ਯੈੱਸ ਪੰਜਾਬ
ਮੁੰਬਈ, 21 ਨਵੰਬਰ, 2020:
ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਤੋਂ ਬਾਅਦ ਬਾਲੀਵੁੱਡ ਹਸਤੀਆਂ ਦੇ ‘ਡਰੱਗਜ਼ ਕੁੱਨੈਕਸ਼ਨਜ਼’ ਦੀ ਜਾਂਚ ਵਿੱਚ ਜੁੜੀ ਕੇਂਦਰੀ ਏਜੰਸੀ ਨਾਰਕੋਟਿਕਸ ਕੰਟਰੋਲ ਬਿਉਰੋ (ਐਨ.ਸੀ.ਬੀ.) ਵੱਲੋਂ ਪ੍ਰਸਿੱਧ ਕਾਮੇਡੀਅਨ ਭਾਰਤੀ ਸਿੰਘ ਅਤੇ ਉਸਦੇ ਪਤੀ ਅਤੇ ਸਹਿ-ਕਲਾਕਾਰ ਹਰਸ਼ Çਲੰਬਾਚੀਆ ਦੇ ਮੁੰਬਈ ਸਥਿਤ ਫ਼ਲੈਟ ’ਤੇ ਛਾਪੇਮਾਰੀ ਕੀਤੀ ਗਈ ਹੈ।
ਇਹ ਛਾਪੇਮਾਰੀ ਅੰਧੇਰੀ, ਲੋਖੰਡਵਾਲਾ ਅਤੇ ਵਰਸੋਵਾ ਵਿੱਚ ਅੱਜ ਜਾਰੀ ਹੈ। ਪਤਾ ਲੱਗਾ ਹੈ ਕਿ ਨਸ਼ਾ ਮਾਮਲੇ ਨਾਲ ਜੁੜੇ ਕਿਸੇ ਵਿਅਕਤੀ ਵੱਲੋਂ ਐਨ.ਸੀ.ਬੀ. ਦੇ ਸਾਹਮਣੇ ਭਾਰਤੀ ਅਤੇ ਹਰਸ਼ ਦੇ ਨਾਂਅ ਦਾ ਖ਼ੁਲਾਸਾ ਕੀਤਾ ਗਿਆ ਸੀ ਜਿਸ ਦੇ ਆਧਾਰ ’ਤੇ ਇਹ ਕਾਰਵਾਈ ਕੀਤੀ ਗਈ।
ਇਹ ਵੀ ਪਤਾ ਲੱਗਾ ਹੈ ਕਿ ਘਰ ਵਿੱਚੋਂ ‘ਡਰੱਗਜ਼’ ਬਰਾਮਦ ਕੀਤੀਆਂ ਗਈਆਂ ਹਨ। ਬਰਾਮਦ ਨਸ਼ਾ ਗਾਂਜਾ ਦੱਸਿਆ ਜਾ ਰਿਹਾ ਹੈ।
ਕਪਿਲ ਸ਼ਰਮਾ ਦੇ ਸ਼ੋਅ, ਝਲਕ ਦਿਖ਼ਲਾ ਜਾ, ਨੱਚ ਬੱਲੀਏ ਅਤੇ ਇੰਡੀਆਜ਼ ਬੈੱਸਟ ਡਾਂਸਰ ਜਿਹੇ ਸ਼ੋਅ ਹੋਸਟ ਕਰਨ ਵਾਲੀ ਇਸ ਜੋੜੀ ਨੇ 3 ਦਸੰਬਰ, 2017 ਨੂੰ ਵਿਆਹ ਕਰਵਾਇਆ ਸੀ।
ਇਸ ਵੇਲੇ ਵੀ ਦੋਵੇਂ ਇੰਡੀਆਜ਼ ਬੈਸਟ ਡਾਂਸਰ ਸ਼ੋਅ ਹੋਸਟ ਕਰ ਰਹੇ ਹਨ ਜਿਸਦਾ ਫ਼ਾਈਨਲ ਆਉਣ ਹੀ ਵਾਲਾ ਹੈ।