ਯੈੱਸ ਪੰਜਾਬ
ਫਾਜ਼ਿਲਕਾ, 30 ਨਵੰਬਰ, 2022:
ਜ਼ਿਲਾ ਅਤੇ ਸੈਸ਼ਨ ਜੱਜ ਮੈਡਮ ਜਤਿੰਦਰ ਕੌਰ ਦੀ ਅਦਾਲਤ ਵੱਲੋਂ ਇਕ ਕੇਸ ਵਿੱਚ ਇਕ ਮਹਿਲਾ ਨੂੰ ਉਮਰਕੈਦ ਦੀ ਸਜਾ ਸੁਣਾਈ ਗਈ ਹੈ। ਜਾਣਕਾਰੀ ਅਨੁਸਾਰ ਸੁਖਪ੍ਰੀਤ ਕੌਰ ਉਰਫ ਸੁਖੀ ਪਤਨੀ ਸ਼੍ਰੀ ਬਲਵੀਰ ਸਿੰਘ ਪੁੱਤਰ ਗੁਰਜੰਟ ਸਿੰਘ ਵਾਸੀ ਸੈਦੋਕੇ ਥਾਣਾ ਅਮੀਰ ਖਾਸ ਨੂੰ ਉਮਰ ਕੈਦ ਬਾਮੁਸਕਤ ਸਜ਼ਾ ਦੇ ਨਾਲ-ਨਾਲ ਪੰਜਾਹ ਹਜ਼ਾਰ ਰੁਪਏ ਜੁਰਮਾਨਾ ਭਰਨ ਦਾ ਹੁਕਮ ਵੀ ਸੁਣਾਇਆ ਗਿਆ। ਜੁਰਮਾਨਾ ਨਾ ਭਰਨ ਦੀ ਸੂਰਤ ਵਿੱਚ ਇਕ ਸਾਲ ਸਜਾ ਬਾਮੁਸ਼ਕਤ ਕੱਟਣੀ ਪਵੇਗੀ।
ਉਕਤ ਸੁਖਪ੍ਰੀਤ ਕੌਰ ਦੇ ਖਿਲਾਫ ਮੁਕੱਦਮਾ ਨੰਬਰ 18 ਮਿਤੀ 15 ਅਪ੍ਰੈਲ 21 ਅਧੀਨ ਧਾਰਾ 302 ਆਈ ਪੀ ਸੀ ਥਾਣਾ ਅਮੀਰ ਖਾਸ, ਬਰਬਿਆਨ ਅਮਨਦੀਪ ਕੌਰ ਪਤਨੀ ਦੇਵੀ ਲਾਲ ਪੁੱਤਰ ਜੰਟਾ ਸਿੰਘ ਵਾਸੀਆਨ ਸੈਦੋਕੇ ਦਰਜ ਰਜਿਸਟਰ ਕੀਤਾ ਗਿਆ ਸੀ ਜਿਸਨੇ ਦੋਸ਼ ਲਾਏ ਸਨ ਕਿ ਉਹ ਆਪਣੀ ਲੜਕੀ ਮਿਹਰਦੀਪ ਜਿਸਦੀ ਉਮਰ ਕਰੀਬ ਤਿੰਨ ਮਹੀਨੇ ਸੀ ਨੂੰ ਘਰ ਛੱਡ ਕੇ ਗਈ ਸੀ ਜਿਥੋ ਉਸਦੀ ਦਰਾਨੀ ਸੁਖਪ੍ਰੀਤ ਕੌਰ ਉਰਫ ਸੁਖੀ ਆਪਣੇ ਘਰ ਲੈ ਗਈ ਅਤੇ ਪੁਲਿਸ ਵੱਲੋਂ ਤਫਤੀਸ ਦੌਰਾਨ ਬੱਚੀ ਦੀ ਲਾਸ਼ ਵੇਹੜੇ ਵਿਚੋ ਮਿੱਟੀ ਵਿਚ ਦੱਬੀ ਹੋਈ ਬਰਾਮਦ ਕੀਤੀ ਸੀ। ਹੁਣ ਉਕਤ ਕੇਸ ਦੀ ਸੁਣਵਾਈ ਦੌਰਾਨ ਦੋਸ਼ਣ ਨੂੰ ਉਕਤ ਮੁਕਦਮੇ ਦੌਰਾਨ ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
