗੋਡੇ ਭਾਰ ਬੈਠ ਕੇ ਹੱਥ ਅੱਡਦੇ ਰਹੇ। ਮਨਜੀਤ ਸਿੰਘ ਭੋਮਾ ਨੇ ਸਖਤ ਲਹਿਜ਼ੇ ਨਾਲ ਕਿਹਾ ਕਿ ਪੰਜਾਬ ਖਾਸ ਕਰਕੇ ਸਿੱਖ ਕੌਮ ਬਾਦਲਾਂ ਨੂੰ ਕਦੇ ਮੁਆਫ ਨਹੀ ਕਰੇਗੀ,ਜਿਸ ਦਾ ਨਤੀਜਾ ਬਾਦਲਾਂ 2017 ਤੇ 2022 ਦੀਆਂ ਚੋਣਾਂ ਚ ਵੇਖ ਹੀ ਲਿਆ ਹੈ।
ਆਖੀਰ ਤੇ ਚੇਅਰਮੈਨ ਮਨਜੀਤ ਸਿੰਘ ਭੋਮਾ ਨੇ ਕਿਹਾ ਕਿ ਸਲਾਬਤਪੁਰੇ ਤੋਂ ਹੀ ਸੌਦਾ ਸਾਧ ਨੇ ਗੁਰੂ ਗੋਬਿੰਦ ਸਿੰਘ ਜੀ ਦਾ ਸਵਾਂਗ ਰਚਾਇਆ ਸੀ ,ਜਿਥੋ ਸਿੱਖ ਕੌਮ ਭੜਕ ਉੱਠੀ ਸੀ ਤੇ ਹੁਣ ਉਵੇਂ ਹੀ ਫਿਰ ਬੀਤੇ ਦਿਨੀਂ ਸਲਾਬਤਪੁਰੇ ਸਮਾਗਮ ਕਰਵਾ ਕੇ ਪੰਜਾਬ ਦਾ ਸ਼ਾਂਤ ਮਾਹੌਲ ਨੂੰ ਗੁਰਮੀਤ ਰਾਮ ਰਹੀਂਮ ਅੱਗ ਦੀ ਭੱਠੀ ਵਿੱਚ ਬਦਲਣਾ ਚਾਹੁੰਦਾ ਹੈ,ਜਿਸ ਨੂੰ ਸਿੱਖ ਕੌਮ ਤੇ ਪੰਜਾਬੀ ਕਦੇ ਬਰਦਾਸ਼ਤ ਨਹੀ ਕਰਨਗੇ। ਭੋਮਾ ਕਿ ਹਰਿਆਣਾ ਤੇ ਪੰਜਾਬ ਸਰਕਾਰ ਤੁਰੰਤ ਰਾਮ ਰਹੀਮ ਦੀ ਪੈਰੋਲ ਰੱਦ ਕਰਵਾਉਣ ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
